Anjos
Os anjos são seres celestiais criados por Deus para servir, adorar e executar seus propósitos. A Bíblia revela anjos mensageiros, guerreiros e protetores ao longo de toda a história redentora.
ଅଣ୍ଡ୍ ଇଦ୍ରକମ୍ ଆଲ୍ସାନ୍ ୱେଲେ ୱେରଣ୍ଡ୍ ଇଶ୍ୱର୍ତେ ଦୂତ ଅଂକିଙ୍କ୍ ସପ୍ନତେ ତନ୍ଦି କେତ୍ତଣ୍ଡ୍, "ହୋ ଦାଉଦ୍ ବଂଶତନି ଜସେପ୍ ! ମରୀୟମ୍ ତିଙ୍କ୍ ମୁତ୍ତେ ଇଞ୍ଜ ଗ୍ରହନ୍ ମାଡ଼ାଙ୍କ୍ ୱେର୍ମା, ବାତେଙ୍କ୍ ଇତ୍କେ ପବିତ୍ର ଆତ୍ମା ତଡ଼୍ ଆଦ୍ ଡଙ୍କେତ୍ ଆତ୍ତେ ।
ଦୂତ ଆଦ୍ ନାଟାଙ୍କ୍ କେତ୍ତେ, "ୱେର୍ମାଟ୍ ।" ନାନ୍ ୱେରନ୍, ମିଡ଼୍ କ୍ରୁଶତାଗ୍ ତାର୍ପିମ୍ନ୍ଦାନ୍ ଜିସୁଙ୍କ୍ ଉଡାଙ୍କ୍ ୱାତ୍ତିଡ଼୍ । ଅଣ୍ଡ୍ ହିଗେ ଇଲେଣ୍ଡ୍ । ଅଣ୍ଡ୍ କେତ୍ତେ ଲେକାମ୍ ଅଣ୍ଡ୍ ପୁନରୁତ୍ତାନ୍ ଆଶେ ମିନ୍ଦେଣ୍ଡ୍ । ହିଗ୍ ୱାସ୍ ଉଡ଼ାଟ୍, ହିଗେ ଅଂକିଙ୍କ୍ ୱାଟିସ୍ ମାତ୍ତଡ଼୍ ।
ମିଡ଼୍ ବାତେଏ ପୁନ୍ୱିଡ଼୍, ନାନ୍ନେ ନା ବାବାଙ୍କ୍ ସାହାଯ୍ୟ ତାଲ୍କାନ୍ ହିତ୍କେ, ଅଣ୍ଡ୍ ନା ମାଇଦିଙ୍କ୍ ସାଙ୍ଗେ ସାଙ୍ଗେ ବାର୍ଟାନ୍ ବାହିନିକିନ୍ ୱିଡ଼୍ସି ନାର୍ଗେ ଦୂତକିଙ୍କ୍ ରହତ୍ ପାର୍ତଣ୍ଡ୍ ?
ଆସୁଣ୍ଟ୍ ଦୂତ ତାକିଂଙ୍କ୍ କେତ୍ତେ, "ଆଗୋ ମରୀୟମ୍, ‘ୱେର୍ମା,’ ବାତେଙ୍କ୍ ଇତ୍କେ ନିମେ ଇଶ୍ୱର୍ତାଦ୍ ଆର୍ଶିବାଦ୍ ହାସମିନ୍ଦେନି । ମେଣ୍ଡେ ଉଡ଼େ, ନିମେ ଡଙ୍କେତ୍ ଆସ୍ସ ୱେର୍ଣ୍ଡ୍ ମାର୍ ଜନମ୍ ମାଡ଼ିତି ନୁ ଅନ୍ ପେଦେର୍ ଜିସୁ ଇଦ୍ତିନ୍ ।
ଆଗେତିନ୍ସ୍ ଦୂତ ଅଡ଼୍କିଂଙ୍କ୍ କେତ୍ତେ, "ୱେର୍ମାଟ୍, ଉଡାଟ୍, ନାନ୍ ସାରେତଡ଼୍ ନାରୁଡ଼୍ ଡ଼ାଦ୍ ଗାଟି ୱେଡ଼୍କେ ତେ ସୁସମାଚାର୍ ମିକିଂଙ୍କ୍ କେତୁତାନ୍,
"ସ୍ୱର୍ଗତାଗ୍ ଇଶ୍ୱର୍ତେ ମହିମା, ମେଣ୍ଡେ ପୃତିବିତାଗ୍ ଅନ୍ ଶାନ୍ତି ନାରୁଡ଼୍ ତେ ସେଙ୍ଗେ ଶାନ୍ତି ଆୟି ।"
ଆଦେପୁଟୁଙ୍କ୍ ୱେରଣ୍ଡ୍ ପାପିନାରୁଣ୍ଡ୍ ତାନ୍ ହୃଦୟ୍ତିଙ୍କ୍ ପରିବର୍ତ୍ତନ୍ ମାଡ଼କେ, ପରମେଶ୍ୱରତେ ଦୂତକିନ୍ ମୁନ୍ନେ ଗାଟି ସାର୍ଦ୍ ଆଦ୍ତେ ।
ଅଣ୍ଡ୍ ପର୍ର ଆତ୍ତେ ପେର୍କେ ମିକା ଅଡ଼୍ ଅଣ୍ଡୟ୍ କଣ୍ଡେତେ ସ୍ୱର୍ଗତାଗ୍ ଉଡ଼ିମାତ୍ତଡ଼୍ । ପାଣ୍ଡ୍ରି ଚକାସିଲେ କେର୍ତେ ଇର୍ୱୁଡ଼୍ ନାରୁଡ଼୍ ହଟାତ୍ ଅଡ଼୍ ଗାର୍ରେ ୱାସ୍ ନିତ୍ତଡ଼୍ ନୁ କେତ୍ତଡ଼୍, "ହୋ ଗାଲିଲୀୟଡ଼ି, ବାତେଙ୍କ୍ ଇଗେ ନିସ୍ ମୟଲ୍ତାଗ୍ ଉଡ଼ିମିନ୍ଦେଡ଼ି ? ହି ଜିସୁ ମିୟାଗାଙ୍କ୍ ସ୍ୱର୍ଗତାଗ୍ ଆତ୍ତଣ୍ଡ୍ । ବାତେଙ୍କ୍ ଇତ୍କେ ଅଣ୍ଡ୍ ବେଦ୍ରକମ୍ ସ୍ୱର୍ଗତା ଆଦାନାଦ୍ ଉଡ଼୍ତିଡ଼୍, ଟିକ୍ ଆଦେରକମ୍ ଅଣ୍ଡ୍ ମେଣ୍ଡେ ମାଲ୍ସ୍ ୱାଦ୍ତଣ୍ଡ୍ ।"
କ୍ରିଷ୍ଟବିଶ୍ୱାସି ଦାଦାଲଡ଼୍ ନୁ ଏଲାସ୍କିନଡ଼୍ ନିଜେ ନିଜର୍ ଲୋପେ ପ୍ରେମ ମାଡ଼ମାନୁଟ୍ । ୱାସମାନ୍ଦାନ୍ ନାରୁଡ଼୍କିଙ୍କ୍ ମୀଇ ଲୋତ୍ତାଗେ ସେବା ମାଡ଼ାଟ୍ । ଆଦ୍ ମାଡ଼ାନ୍ୱେଲେ ବେନ ଦୂତକିଙ୍କ୍ ସେବା ମାଡ଼୍ତଡ଼୍ ।
ନାନ୍ ନାରୁଡ଼ାଦ୍ ଗଟ୍ ଦୂତନ୍ ଗଟ୍ତେ କେତ୍ ପାର୍କେ ମିକା, ନା ଜିୱୁଣ୍ଡ୍ତାଗ୍ ପ୍ରେମ ଇଲୁକ୍, ନାନ୍ ମାତର୍ ଅଣ୍ଡୟ୍ ଲେଙ୍ଗ୍ଦେ ନେକାନ୍ ଗାଣ୍ଟା, ଇଲୁକ୍ ଅଣ୍ଡୟ୍ତଡ଼୍ ପେଞ୍ଚାନ୍ କାୟ୍କ୍ ଲେଙ୍ଗ୍ ।
ମାନ୍ ଦର୍ମବିଶ୍ୱାସତେ ଇଦ୍ ଗୁରୁତ୍ୱ ବିଷୟ୍ତିଙ୍କ୍ ବେନ ଅସ୍ୱିକାର୍ ମାଡ଼େ ପାର୍ୱଡ଼୍, ନାରୁନ୍ ମେନ୍ଦୁଲ୍ ପୟ୍ସ୍ ୱାସ୍ମାନ୍ଦାନ୍ କ୍ରିଷ୍ଟ, ସ୍ୱର୍ଗଦୂତକିନ୍ ତଡ଼୍ କାଇଲି ତଣ୍ଡ୍, ସାରେ ଜାତିକିନାଗ୍ ଅନ୍ ଦାର୍ମାମ୍ ଆତ୍ତଣ୍ଡ୍, ପୁରା ଜଗତ୍ତେ ନାରୁଡ଼୍ ଅଂକିଙ୍କ୍ ବିଶ୍ୱାସ୍ ମାଡ଼୍ତଡ଼୍, ଅଣ୍ଡ୍ ଗୌରବ୍ତେ ସ୍ୱର୍ଗତା ଆତ୍ତନ୍ ।
ଆସୁଙ୍କ୍ ପ୍ରବୁ ଗଟ୍ ହିଦ୍ତନ୍ ମୁକ୍ୟଦୂତ୍ତେ ଲେଙ୍ଗ୍ ନୁ ଇଶ୍ୱର୍ତେ ମୟିର୍ ଲେଙ୍ଗ୍ତେ ଆଦ୍ ସ୍ୱର୍ଗଦୂତ ଡିଗିତା, ବେନଡ଼୍ କ୍ରିଷ୍ଟନାଗେ ମାଞ୍ଜ୍ ଡଲିମାନ୍ତଡ଼୍, ଅଡ଼୍ ମୁନେ ତେଦିତଡ଼୍ । ତାନ୍ ପେର୍କେ ବେନଡ଼୍ ଆଦ୍ ସମୟ୍ତେ ଜିୱୁନ୍ ମାନ୍ତମ୍, ମାବ୍ତାଗ୍ ଅଡ଼୍ତଡ଼୍ ଉତ୍ତାପିତ ଆସ୍ ମୟଲ୍ତାଗ୍ ପ୍ରବୁନ୍ତଡ଼୍ ସାକ୍ଷାତ୍ ମାଡ଼ିତମ୍ । ତାନ୍ ପେର୍କେ ମାମ୍ମେ ସାରେଦିନାମ୍ ପ୍ରବୁନ୍ତଡ଼୍ ମାନ୍ତମ୍ ।
ବେନଡ଼୍ ଜିଡ଼ିତଡ଼୍, ଅଡ଼୍ ଇଦ୍ଲେକାମ୍ ପାଣ୍ଡ୍ରିଲାଉ ସିଲେ କେର୍ଦ୍ତଡ଼୍ । ଜୀୱେ ବଇତାଗାଙ୍କ୍ ଅଡ଼ାଦ୍ ପେଦେର୍ ବେସୁଙ୍କ୍ବା ମାୟ ମେଣ୍ଡେ ନା ବାବାଲ୍ ନୁ ତାନ୍ ଦୂତକିନ୍ ମୁନେ ଅଡ଼୍କିଂଙ୍କ୍ ନା ପେର୍କେୱାଦ୍ନଡ଼୍ ଇଞ୍ଜ ନାନେ ସ୍ୱିକାର୍ ମାଡ଼ିତାନ୍ ।
ନାନ୍ ନିଜାମ୍ ପୁତ୍ତାନ୍ ଜେ ଅନ୍ ପ୍ରେମତାଗାଙ୍କ୍ ମାନାଡ଼୍ ବେସୁଟ୍ବା ୱେରେ ଆୟ୍ୱାଡ଼୍ । ଡଲ୍ନାଦ୍ ବା ଜିୱୁଣ୍ଡ୍, ଦୂତ ବା ମୟଲ୍ତାଗ୍ ମାନ୍ଦାନ୍ ବେନ୍ ରାଜାଲ୍ ବା ଶାତ୍ୱାମ୍, ଇଞ୍ଜେ ବା ୱାଦାନ୍ ଦିନାତେ, ପରତାଦ୍ ଆୟି ବା ମଦଲ୍ତାଦ୍ ଆୟି ବାତ୍ ବିଷୟ୍, ସାର୍ରେ ସୃଷ୍ଟିତାଗ୍ ଇଦ୍ରକମ୍ ବାତ୍ ବିଷୟ୍ ଇଲ୍ଲେ, ବାତ୍ ପ୍ରବୁ ଜିସୁ କ୍ରିଷ୍ଟନ୍ ତଡ଼୍ ତଅନ୍ଦ୍ତାଦ୍ ଇଶ୍ୱର୍ତେ ଆଦ୍ ପ୍ରେମ୍ତାଗାଙ୍କ୍ ମାନାଙ୍କ୍ ୱେରେ ମାଡ଼ାନଙ୍କ୍ ପାର୍ଦ୍ତେ ।