20 Thuasalama tuhcite a tuaku lyakhe a maan kya Bawipaw vaawpaw nynh yn langkuh zah, "David ccapaw Josef, na zu lang Mary hoiku lanpaw kha rih nan. Pawccecize aning nynh a poipaw ccaaw tuh Thyaa Muisaw liate nynh a poi.

5 Vaawpaw nynh nopi hae kha, "Rih nan oh, nanning nynh a khiade hae paw Jesu kha nynh na ccung oh cipaw ka ny. 6 Aning tuh hein kya um vae khyh, a ho hawte a thoothui vae. Rang oh lah a ccynaw hae hmin hynh oun dotua oh.

53 Ka Paaw nynh vaaw hae kha rhawkawphu haw lae ning lae alung lan palou yn sawpya nawlan ka Paaw kalan ngiakuh kho lan khyh cite tou na tua?

30 Vaawpaw nynh, "Mary, rih nan, pawccecize Pachia nynh nang kha maehoynaw ae pya. 31 Ccaaw na poi cih zah Ccapaw na saah cih, a min tuh Jesu cite na phu cih.✝

10 Thuasalama vaawpaw nynh minmin kha, "Rih nan oh, pawccecize ccungccaw balyn hanlan myarya lungtua lan umpaw thongpang hoypaw kha kae thuakhaepya oh:

14 "Ahang huapaw vaawlang kya

Pachia tuh phu-esah thua sah,

a sungsah hae paw a umnaw hae

lae vawlan hin daenaw um sah!" a ci hae.

10 Tuhawte, kae hopya oh, a ngaesikuhpaw misei lu kheit hanlan Pachia kya-e vaaw hae tuh mih lungtua," a cipya hae.

10 Tuhte lawthung athuapaw Jesu kha locceihtu hae nynh vaawlang riri a do cciamang lya hae khe ccungccaw lu ning tuh boeining rawpaw kha lawkute mih pe khe oun thadyn hae. 11 Tuh-e hae nynh, "Galilee ccungccaw hae, pawccemou vaawlang na dothung oh? Nae kyate vaawlang lawthung athuapaw Jesu tuh vaawlang a kaepaw na muih thyh oh hawte bua yn thua cih," a cipya hae.

1 Uteno sungsakunaw kha po tynsah oh. 2 Mikhia hae do-oihnaw kha la ning nan oh. Pawccecize tuhte mikhia do-oihnaw kya abang nynh vaaw hae kha tualeipite innccong a la thuasah hae.✝

1 Ccungccaw hae bya te vaaw hae bya kha ka hothya salamah sungsakunaw ka hoi khyh ze, kae tuh dawkhua tupaw roi te lanchi khuapaw roi hawte nynh ka thua.

16 Ah beiknaw kya-e byakhupaw alenaw zia hynh eiku lanpaw um khyh:

Pachia tuh pynsaw lante

yn langkuh vae zah,

Muisaw liate thyaaccousah athua vae,

vaaw hae nynh a muih vae hae.

Zenta hae kya ho athua vae,

laephi pynpi kya amaw kha

a zyn vae hae.

Phu-enaw te vaawlang

lawthung athua vae.

16 Pawccecize Bawipaw amaw tuh kawpyanaw roi, vaaw hae lakuze lupi athuapaw roi te Pachia mungkae roi ryte vaawlang te yn rungbung cih. Tetuh Khri kya a chih hae paw tuh masaty oun tho cih hae. 17 Tukoute ah hiinhy oh paw aening tuh vaawlang kya Bawipaw te tungku khylan minmin ryte pynkheihlan maeking kya hangthung ah thua cih oh, tetuh Bawipaw ryte zungzae umkheih lan vae.

5 A taetupaw tuh boeining rawpaw kha lawsahku athua cih, hiinnaw ccauh kyate a min kha ka thee vae lan khyh, ka Paaw malang te a vaawccungccaw hae malang a min kha ccaekia ka khan cih.✝

38 Pawccecize chinaw thuasah, hiinnaw thuasah, vaaw hae thuasah, uktu hae thuasah, atu a umpaw uccaw hae thuasah, oun um cih paw uccaw hae thuasah, thungnaw huhan thuasah, 39 ahangnaw thuasah, akhunaw thuasah, raepaw uccaw hae balyn kya-e pawpaw uccaw nynh mah thuasah, ah Bawipaw Jesu Khri kya umpaw Pachia sungsakunaw kyate aening kha oun phia kho lan khyh cipaw ccaerarih lan ka ny.