20 Bu kedi yindulanga bobo, mbazi yimosi yi mfumu yiyiza muyenikina mu ndozi, na yi muteela ti: «Yosefi, mwana wu Davidi, kuyenandi bunkuta mu kwela Maliya ko, mu dyambu ti mu lulendo lu Mpeve Yilongo ka bakidi zimi.

5 Kansi mbazi yiteela bakento ti: «Yeno luyenandi bunkuta ko. Nazebi ti Yesu luna sosa, yondowo wu bakomini ha kulunsi, 6 kasiidi ha ko, fulukidi mu bafwa bonso bu kaluteela wo. Yizeno, lutala huma ha bamutudidi.

53 Wuzebi ko ti ndendi bombidila Tata ani ka nsadisa, mpe waantambikila, hansi na nsi, zimbazi zizingi kuhyoka lutangu lu mpumbu kumi na zole e?

30 Kansi, mbazi yi muteela ti: «Maliya, kubandi na bunkuta ko, mu dyambu ti Nzambi wu kuyangaladi. 31 Wuna baka zimi mpe wuna buta mwana wu bakala na wuna muhaana nkumbu yi Yesu.

10 Kansi mbazi yibateela ti: «Lubandi na bunkuta ko! Mu dyambu ti nalutwadidi musamu wumbote wa yangidika bantu babingi:

14 «Nkembo ku Nzambi mu mazulu

ye kiyenge ha butoto ku bantu bazolakana.»

10 Bwabobo mpe, nina luteela ti kyese kikingi kyaaba ku zimbazi zi Nzambi mu dyambu di munsumuki wumosi wu viludi madyela.»

10 Bu bedi talanga ku yulu kwedi yendisa Yesu, bayena babakala bole balwata binkutu bimpembe na bayiza ba bela-bela nawu, 11 babateela ti: «Yeno bisi-Ngalili, bila nki luna mana tadilanga ku yulu e? Yesu bewowo wubatombodi ku yulu ha kati dyeno, waavutuka bonso bu luyenini nkwendolo andi ku yulu.»

1 Tatamaneeno mu zolasana yeno na yeno bonso zimpangi. 2 Luzimbakanandi kifu kye tambulanga zinzenza ko. Mu dyambu ti, bantu basadila kifu bekyokyo, batambula wulembolo zaba zimbazi zi Nzambi.

1 Tala ti nina zonza ndinga zi bantu, na zi zimbazi, kansi, tala ti nii na luzolo ko, nii kwandi bonso lusuku lu bandi hoti ngunga yina yuwakana.

16 Wukedika ti, mansweki me ba makangama mu Nzambi mamanene madi:

Klisto wukiyenikisa bonso muntu,

wuyenokoso wulunungu ku Mpeve yilongo,

wuyenika ku zimbazi.

Bamusamuna ku bantu ba nsi zihiika,

Bantu mu nza yimvimba bakwikila mu yandi,

Mpe Nzambi wumuzangula mu nkembo.

16 Ha yuwakana mbembo yingolo yi ntumunu na ndinga yi nkuluntu yi zimbazi, mpe muningu wu kulumenta di Nzambi, Mfumu yandi bende waakulumuka tuuka ku yulu mpe bantu bebobo bafwa mu Klisto baateka fuluka mu bafwa. 17 Mboki yeto twaaba bamoyo mu ntangu beyoyo, baatunata ha kimosi nawu mu matuti mu bwana Mfumu ku yulu, mpe twaaba na Mfumu ntangu zimvimba.

5 Yondowo wunungini, waalwata binkutu bimpembe. Naakatula nkumbu andi mu mukanda wumoyo ko. Mbo namuzaba ha ntadisi yi Tata ani na zimbazi zandi.

38 Ee, nkwikidi ti kunaani kima kilendi tuhambisa na luzolo lu Nzambi : ni luba lufwa, luzingu, zimbazi, bimfumu, bima bi ntangu beyiyi na bina kwiza, lulendo, 39 ngolo zi yulu na zi butoto, mpe kani kima kihiika kihidika Nzambi kilenda tuhambisa na luzolo lu Nzambi luyenikini mu Yesu-Klisto, Mfumu eto.