1 ପଡ଼ଦ୍ତେ ମଦଲ୍ନାନେ ନାନେ ଅଣ୍ଡୟ ଦୁଃକାମ୍ ବିଷୟ୍ ଉଡ଼ି ମିନ୍ଦେନ୍, ମେଣ୍ଡେ ଆଦ୍ ନାରୁଡ଼୍ ମାଇଦିଙ୍କ୍ ଅଜନ୍; 2 ପରମେଶ୍ୱର୍ ବେନଙ୍କ୍ ବେନଙ୍କ୍ ଇସର୍ ଦନ୍, ସମ୍ପତ୍ତି ନୁ ଶକ୍ତି ଇଦ୍ତଣ୍ଡ୍ ଯେ, ଅନାଦ୍ ମନ୍ଦେ ଆଲ୍ସାନଡ଼୍କିଙ୍କ୍ ପୁରା ମାଡ଼ାନଙ୍କ୍ ବାତେବା ବିଷୟ୍ତେ ଅବାବ୍ ମାନ, ଆଗେକ୍ବା ଆଦ୍ ଶକ୍ତି ମାଡ଼ାନ୍ ମାଇଦିଙ୍କ୍ ପରମେଶ୍ୱର୍ ଅଂକିଙ୍କ୍ ଅଦିକାର୍ ଇୱଣ୍ଡ୍, ମାତର୍ ପୁନ୍ୱେ ନାରୁଣ୍ଡ୍ ଆଦ୍ ସଂଗ୍ରହ ମାଡ଼ିତଣ୍ଡ୍; ଇଦ୍ ବେକାର୍ ନୁ କାରାପ୍ ନିୟମ୍ତେ ଲେକମ୍ । 3 ବେସୁଙ୍କ୍ ବେନ୍ଆଇ ନାରୁଣ୍ଡ୍ ଶହେ ପିଲା ଜନମ୍ ମାଡ଼ି ନାର୍ଗେ ବର୍ଷ ବାଦ୍କିତଣ୍ଡ୍, ମାତର୍ ଅନ୍ ଜିଉନ୍ ବେସୁଙ୍କ୍ ସୁକାମ୍ତେ ପାଞ୍ଜଣ୍ଡ୍, ମେଣ୍ଡେ ବେସୁଙ୍କ୍ ଅଂକିଙ୍କ୍ କାବୁର୍ ଇୱକଟ ମାତ୍କେ, ଆଲାଇତ୍କେ ନାନେ କେତୁତାନ୍, ଅନାଗାଙ୍କ୍ ଇତ୍କେ ଜନମ୍ ଆଦାନ୍ ବାଦୁଲ୍ତେ ଡଙ୍କେତାଗ୍ ପିଲେ ଡଲାନାଦ୍ ସାୟେ; 4 ବାତେଙ୍କ୍ଇତ୍କେ ଆଦ୍ ଡଲ୍ତେ ପିଲେ ଉମେ ଲେକାମ୍ ୱାଦ୍ତେ ନୁ ଇକାଡ଼୍ତାଗେ ଆଦ୍ତେ, ମେଣ୍ଡେ ଅନ୍ ପେଦେର୍ ଇକାଡ଼୍ତାଗେ ମାନ୍ତେ; 5 ମେଣ୍ଡେ ଇ ପିଲେ, ଆଦ୍ ପଡ଼ଦ୍ ଉଡ଼ କି ପୁନ; ଆଗେକ୍ବା ଆଦ୍ ଡଲ୍ତେ ପିଲେ ଆ ନାରୁଣ୍ଡ୍ ୱିଡ଼୍ସି ଇଣ୍ଡ୍ ଅଦିକ୍ ରମିତଣ୍ଡ୍; 6 ମେଣ୍ଡେ, ଆ ନାରୁଣ୍ଡ୍ ବାତେବା ସାୟେତାଦ୍ ମାଡ଼କଟ ରେଣ୍ଡ୍ଦାମ୍ ରେଣ୍ଡ୍ ହଜାର୍ ବର୍ଷ ବାଦ୍ତ୍କେ ବା ସାରେତଡ଼୍ ବାତେ ଅଣ୍ଡୟ୍ ପଡ଼୍ୟେତାଗେ ଆନଡ଼୍ ? 7 ନାରୁଡ଼ାଦ୍ ସାରେ ତିପାଲ୍ ତାନ୍ ପାୟୁର୍ତେ ମାଇଦିଙ୍କ୍, ଆଗେକ୍ବା ତିନ୍ଦାନାଦ୍ ଇଚ୍ଛା କାର୍ୱ୍ ପୁରାଆୟ । 8 ଆଦିଙ୍କ୍ ମୁର୍କଙ୍କ୍ ୱିଡ଼୍ସ୍କେ ଜ୍ଞାନିନାଦ୍ ବାତେ ଲାବ୍ ? ମେଣ୍ଡେ ଜିଉମାନ୍ଦାନଡ଼୍ତଡ଼୍ ଚାଲେମ୍ ଆଦାନଙ୍କ୍ ପୁତ୍ତଣ୍ଡ୍ ବେନ୍ ଗରିବ୍ ନାରୁଣ୍ଡ୍, ଅନାଦ୍ ବା ବାତେ ଲାବ୍ ? 9 ମନ୍ଦେ ଆଶେତିଙ୍କ୍ଆନ୍ କଣ୍ଡେତେ ଉଡ଼ାନାଦ୍ ସାୟେ; ଇଦେକେ ବେକାର୍ ନୁ ଗାଲ୍ଦେ ପେର୍କେ ମିରାନ୍ ଲେକାମ୍ । 10 ବାତେ ଆସ୍ମିନ୍ଦେ, ନାର୍ଗେ କାଲାମ୍ ଆତ୍ତେ ଆଦିନ୍ ପେଦେର୍ ଇସ୍ ମାତ୍ତଡ଼୍, ମେଣ୍ଡେ ଅଣ୍ଡ୍ ନାରୁଣ୍ଡ୍ ଇଞ୍ଜ ପୁତ୍ତଡ଼୍; ମେଣ୍ଡେ, ଅଣ୍ଡ୍ ନିଜର୍ ଶକ୍ତିତଡ଼୍ ବିରଦ୍ଦ୍ ମାଡ଼୍ ପାର୍ୱଣ୍ଡ୍ । 11 ବେକାର୍ଗଟି ନାର୍ଗେ ଗଟି ମିନ୍ଦେ, ଆସୁଟ୍ ନାରୁନାଦ୍ ବାତେ ଲାବାମ୍ ? 12 ବାତେଙ୍କ୍ଇତ୍କେ ନାରୁଣ୍ଡ୍ ନିଡ଼୍କେତ୍ ଲେକାମ୍ ନିଜର୍ତେ ବେନ୍ ବେକାର୍ ଜିଉନ୍ କାଲାତେ ତାନ୍ ସାୟେ ବାତେ, ଆ ଜିଉନ୍ତେ କାଲାତେ ଅନାଦ୍ ମଙ୍ଗଲ ବାତେ, ଇଦ୍ ବେନ ପୁତ୍ତଣ୍ଡ୍ ? ମେଣ୍ଡେ ବେନ୍ ନାରୁଣ୍ଡ୍ ଡଲ୍କେ ପଡ଼ଦ୍ତେ ମଦଲ୍ ବାତେ ଗଟେମ୍ ଆଦ୍ତେ, ଇଦ୍ ବେନ ଅଂକିଙ୍କ୍ ଜଣାମାଡ଼୍ ପାର୍ଦ୍ତଣ୍ଡ୍ ?
Publicidade
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)