Anjos
Os anjos são seres celestiais criados por Deus para servir, adorar e executar seus propósitos. A Bíblia revela anjos mensageiros, guerreiros e protetores ao longo de toda a história redentora.
हेजू तै एन सोचने लेवरो थियो, त प्रभुएरे एक्की स्वर्गदूते तैस सेइं सुपने मां एइतां ज़ोवं, "हे यूसुफ! तू ज़ै दाऊदेरे खानदाने मरां आस, तू मरियम अपनि कुआन्श बनाने करां न डर, किजोकि ज़ैन तैसारे पेटे मां आए तैन पवित्र आत्मारे तरफां आए।
स्वर्गदूते कुआन्शन सेइं ज़ोवं, "डरा नन्ना, अवं ज़ानताईं कि तुस यीशुए तोपने लेवरिथ, ज़ै क्रूसे पुड़ च़ाढ़ोरोए। तै इड़ी नईं बल्के ज़ेन्च़रे तैनी ज़ोवरू थियूं, तै ज़ींतो भोवरोए, एज्जा तै ठार हेरा, ज़ैड़ी प्रभु थियो।
"कुन तू न ज़ानस अवं अपने बाजी करां मिन्नत केरि सकताईं तै हुन्ना स्वर्गदूतां केरि 12 फौजां बल्के तैस करां भी जादे भेज़ते।
स्वर्गदूते तैस सेइं ज़ोवं "हे मरियम, डर न, किजोकि परमेशरेरो तीं पुड़ बड़ो अनुग्रह भोवरोए। तू दोज़ींती भोल्ही तीं अक मट्ठू भोल्हु, ते तू तैसेरू नवं यीशु रेखां।
तैखन स्वर्गदूते तैन जो ज़ोवं, "डरा नन्ना, किजोकि अवं तुसन अक बड़ी खुशखबरी शुनाने एवरोईं, ज़ै खुशी सैरी लोकां केरे लेई भोल्ही।
"सुर्गे मां परमेशरेरी महिमा भोए,
ते ज़मीनी पुड़ तैन मैन्हन शान्ति मैल्हे, ज़ैन पुड़ परमेशर खुशे।"
बस्सा, अवं तुसन सेइं ज़ोताईं कि एक्की पैपेरे, पापन करां मन फिराने सेइं परमेशरेरे स्वर्गदूतां केरे सामने बड़ी खुशी मनाई गाचे।"
ज़ैखन तैना यीशुए अम्बरे मांजो गांतो तकने लगोरे थिये, त अचानक, दूई मड़द ज़ैन छ़ित्तां लिगड़ां लग्गोरां थियां तैन कां एइतां खड़े भोए। ते ज़ोने लगे, "हे गलीली मड़दव तुस खड़खड़े अम्बरेरे पासे कुन तकने लगोरेथ? एहे यीशु ज़ेन्च़रे तुश्शे सामने परमेशरे, सुर्गे मांजो नियो, ज़ेन्च़रे तुसेईं सुर्गे मांजो गांतो लाहोरोए तेन्च़रे फिरी एइतो लाहेले।"
मसीह ज़िन्दगी ज़ींनेरी हदैइत
एक्की होरि सेइं ढ्ला ते बेइनां केरो ज़ेरो प्यार केरते राथ। बखले लोकां केरि खातरदारी केरा, किजोकि एरू केरने सेइं किछेईं अनज़ाने मां स्वर्गदूतां केरि खातरदारी कियोरीए।
प्यार सेब्भना रोड़ी बत
अगर अवं मैन्हु, ते स्वर्गदूतां केरि भाषां केरि, ते प्यार न रेखी, त अवं ठन-ठन केरनेबाली पितल, ते झ़न-झ़न केरनेबाली झ़ाझ़ाईं।
ते इस मां शक नईं, अस पूरे याकीने सेइं ज़ोई बटतम, ज़ैना शिक्षां परमेशरे बैंदी की एना बिलकुल सच़्च़ी आन, मतलब,
मसीह मैन्हेरे रूपे मां बांदो भोव,
पवित्र आत्मा तै हर कम्मे मां धर्मी ठहराव,
स्वर्गदूतेईं तै लाव,
लोकेईं तैसेरे बारे मां कौमन मां प्रचार कियो,
सारे दुनियाई मरां लोकेईं तैस पुड़ विश्वास कियो,
परमेशरे तै उबरे सुर्गे जो नियो।
किजोकि प्रभु यीशु एप्पू सुर्गेरां एज्जेलो; ते ज़ोरे सेइं हुक्म देलो, तैस वक्ते प्रधान दूतेरी आवाज़ शुनोली, ते परमेशरेरी महिमारो नरशिंगो बज़ाव गालो, ते ज़ैना मसीह पुड़ विश्वास केरनेबाले मां मर्रन, तैना पेइले ज़ींते भोनेन। तैखन अस ज़ैना ज़ींते बच़ोरे रहमेले, ते तैन सेइं साथी बिदलारी पुड़ निये गानेम, कि अम्बरे मां प्रभु सेइं मिलमेले, ते तैखन करां बाद अस सदा प्रभु सेइं साथी रानेम।
ज़ैना ज़ींत हासिल केरेले तैन इस्से तरीके सेइं तैन केरां ज़ेरां छ़ित्तां लिगड़ां लुवां गालां। अवं तैन केरू नवं तैस किताबी मरां हटेइलो ज़ैस मां परमेशरे तैन केरां नंव्वां लिखोरन ज़ैना हमेशारी ज़िन्दगी हासिल केरेले। अवं तैन केरू नवं अपने बाजी ते अपने स्वर्गदूतां केरे सामने एलान केरेलो।
किजोकि मीं पूरू याकीने, कि न मौत, न ज़िन्दगी, न स्वर्गदूत, न हुकूमतां, न ज़ै वक्त च़लोरोए, न एजनेबालो वक्त, न शक्ति, न उचार, न डुग्घार ते न कोई होरि सृष्टि, असन परमेशरेरे प्यारे करां ज़ै इश्शे प्रभु यीशु मसीह मांए अलग केरि सकेली।
Este artigo te tocou? Faça uma oração!
+581 estão orando agora.
Junte-se à corrente de oração.