Aniversário
O aniversário é momento de celebrar a vida que Deus nos deu. A Bíblia nos convida a agradecer por cada dia, contar nossos anos com sabedoria e alegrar-se na bondade do Senhor.
Agradecer pela vida
Este é o dia que o Senhor fez — alegremo-nos! Cada dia é presente de Deus, cada ano é prova da sua fidelidade.
E nin hynh Bawipaw nynh
a raepaw nin nynh thua;
e nin kyahin lungtua lungpawte um oh sih.
Bawipaw kha thehoysah oh!
Bawipaw tuh hoy zah,
a sungsahnaw tuh zungzae atyn keiccuze
amaw kalan lungtuabya ho oh.
Pou ka muisaw, Bawipaw kha
thehoysah lah,
a thawccinaw balyn kha ning nan.
Bawipaw kalan lungtuabya hote,
Ahang Huaccepaw Pachia,
na min thehoysahnaw hlawsah tuh
myarya ahoy;
tintang, phyly te roi hoypaw kha
khuakute awkhua kya atynpaw
na sungsahnaw kha thuasah,
khuazi kya na lungzinaw kha thuasah
hopaw tuh myarya hoypaw nynh thua.
A thinrianaw tuh
sosoh kyalya nynh thua,
a hoynaw tuh shemazi hanlan nynh thua.
Khuazi kya rawkhuinaw um salamah,
awkhua kya vae tuh lungtuanaw yn thua.
Ka sungsahpaw, pawpaw kya balyn hiinhoyte na um nawlan te na ngedan nawlan saw kae sangpya; na thinlung tuh daebabi lan a um cipaw ka ny.
A obra de Deus em nós
Tu me teceste no ventre de minha mãe — maravilhosas são as tuas obras! Cada vida é obra-prima do Criador.
Ka lungkhu e miakaw yn raetupaw tuh
nang nynh na thua;
ka nung vue lungkhu khe nae rae,
Ngaeangthua lante ri lan a um lante
nae rae keiccuze kae thehoysah.
Na ryalaw balyn tuh ngaeangthua lan
a um cipaw hoyte ka ny.
Kae kha alangku leinaw khe nae rae zah,
laephi akhunaw kyakhe
ccynmamyh lante he nae rae tuh,
ka pyn tuh namaw kyate thuruh thua khyh.
Accing loh leipaw
ka pyn kha phe na muih.
Tuh-e hae ccangkheit san a um mawkhe,
ka hanlan na raepaw nin hae balyn kha
na ccauh kya zei athua vae.
Pou Pachia, na tuanaw tuh
ka hanlan pawcih baban mou akhincci!
Tuh-e na tuanaw balyn tuh
pawcih baban mou ako!
Ka lungkhu e miakaw yn raetupaw tuh
nang nynh na thua;
ka nung vue lungkhu khe nae rae,
Ngaeangthua lante ri lan a um lante
nae rae keiccuze kae thehoysah.
Na ryalaw balyn tuh ngaeangthua lan
a um cipaw hoyte ka ny.
Kae kha alangku leinaw khe nae rae zah,
laephi akhunaw kyakhe
ccynmamyh lante he nae rae tuh,
ka pyn tuh namaw kyate thuruh thua khyh.
Accing loh leipaw
ka pyn kha phe na muih.
Tuh-e hae ccangkheit san a um mawkhe,
ka hanlan na raepaw nin hae balyn kha
na ccauh kya zei athua vae.
Ka pui takaw te nang kha
kae reihpeku vae;
ka nung vue kyate yn puisahpaw tuh
nang nynh na thua.
Nang kha po kae thehoysah cih.
Ka pui takaw te nang kha
kae doliaku;
ka pui takaw te nang tuh
ka Pachia nynh na thua.
Tuhzemah ka nung vue kyate
yn puisahpaw tuh nang nynh na thua;
nosi ka thua lya khyndadyh lan
nae do-oih.
Ka pui takaw te nang kha
kae doliaku;
ka pui takaw te nang tuh
ka Pachia nynh na thua.
Jesu Khri liate nanning pya athuapaw Pachia thawccinaw keiccuze nanning hanlan ka Pachia kha zungzae ka luung.
Oração de bênção
O Senhor te abençoe e te guarde. Tu és toda formosa e em ti não há defeito. Deus cuida de cada detalhe da tua vida.
Bawipaw nynh hythua ae pya oh sah lah, ae do-oih vae oh sah;
Bawipaw nynh nae tungvaw a mitmae awsah sah lah, thaw ae ccih vae oh sah;
Bawipaw nynh nae tungvaw maehoynaw ae pya oh sah lah, daenaw ae pya vae oh sah.
Ka sungsahnung,
na pyn balyn mawte na puithya;
na kya hosianaw um khyh.
Thawzung te sawtuanaw tuh
a boeining thua zah,
yn thua cih paw ccyh kya a lungtua cih.
Aning nynh hawnaw bya kha ho zah,
a lae nynh thawccinaw kong kha
a ccangpya.
Ccungccaw lunglawnaw nynh
ccungccaw kha a lingthya,
puithyanaw tuh accakaepaw nynh thua,
thuasalama Bawipaw raw a rihpaw
nopi tuh thehoysah athua cih.
Sang apawpaw tuh
phu-enaw bawilukhung nynh thua;
adingpaw hiinnaw nynh
tuh-e tuh a mue.
Nanning kae liathui oh takyhte ka Pachia kalan lungtuabya ka ho,
Sabedoria e alegria
Ensina-nos a contar os nossos dias. Deus encheu nosso cálice de alegria e o seu caminho mostra-se vida em plenitude.
Tukeiccuze kae ccyh riathyanaw kha
oun ccangpya tua,
tuhteze nynh kae thinlung
a haw kho cih.
"Bawipaw , ka hiin ccyh athangnaw te
ka hiinnaw ccyh kha beih yn nysah tua;
ka hiinnaw hynh hohcihmou
adyn cipaw beih yn nysah," cite ka ho.
Ka hiinnaw hynh zapae kyalya
asae lante nae rae zah,
ka hiinshe hynh na muihnaw kya
accakaepaw hawte nynh thua.
Thanccingte, ccungccaw miakaw hynh
vaekheit hysuepaw
khivae hawte nynh thua.
Kae kha hiinnaw laanpi nae muihsah.
Na umnaw kya lungtuanaw ccing zah,
na ranglang kuih kya
hoysahnaw zungzae a um.
Looh te misutui patae hoi hae zah
mih lungtuanaw laeze,
ka thinlung kya lungtuanaw
nae pyapaw tuh alehua.
Bawipaw kha uccaw ccangkheit ka ngiaku,
tuh-e tuh ka ccungkuh ung cih:
tuh-e tuh ka hiin lungkhu balyn
Bawipaw inn kya um khylan,
Bawipaw puithyanaw muih khylan te
amaw rynaw ccung khylan nynh thua.
Ka hiin lungkhu balyn
hoynaw te thawccinaw kha
ka ccou cih zah,
Bawipaw inn kya
ka hiinshe balyn ka um cih.
Ka lungpi athuapaw Bawipaw tuh
thehoyte um sah,
aning nynh rhawtuk nawlan ka kuih kha
ccangpah zah, rhawdou nawlan
ka kuihdung kha a ccangpya.
Aning tuh ka lungpi,
ka rhawlungrua,
ka khynnaw te yn luesahtu,
ka khawriaphua,
ka khynnawpaw,
minphuin ccangpaw hae kha
ka zakaw a sangsahtupaw nynh thua.
Bawipaw nynh chitui a thuhpaw kha
a bawm cih cipaw ka ny;
athyaapaw a vaawram kyate
a thaepah cih zah,
a ranglang kuih khate
taenaw alepaw kha a pya cih.
Ccungccaw abang nynh
rhawtuknawpaw marangle hae kha
a doliaku hae, abang nynh
marang hae kha a doliaku hae,
thuasalama aening tuh
Bawipaw ah Pachia min kha
ah doliaku oh.
Minmin tuh a thy a pawkuh cih hae zah
a khuliakuh cih hae,
thuasalama aening tuh
ah thokuh cih oh zah,
tynkaring lan ah thadyn cih oh.
Kae, Bawipaw tuh
misu khokhu a ngawtu nynh ka thua;
khokhu kha atu te atu tui ka bu.
Humhung nynh mah
a ro kho khyh nawlan
khuazi khuadae phang ka rin.
Proteção e fidelidade
O Senhor pelejará por vós. Fiel é o Senhor que vos guarda — Ele te protege de todo mal o tempo todo.
pawccecize nanning kha taenaw pya khylan te nanning hanlan nae rhaw hae kha tukpya khylan ae cciakhae oh paw tuh Bawipaw nae Pachia nynh thua," cite a hopah cih hae.
Thuasalama Bawipaw tuh a lungzipaw nynh thua; aning nynh thawzung ae pya cih oh zah ccungccaw hoyleipaw kyate ae thungkhaw cih oh.
Khri kya aening kha taenaw kalan zungzae oun cciakhaepaw te aening kha mangte amaw nynaw mynkhuhpaw kha hmin takyh kya a zeihsakuhpaw Pachia kya thehoynaw um sah.
Kae nynh ahoypaw rhawtukkunaw kha ka tuk vae, ccuetaekunaw kha ka thangsah vae, zynnaw kha ka tynsah vae.
Bawipaw nynh a hopyapaw bya kha accing cih cite a zynpaw nopinung tuh hythua a ccounung nynh thua," a ci.