Aniversário de idoso
O aniversário de um idoso é celebração de uma vida longa e cheia de experiências com Deus. A Bíblia honra os cabelos brancos como coroa de glória e prova da fidelidade divina.
Nt’hogola kwajili yo uwedi wa Mnungu
Mtogoleni Zumbe Mnungu kwaviya ni ywedi,
lukunde lwakwe ni lwa mazuwa yose.
Idi nidyo dizuwa didamanywe ni Zumbe.
Kinde na kinyemi na kwanga.
Nt’hunyo kwa uwedi wa Mnungu
Nenimtunye Zumbe Mnungu mazua yose,
nt’huyo yakwe heifose mwo mnomo wangu.
Zumbe Mnungu nuwo udahi na nk’hindo yangu,
miye namhuwila kwa moyo wangu wose,
yehe anambiza naho anitenda nimwangile,
ivo namtogola na mila ya kinyemi.
Moyo wangu kuumemeza kinyemi kikulu,
kujink’ha uwingi we nk’hande ne divai wananayo.
Wanilagisa sila ya mpaka kwo ugima,
kwa weye kunda na miye kwanitenda ninde na kinyemi,
naho nenange mazuwa yose.
Mbuli imwenga humlombeza Zumbe Mnungu,
kint’hu icho huzungula,
miye nikale mwe nyumba ya Zumbe Mnungu wikazi wangu wose,
vileke niuone uwedi wa Zumbe Mnungu,
na kumlombeza ulongozi wakwe.
Elo kihinize suwe kimanye kuwaza mazuwa yetu,
vileke kinde na moyo wa mizungu.
Kunda na fii za udala ni taji yo ukulu, yapatikana kwa wikazi wa uhuwilwa.
Weduvi wa wabwanga ni ludole lwawe, naho nt’hunyo ya wadala ni fii zina mizungu.
Naho hake kaula, Zumbe Mnungu kaniika mgima hata ivi dielo viligane na viya alongaga. Ni miaka milongo mine na mishano kukongela hadya Zumbe alongaga na Musa ulosi uno, hadya Waizilaeli wandaga mwo utafi mwe dijangwa, naho haluse nna miaka milongo mnane na mishano. Mna nikei nna ludole hata dielo enga ivo nandaga umwo Musa anigambaga haipelembe isi. Hata ivi haluse nikei na ludole lwa kutowana nk’hondo hegu kudamanya ndima yoyose.
‘Zumbe awavikile na kuwadima,
Zumbe awakaule kwa ukise na kuwadamanyila uwedi.
Zumbe awalagiseni uwedi wakwe na kuwenk’ha utondowazi.’
Mbuyangu, nalombeza kugamba mph’eho yedi kwako mwe zimbuli zose, unde mgima mwo mwili enga ivi wili mgima mwo muye.