एज्रा 6

दारा राज़ेरो हुक्म

1 तैखन दारा राज़ेरे हुक्मे सेइं बाबेलेरे तैस जगाई दस्तावेज़न मां तोप्पु जेवं ज़ैड़ी खास दस्तावेज़ रखोरे थिये। 2 मादे नंव्वेरे सूबेरे अहमता नगरेरे राज़गढ़े मां अक किताब मैल्ही, तैस मां एन लिखोरू थियूं: 3 "कुस्रू राज़ेरे राज़ केरनेरे पेइले साले मां तैन्नी कुस्रू राज़े हुक्म दित्तोरो थियो, कि परमेशरे भवनेरे बारे मां ज़ै यरूशलेम नगरे मांए, मतलब तै भवन ज़ैस मां बलिदान केरते थिये, तै बनाव गाए, ते तैसेरी बुनीयाद रोड़ेच़ारे मज़बूती सेइं छ़डी गाए, ते तैसेरी ऊँचाई ते चौड़ाई लगभग 60-60 हथ भोए; 4 ते तैसेरे ट्लाई रद्दे बड्डे-बड्डे घोड़ां केरे दित्ते गान, ते अक रद्दो नेव्वीं लेकड़रो दित्तो गाए; ते इन केरो खर्च़ो राज़ेरे भवनेरे खज़ाने मरां दित्तो गाए। 5 परमेशरेरे भवनेरां ज़ैना सोन्ने चैंदरां भांडां नबूकदनेस्सरे यरूशलेम नगरेरे भवने मरां केढतां बाबेले मां पुज़ेवरां थियां। तैना वापस एन्हतां यरूशलेम नगरेरे भवने मां एन्हतां एपनी ठारी पुड़ पुज़ा गान, ते तैन तू परमेशरेरे भवने मां रेखी देइयां।"

6 दारा राज़े ई सन्देश भेज़ो, "हुनी हे बड्डे दरिया पारेरे हाकिम तत्तनै! ते हे शतर्बोजनै! तुस अपने साथी लोकन समेत बड्डे दरिया पार फारसी लोकन समेत तैट्ठां अलग राथ; 7 परमेशरेरे तैस भवनेरे कम्मे च़लने देथ; यहूदी लोकां केरे हाकिम ते यहूदी लोकां केरे बुज़ुर्ग परमेशरेरो तै भवन तैस्से जगाई पुड़ बनान। 8 बल्के अवं हुक्म देताईं कि तुस यहूदी लोकां केरे बुज़ुर्गन सेइं एरहो बर्ताव केरा, कि परमेशरेरो तैन भवन बनावं गाए; मतलब राज़ेरे धने मरां, बड्डे दरियारे पारेरे करे मरां, तैन मैन्हन जल्दी खर्च़ो दित्तो गाए; एरू न भोए कि तैन लोकन बलगनू पे। 9 इसेरे अलावा बछ़ड़ां, हुड़, गबड़ां, सुर्गेरे परमेशरेरी होमबलि देनेरे लेई ज़ैन-ज़ैन लगतू भोए, ते ज़ेत्रे गेहुं, लून, दाछ़रो रस, ते ज़ैतूनेरो तेल यरूशलेमेरे याजक ज़ोन, तैन रोज़ ज़रूर देइयथ। 10 एल्हेरेलेइ कि तैना सुर्गेरे परमेशरेरे लेई खुशबूदार बलि च़ैढ़तां, राज़े ते राज़ेरे मट्ठां केरे लेई लेम्मी उमरारे लेई प्राथना केरते रान। 11 फिरी मीं हुक्म दित्तोरोए, कि ज़ै कोई ऐह हुक्म न मन्ने, तैसेरे घरेरी कन्डेल केढतां तै तैस डोबतां कन्डेल खड़ी केरतां तै टंगो गाए, ते तैसेरू घर तैसेरे पापेरी वजाई सेइं कूड़ेरो ढेर बनाव गाए। 12 परमेशरे ज़ैनी अपने नंव्वेरू रानेरी ठार बनेवरीए, तै कुन राज़ो, कुन लोक, तैन सेभन ज़ै ऐह हुक्म ट्लोड़े ते परमेशरेरो भवने ज़ै यरूशलेम*6:12 यरूशलेम परमेशरे अपने नंव्वेरी आदरारे लेई यरूशलेम नगर च़ुनू। नगरे मांए नाश केरनेरे लेई हथ अग्रोवं केरन, नाश केरे। अवं, दारा राज़ो ऐह हुक्म देताईं जल्दी एन कम केरनू।"

13 तैखन बड्डे दरियारे इस पासेरे हाकिम तत्तनै ते शतर्बोजनै ते तैन केरे साथी लोकेईं दारा राज़ेरे एस चिट्ठी भेज़नेरे वजाई सेइं, तैसेरे मुताबिक जल्दी कम कियूं। 14 तैखन यहूदी बुज़ुर्ग, हाग्गै नबी ते इद्दो एरे पोट्लड़े जकर्याहेरे नेबेरे नबूत केरने सेइं भवन बनाते राए, ते कामयाब भी भोए, ते तैनेईं इस्राएलेरे परमेशरेरे हुक्मेरे मुताबिक फारसेरे राज़े कुस्रू, दारा, ते अर्तक्षत्र एरे हुक्मेरे मुताबिक तै बनाते-बनाते पूरो कियो। 15 एस्से तरीके तै भवन दारा राज़ेरे शेइयोवं सालेरे अदार*6:15 अदार इब्रानी किलेंडेरेलो बारहों महीनो आहे, ज़ै फरवारी ते मारचेरे महीनेरे दरमियान भोइ सकते। महीनेरे ट्लेइयोवं दिहाड़े बनेइतां पूरो भोइ जेवं।

16 इस्राएली, मतलब याजक लेवी ते ज़ेत्रे बाबेलेरी गुलैमी मरां एवरे थिये तैनेईं खुशी सेइं परमेशरेरे भवनेरी प्रतिष्ठा की। 17 तैस भवनेरी प्रतिष्ठा मां तैनेईं 100 दांत ते 200 हुड़ ते 400 गबड़ां ते सेभी इस्राएली लोकां केरे लेई पापबलि केरतां इस्राएलेरे गोट्लां केरि गिनतरे मुताबिक 12 थाव्वे च़ाढ़े। 18 तैखन ज़ेन्च़रे मूसेरी किताबी*6:18 मूसेरी किताबी मूसेरे कानूनेरी किताबां मां लिखेरूए, तेन्च़रे तैनेईं परमेशरेरी आराधनारे लेई ज़ै यरूशलेम नगरे मांए, बैरी-बैरी सेइं याजकां केरे टोली-टोली केरे लेवी च़ुने। 19 तैन केरे वापस एजनेरे पेइले महीनेरे च़ेवधोवं दिहाड़े बाबेलेरी गुलैमी मरां वापस एवरे लोकेईं फ़सहेरू तिहार मनावं। 20 किजोकि याजकेईं ते लेवेईं अक मन भोइतां अपनो आप रीतरे मुताबिक शुद्ध कियोरो थियो; एल्हेरेलेइ तैना सारे शुद्ध थिये। तैनेईं बाबेलेरी गुलैमी मरां वापस एवरे सारे लोकां केरे लेई ते अपने साथी याजकां केरे लेई ते अपने-अपने लेई फ़सहरे तिहारे मां जानबर बलि किये।✝6:20 2 इति. 30:17;35:10-11. 21 तैखन बाबेलेरी गुलैमी मरां एवरे इस्राएली ते ज़ेत्रे होरी मुल्खां केरे गैर कौमां केरि अशुद्धताई सेइं एल्हेरेलेइ अलग भोवरे थिये कि इस्राएलेरे यहोवारी तलाश केरन, तैन सेभेइं रोट्टी खाई। 22 तैना अखमीरी रोट्टरू तिहार सत दिहाड़े बड़े खुशी सेइं मनाते राए; किजोकि तैना यहोवाए खुशी कियोरे थिये, ते अश्शूरेरे राज़ेरो मन तैन केरे पासे एरहो बदलोरो थियो कि तै इस्राएलेरे परमेशरेरे भवनेरे कम्मे मां तैन केरि मद्दत केरे।