Aniversário
O aniversário é momento de celebrar a vida que Deus nos deu. A Bíblia nos convida a agradecer por cada dia, contar nossos anos com sabedoria e alegrar-se na bondade do Senhor.
Agradecer pela vida
Este é o dia que o Senhor fez — alegremo-nos! Cada dia é presente de Deus, cada ano é prova da sua fidelidade.
Anihán weyu le ídanbei luadigimarida Aburemei:
Gunda wamá uguñe!
Alawahoualá Aburemei!
Ru humá eteingiruni lun Aburemei,
ladüga buiti Bungiu,
ladüga magumuchaditi línsiñehabu.
Nalawahabei Nabureme tau sun nuani;
mabulieidúnbadina ni aban
lídangiñe sun ubuiduni le ladügübei nun.
Nabureme Íñuguti,
buiti lichugúniwa seremei bun
luma leremuhóuniwa luagu buéirigun!
Ladimurehóun luagu lueirin bínsiñehabu binaafin,
luma luagu bigunfulin guñoun,
Ladüga murusunrügüñein dan lau lidan ligañi,
ánheinti lareini durati lun súnwandan.
Ánhawa ayahua guñoun,
gúndaabadiwa larugan binaafin.
Numada hínsiñeti nun, nayumuragun lun Bungiu lun buidu lan lidin sun katei bun, lun giñe magadiñe ban ítara keisi buidu lan lidin bun lidan béibugun luma Kristu.
A obra de Deus em nós
Tu me teceste no ventre de minha mãe — maravilhosas são as tuas obras! Cada vida é obra-prima do Criador.
Buguya adügübalin sun núgubu;
buguya adügübalina turageirugu núguchu.
Alawaha numutibu, ladüga wéiritu nanigi,
ladüga wéiriguti katei le badügübei.
Chouru numuti lira!
Maramudagunti lafaragadagun núgubu buéi
sun meha nadügǘnbei aramudaguarügü,
sun meha nadügǘnbei lidan lilulin-agei múa.
Ariha lumuti bagu ladügǘn núgubu;
bürüwañu liña meha sun le tidan biliburun.
Arufuda baali meha átiribei lan dan nabagaridun
dan meha le miábingubeigidina ubouagun.
Bungiu, huliliti bisaminan nun;
mébehati súngubei!
Buguya adügübalin sun núgubu;
buguya adügübalina turageirugu núguchu.
Alawaha numutibu, ladüga wéiritu nanigi,
ladüga wéiriguti katei le badügübei.
Chouru numuti lira!
Maramudagunti lafaragadagun núgubu buéi
sun meha nadügǘnbei aramudaguarügü,
sun meha nadügǘnbei lidan lilulin-agei múa.
Ariha lumuti bagu ladügǘn núgubu;
bürüwañu liña meha sun le tidan biliburun.
Arufuda baali meha átiribei lan dan nabagaridun
dan meha le miábingubeigidina ubouagun.
Lúmagiñe meha turageirugugidina núguchu nabalachun buagun;
adügatibu lun nágurahouniwa!
Neremuhaba bun súnwandan!
Lubaragiñebei nágurahoun,
rúatina lábugiñoun baríaahan;
lúmagiñe turageirugugiñe núguchu,
buguya Nubungiutebei.
Ani ítara liñati:
Furigüda bumutina turageirugugiñe núguchu,
emeraaguagüda bumutina taniguagu.
Lubaragiñebei nágurahoun,
rúatina lábugiñoun baríaahan;
lúmagiñe turageirugugiñe núguchu,
buguya Nubungiutebei.
Súnwandan neteingiruni Bungiu huagu, luagu abiniruni le ru laalibei hun lau lareini, lídangiñe Hesukrístu.
Oração de bênção
O Senhor te abençoe e te guarde. Tu és toda formosa e em ti não há defeito. Deus cuida de cada detalhe da tua vida.
«Binilabu Wabureme, góunigi lábume;
gundaalá Wabureme bau, arufudaléime lareini bun;
hínsiñehabula Wabureme bun, ru ligíame darangilaü bun».
Mama lanarime bumagadiñen númari,
lúmagiñe bugudi darí bábulugu!
Úati mégeiti buagu.
Buin tiña lau erei luma inebesei,
ani madiheritu luagu weyu le harugabei.
Lau lichú aau tadimureha súnwandan,
ani arufudahatu lau ínsiñeni.
Iyeeni magadiñein,
gagumuchaguadi ligía uéndeni;
anhoun würi to íchuguboun inebesei lun Bungiu,
ladimurehouba buidu tuagu.
Afayeiruahaü aban ibagari migifeti houn gürigia ha richaguabaña,
ítara liña hagaruban kei aban ridi.
Sagü naritagun huagun neteingiruni Nubungiute.
Sabedoria e alegria
Ensina-nos a contar os nossos dias. Deus encheu nosso cálice de alegria e o seu caminho mostra-se vida em plenitude.
Arufudahabá woun lun wabahüdüni waweyuri buidu,
ragǘ láamuga wachügü lichú aau.
«Nabureme, subudigüdabei nun kaba lan lébeha niwinwan
luma átiribei lan dan nabagaridun;
busentina nasubudiruni ida liña lan lilouguan nibagari!»
Rúhadibu aban ibagari le murusunrügüti nun;
ni kata nibagari bigibugiñe.
Sun gürigia ítara liña hadurarun ubouagu
kei aban awaraguni!
Barufudubei lémeri ibagari nun.
Anihein óunwenbu ugundani biñuarü;
anihein buiduu le magumuchaditi burugabu.
Rúhadibu ugundani tidoun nanigi
sügǘ hau ha gíbebei türigu tuma diwéin hama.
Ábanrügüñein katei namuriahan luma Nabureme,
ábanrügüñein katei nabusenrun:
Lun tidan nan luban Nabureme lidan sun nibagari
lun náhuduragun lun lúbiñe,
aríaguaneime lanarime lubuidure.
Falá lumutina bareini luma bínsiñehabu
lidan sun nabagaridun,
ani naganóuba tidan buban Nabureme lun súnwandan.
Alawahoualá Aburemei, le óunigirubalina!
Ligía aranserubalina lun nageindagun wuriburugu;
ligía numadabei le gúnfulibei,
ligía óunigirubalina,
ligía liñun-ágeibei naramudaguagüle,
ligía nesefuragülebei;
ligía nidaüdinabei le lauti gürabu,
lau nadouragua naugua;
ligía íchugubaliña lílana fulasu lábugiñoun nugumadin.
Chouru naali luagu líchugubei lan Aburemei
agañeiruni lun urúei le lanúadirubei,
luagu lóunabubei lan giñe siélugiñe,
rúina ligíame agañeiruni lun lau lubafu.
Añahein afiñetiña tuagu burí hakarün to lánina wuribu,
híbiri afiñetiña hawagu halügüniña gabayu;
anhein wagía luagu Aburemei le Wabungiute wafiñera.
Hagía, baruguati hagachürügü aba héiguadun,
anhein wagía, derebugumemetiwa raramémewaña giñe.
Au le Aburemei, au óunigirubarun, súnwandan náturagunu.
Góunigi numutu áriebu wéyuagu lun masuseredun lan ni kata tun.
Proteção e fidelidade
O Senhor pelejará por vós. Fiel é o Senhor que vos guarda — Ele te protege de todo mal o tempo todo.
lugundun anihein Wabureme le Hubungiute huma; lageindaguba huéigiñe hama háganiñu ábame lagañeiragüdünün."
Gama lumoun gúnfuliti Bungiu, ani líchuguba erei hun, areidalaünme luéi wuribani.
Ani seremei wamuti Bungiu le anügübaliwa súnwandan lau agañeiruni. Ladüga waweigiñe lasubudiragüdei uganu luáguti Kristu lidan sun fulasu, keisi lirimichúniwa íhemeni buiti.
Adüga naali le niyarati lidan éibaaguni le, éibaaguaadina chülǘ lumoun lébeha, areida naali arufudahani le lánina wafiñen harumañu.
Fuleseiwatibu buguya le afiñerubei luagu lagunfuliruba lan katei le lariñagubei Wabureme bun.