Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
हे ढ्लाव ते बेइनव, मेरू इन गुमान नईं कि मीं ट्लाव, पन सिर्फ अक कम केरताईं, कि ज़ैना गल्लां पत्रोवं रेइ तैन बिसरतां, अग्री गल्लां केरे पासे गाताईं। निशानेरे पासे दौड़तो च़लताईं, ताके मीं तैन इनाम मैल्हे, ज़ेसेरे लेई परमेशरे अवं मसीह यीशु मां बा कुजेवरोईं।
निशानेरे पासे दौड़नू
ई मतलब नईं, कि मीं हासिल केरू, या अवं सिद्ध भोइ जेव, पन तैस चीज़ी हासिल केरनेरे लेई दौड़ने लगोरोईं, ज़ेसेरे लेई मसीह यीशुए अवं ट्लावरो थियो। हे ढ्लाव ते बेइनव, मेरू इन गुमान नईं कि मीं ट्लाव, पन सिर्फ अक कम केरताईं, कि ज़ैना गल्लां पत्रोवं रेइ तैन बिसरतां, अग्री गल्लां केरे पासे गाताईं। निशानेरे पासे दौड़तो च़लताईं, ताके मीं तैन इनाम मैल्हे, ज़ेसेरे लेई परमेशरे अवं मसीह यीशु मां बा कुजेवरोईं। असन मरां ज़ेत्रे सिद्धन, ईए विचार रखा, ते अगर कोन्ची गल्ली मां तुश्शो होरो खियाल भोए त परमेशर तैस भी तुसन पुड़ बांदो केरेलो।
ते अगर कोई मसीह मां आहे त तै नव्वीं सृष्टि आहे, पुरैनी गल्लां बीती जेई; हेरा, तैना सब नेव्वीं भोइजेइ।
अक ज़ींती उमीद
इश्शे प्रभु यीशु मसीहेरे बाजी ते परमेशरेरू शुक्र भोए, परमेशरे असन पुड़ महान दया केरतां असन नव्वीं ज़िन्दगी दित्ती। किजोकि परमेशरे यीशु मसीह मुड़दन मरां ज़ींतो कियो त कने तैने अस पूरी उमीदी सेइं ज़ींनेरे काबल बनेवरेम, मतलब असन तैन चीज़ां हासिल केरनेरी पूरी उमीदे, ज़ैन केरो देनेरो वाधो परमेशरे असन सेइं कियोरोए।
हे परमेशर, मेरे अन्तर पवित्र दिल पैदा केर
मेरे अन्तर कायम रानेबाली आत्मा नंव्वे तरीके सेइं पैदा केर।
मीं अपने सामनेरां दूर न केर,
ते न अपनि पवित्र आत्मा मीं करां अलग केर।
यहोवारे सामने च़ुपच़ारे रा,
ते सबरी सेइं तैसेरो इंतज़ार केर,
तैस मैन्हेरे वजाई सेइं न कुढ़, ज़ैसेरां कम्मां कामयाब भोतन,
ते तै बुरी योजनान बेकार केरते!
अज़मेइतां हेरा कि यहोवा केत्रो भलोए!
केत्रो धने तै मैन्हु ज़ै तैस पुड़ भरोसो रखते।
पन ज़ैना यहोवा बलगतन; तैना नंव्वी ताकत हासिल केरते गाते, तैना उकाबा केरे ज़ेरे उडरेले, तैना दौड़ेले ते थकेले न, च़लेले ते थकावट मैसूस न केरेले।
किजोकि यहोवा एन ज़ोते, कि ज़ैन-ज़ैन अवं तुश्शे लेई सोचताईं तैन अवं ज़ानताईं, तैन नुक्सानेरे लेई नईं, बल्के सुखेरू आहे ते आखरी मां तुश्शी उमीद पूरी केरेलो।
अवं तुसन पुड़ शुद्ध पानी झ़िड़केलो, ते तुसां शुद्ध भोल्हे; ते अवं तुसन तुश्शी सैरी अशुद्धताई ते मूरतन करां शुद्ध केरेलो। अवं तुसन नंव्वो मन देइलो, ते तुश्शे अन्तर अक नव्वीं आत्मा पैदा केरेलो; ते तुसन मरां घोड़ेरो दिल केढतां मासेरो दिल देइलो। अवं अपनि आत्मा तुसन मां छ़डेलो कि तुसां मेरे विधन पुड़ च़लेले ते मेरे नियम मेनतां तैन केरे मुताबिक केरेले।
इन सेब्भन करां बा प्यारे ज़ै सेब्भन सिद्धतारो पटकोए बन्धा। ते मसीहेरी शान्ति ज़ेसेरे लेई तुस अक जान भोनेरे लेई कुजेवरे भी आथ, तुश्शे दिलन मां राज़ केरे, ते तुस शुक्र केरते राथ।
तैनी सब किछ एरू बनेवरूए, कि अपने-अपने वक्ते पुड़ तैन रोड़ू लेइहोते; फिरी तैनी मैन्हेरे मने मां हमेशारू ज्ञान भी पैदा कियोरूए, फिरी भी ज़ैन कम परमेशरे कियोरूए, तैन शुरू करां आखरी तगर सेमझ़ी न सके।
इश्शे जिसमानी बाजी त थोड़े दिहाड़ां केरे लेई एपनी समझ़रे मुताबिक असन सुधारते रहते थिये, पन परमेशर इश्शे फैइदेरे लेई असन सुधारते ताके असां तैसेरी पवित्रतैई मां शामल भोम। एसमां शक नईं कि ज़ैखन केन्ची हदैइत की गाचे त तै खुशी नईं, बल्के बड़ू बुरू बुझ़ते, पन ज़ैखन तै बले-बले पक्को भोइ गाते त तैस बादे मां धर्मी बेनतां चैनरो फल मैलते।
घमण्डेरे खलाफ खबरदारी
तुस ज़ैना इन ज़ोतथ, "कि अज़ या कालां अस कोन्ची होरि नगरे मां गेइतां अक साल बीतामेले, ते बुपार केरतां फैइदो उठामेले।" ते इन न ज़ानथ कि कालां कुन भोल्हु, शुना, तुश्शी ज़िन्दगी आहे कुन? तुस त भाखेरे ज़ेरेथ, ज़ै थोड़े च़िरे लेइहोते, ते फिरी गैइब भोते। एल्हेरेलेइ तुसेईं इन ज़ोवरू लोड़े, "अगर प्रभु चाए, त अस ज़ींते रहमेले, ते इन या तैन कम भी केरमेले।" पन हुनी तुस अपने अभिमाने पुड़ घमण्ड केरतथ, एरू सब घमण्ड बुरू भोते। एल्हेरेलेइ ज़ै कोई भलियाई केरनि ज़ानते ते न केरे, तैसेरेलेइ ई पापे।