20 Ekuwaho akamamakhanya mbui iyo, mndima wa uko uwanga kwa Muungu wa Zumbe akamwawiiya mwe sozi, nakumwamba "Yusufu mwana Daudi wesekuogoha kumdoa Malia atende mkazio mana kenua ifu kwa udaho wa Muye wa Muungu.

5 Iya yuda mndima wa uwanga kwa Muungu akawamba wada wavyee, "Nyie mwesekuogoha! Namanya mwa mwondeza Yesu mwekugong’ondewa he mhamba. 6 Hanu khayuho kwaviya kayuyuka inga ekugombekavyo. Sooni mhakauwe hantu hekuwaho mwii wakwe ugonezwa.

53 Ivi tambe khammanya kuwa nadaha kumwombeza uwambiizi Tate yangu akanietea mazumwezumwe kumi dimwe na mbii ya wandima wakwe wa Muungu?

30 Mndima wa uko uwanga kwa Muungu akamwamba Malia, "Usekuogoha kwaviya Muungu kakujaiya wedi wakwe, 31 Wendawenue ifu, naho wendauvyae mwana kigosi, na zina dakwe wendaumwetange Yesu.

10 Mndima wa uko uwanga kwa Muungu akagombeka, "Msekuogoha, khiwaetea mbui yedi yendayoiwatamize wantu wose.

14 "Tunyo kwa Muungu uko uwanga kwa Muungu,

Na uivanisa mwe inusi kwa wantu awakundao."

10 Nawambeni, Nee wendavyo wawe na nyemi wandima wa uko uwanga kwa Muungu kwaajii ya mwenye mavigaviga yumwe haitukae na kumuuiya Muungu."

10 Wekuwaho wafua meso uwanga, kisingi Yesu adoigwa kuita uwanga kwa Muungu, ahoaho wantu waidi wekuwao wavaa ngwanda zekung’aazo pee wakagooka hehi nao, 11 wakagombeka, "Nywie wantu wa Galilaya, kwambwai mwagooka hanu mkakauwa uwanga? Uyu Yesu, mwekudoigwa kuawa aho henu na kuita uwanga kwa Muungu endaeze vituhu inga mwekumwonavyo akaita uwanga kwa Muungu."

1 Endeeani kukundisana inga ikundigwavyo kwa wantu wamzumiiyao Klistu. 2 Mwesekujaa kuwahokea wageni mwe kaya zenu, mana kwa sia inu watuhu wahokea wandima wa uwanga kwa Muungu kwesiho kumanya.

1 Nadaha kuwa na udaho wa kugombeka vitamwiiyo mbaimbai vya wantu na ata za wandima wa uwanga kwa Muungu, akini inga khina ukundiso miye ni inga mgutio wa khengee na upatu.

16 Haika sii ya mbui zekufiswazo za Muungu ni khuu muno,

Akaoneka ana umbo da mntu

Akaikwa pwii na Muye wa Muungu kuwa ni wa kwei

Nee aoneka na wandima wa uwanga kwa Muungu,

Akabiikiwa gatigati ya wantu wesao kuwa Wayahudi,

Nee azumiwa mwe inusi ngima,

Akadoigwa uwanga kwa Muungu akahokewa na ukuu.

16 Kwamana Zumbe Yesu mwenye endaaseee kulawa uwanga kwa Muungu nakulavya mwiko kwa mgutio mkuu hamwe na mgutio wa mndima mkuu wa uwanga kwa Muungu na mgutio wa gunda da Muungu na wowo wada wekuuyao na nyuma wakawa wamzumiiya Klistu wendawawe wa bosi kuyuyuswa. 17 Naho swie tekuwao wagima, tekusigaao tendatidoigwe hamwe nao wowo mwe mazunde na kumhokea Zumbe uwanga na ivyo tendatiwe hamwe na Zumbe kae na kae.

5 Na mvoti endaahasikwe magwanda yekung’aayo, na miye khinanidiuse zina dakwe kulawa mwe kitabu cha ugima, naho nendanigombeke hemeso ya Tate na hemeso ya wandima wakwe wa uko uwanga kuwa ni wangu.

38 Kwaviya namanya kwei kuwa khahana kintu kidahacho kutibahuwa na ukundiso wakwe, khio ufe wala ugima, wala wandima wa uwanga wa Muungu hambu udaho wa Ibiisi, wala yalawiiayo isasa, wala yendayoyalawiiye kisingi chezacho wala udaho mtuhu, 39 wala mbui zekuwao si ya uwanga, wala mbui zekuwazo asi muno. Khahana kintu chochose chendacho kidahe kutibahuwa na ukundiso wa Muungu mwe Klistu Yesu Zumbe yetu.