Anjos

20 Bɔŋ ndə ɔ kə́ kwɔ̀ʼtə nubə-ɔ̄ŋ, kə kwɔnə nyíɛ, wontəŋTiekətʉ fyú tʉ ɔŋ mu njəŋ kə́ ghɔ̀ŋ mbɔ, "Jɔsɛ, vaa-Dɛbi, kə a mə fàa ndə məlʉ̀ Mɛli ndə vi-a fɛ, bʉʼka vaa ndə ɔ bɛ bətɔ-ɔ nɔ gwè hə kəghɔ-LyʉʉhəNyiikə.

5 Bɔŋ mbʉ wontəŋ ghɔ̀ŋ tʉ mbʉ bəke mbɔ, "Kə bii mə leʼ fàa fɛ, bʉʼka mɔ nɔ kínə mbɔ bii nɔ tʉʼ kʉ́ʉ Jiso ndə bə kə kwɛ̀ŋ ɔŋ yí le. 6 Ɔ kaa fɛ̄ŋ fɛ, ɔ nɔʼ bʉ̀nə kóʼ haʼ ndə ɔ kə gìe, b̈ii gwè nyíɛ yəŋkə ndə ɔ kə nʉ̀ʉ chɔ.

53 A kwɔ̀ʼtə mbɔ, mɔ mə gwía tʉ Tie-ɔ, haʼ ndʉʉmɛ ɔ tə́ŋ ŋkɔŋ-bʉəntəŋNyii-hə tʉ bʉʼʉ fe?

30 Mbʉ wontəŋNyii ghɔ̀ŋ tʉ ɔŋ mbɔ, "Kə a mə fàa fɛ, Mɛli, Nyii nɔʼ dʉ̀ʼ buuŋjyu-i tʉ a. 31 Nyíɛ! A bu gʉ̀ʼ bí vaabələŋ. A bu yaʼ tyú yie-e nə Jiso.

10 Mbʉ wontəŋNyii ghɔ̀ŋ tʉ bɔŋ mbɔ, "Kə bii mə leʼ fàa fɛ, mɔ nɔ gwè nə ntəŋjyujyu tʉ bii, ndə i bu gwè nə tʉʉjyu tʉ bʉə-lɔʼɔ-bii bənchəŋ.

14 "Tə məgʉ́ə bɛ tʉ Nyii tə dàa liʼ yuo,

kəchisê fyiighʉ́ənə mu bʉəməsʉʉ, ndə tʉʉ-i bʉ̀ʉ tʉ bɔŋ."

10 Tʉʉjyu nɔ bɛ haʼ nɔ bəshʉ bʉəntəŋNyii ndʉʉ ndə mbyu wo shìe liɛŋ ndəŋ bʉ̂ʼʉ-e."

10 Ndə bɔ̂ŋ kə́ bíe lɛ́nə yuo ndə ɔ kə́ gɛ̀, kə kwɔnə nyíɛ, bʉə bəbûu ndə bɔ̂ŋ mɔ̀ʼ ndyi-kəfyuʼ-hə kə́ tə́nə mbʉə bɔŋ, 11 ghɔ̀ŋ mbɔ, "Bʉə-Galili, bii tə́nə kə́ lɛ́nə yuo mbuka? Jiso-ɔ̄ ndə bə lʉ̀ ɔ kəghɔ-bii gɛ̀ nə nɔŋ yuo nɔ, bu bʉ̀nə haʼ ndə ɔ gɛ̀."

Ndyiʼtə-bəŋgie-bə

1 B̈ii kə́ kʉ̀ʉ ŋwɔŋtə-ii ndə bəliŋ. 2 Kə bii mə mɛ̀ʼtə ndə məyɔ́ʼ ghɔkə-ii tʉ bəntoʼŋgwe fɛ, bʉʼka bəbɛʼbʉə nɔʼ nə chìi nɔ, kɔ́ ŋkwaa tʉ bʉəntəŋNyii təmə kínə fɛ.

Ŋkʉ̂ʉ nɔ bɛ fɔŋ kəfɔ

1 Kaʼ mɔ kə́ kwə́ʼ ŋgie-bʉəməsʉʉ-bə leʼnə ŋgie-bʉəntəŋNyii-bə, təmə bɔŋ kie ŋkʉ̂ʉ fɛ, təmə mɔ nɔ bɛ ŋgəŋ ndə i tʉʼ bʉ́ʼ byuunɔ gyʉʉ-mənjuu.

16 Kɛŋ leʼ shʉəŋ, ntɛ-ŋguu-hə ndə bə kə lə̀ŋ hə kəghɔ-bʉʼʉ bə bɔŋ nɔʼ kɛ̀ʼ nduɔ te məchímbi ndə ntɛ ndə ĩ kɔ́ kuŋhə tʉ Nyii nɔ fɔŋ ɛŋ. I nɔ bɛ mbɔ,

Jiso nɔ nə kɛ̀ʼ ŋwɔŋ-ɛŋ ndə woməsʉʉ,

LyʉʉhəNyiikə nɔ kə dʉ̀ʼ mbɔ ɔ la bɛ ndyʉndyʉ.

BʉəntəŋNyii nyíɛ ɔŋ,

bə lɔ̀ʼ yie-e mu lɔʼ-bətə̂ŋ-tə.

Bʉə buŋmbi bɛ́ŋ ɔŋ mu kəwʉʉnəmbi,

bə lʉ̀ ɔ kóʼ gɛ̀ nə nɔŋ kəyəŋ məgʉ́ə.

16 Bʉʼka Tiekətʉ nə mbəŋ-ɛŋ bu shíʼ gwè hə yuo nə gyʉʉ sɔ́ʼ kəyəŋ, nə gyʉʉ-wontəŋkwɛʼtəŋNyii, bə bɔŋleʼ tʉ́ʉ gyʉəʼə-Nyii. Ndʉʉ-ghɔ̄ nɔ, bʉə ndə bɔ̂ŋ kə bɛ́ŋ Klai buŋ kwú, bu fəŋ kóʼ. 17 Ndʉʉmɛ, bʉʼʉ ndə bʉʼʉ bíe ŋɛnə, bə buŋ jɔ̀ bʉʼʉ bɔŋ mɔʼɔ mu kəmbɔʼ bʉʼʉ bɔŋ bìatə Tiekətʉ mu yuo. Nɔ, bʉʼʉ bu bɛ bʉʼʉbə Tiekətʉ chɔ gɛ̀gɛ̀.

5 Wo ndə ɔ mɔ̀ʼ chɔ̂-ɔ̄ tə yú, bə bu véʼ ɔ nə ndyi-kəfyuʼ-hə, təmə mɔ kʉʉ nə yʉ̀əʼ yie-e mu ŋwɔʼnə məchímbi fɛ. Mɔ bu tíi yie-e jyujyu bəshʉ Tie-ɔ ghɔŋbə bʉəntəŋ-bi.

38 Bʉʼka mɔ nɔ kínə mbɔ nubɛʼkə kaa ghɔ ndə bəkɔ i wɔ̀ʼtə bʉʼʉ ndə ŋkʉ̂ʉ-i fɛ, təkɔmə kwú byuunɔ məchímbi, təkɔmə bʉəntəŋNyii byuunɔ bʉə ndə bɔ̂ŋ tʉʼ sɔ́ʼ njəŋ-yuo-hə byuunɔ nubə ndə i bɛ nduɔ byuunɔ yi-yə ndə i bíe bəshʉ gwè byuunɔ ghʉəʼbə 39 təkɔmə wʉʉnəmbikə ndə i bɛ kweghɔʼ byuunɔ wʉʉnəmbikə ndə i bɛ mu sê, fɔbɛʼkə bɛ ghɔ ndə Nyii chìi ndə bəkɔ i wɔ̀ʼtə bʉʼʉ ndə ŋkʉ̂ʉ-Nyii ndə bʉʼʉ kie tíŋ hə bɔ̌ŋ Klai Jiso Tiekətʉ-yʉʼʉ fɛ.