Ano novo

13 Bəliŋ-bɔŋ, mɔ chʉʼ lʉ̀ mbɔ mɔ nɔʼ yá tə i bɛ yɔŋ-yə fɛ. Bɔŋ mbyu kənu imɔʼ ndə mɔ tʉʼ chìi nɔ bɛ mbɔ mɔ nɔ tʉʼ lèʼnə fɔkə ndə mɔ nɔʼ tíŋ kɔ́ bɔ̌ŋ, kə́ kɔ̀ɔtə ndə məmɔ̀ʼ ghɔkə-ɔŋ ndəŋ yi-yə ndə i bɛ bəshʉ mɔ. 14 Mɔ nɔ tʉʼ kɔ̀ɔtə ndə mənyʉ́ʉ ndʉʉ-ɔ̄ gɛ̀ dàa liʼ-ghɔ̄ ndə məkie kɛŋbə ndə i bɛ yuo ndə Nyii tʉʼ tíi bʉʼʉ ndə məkɛ̀ŋ bʉʼʉ nə yɔŋ tíŋ hə bɔ̌ŋ Klai Jiso.

Mə-kə́-kɔ̀ɔtə ndə məgɛ̀ dàa

12 Mɔ tʉʼ ghɔ̀ŋ mbɔ mɔ nɔʼ kie nubə-ɔ̄ŋ inchəŋ fɛ byuunɔ mɔ nɔʼ bɛ tə gɛ̀ kùu fɛ, bɔŋ mɔ nɔ bíe kɔ̀ɔtə shʉ́əshʉ́ə ndə məyá i bɛ yɔŋ-yə, bʉʼka Klai Jiso nɔʼ yá mɔ ndə məbɛ yi-yə. 13 Bəliŋ-bɔŋ, mɔ chʉʼ lʉ̀ mbɔ mɔ nɔʼ yá tə i bɛ yɔŋ-yə fɛ. Bɔŋ mbyu kənu imɔʼ ndə mɔ tʉʼ chìi nɔ bɛ mbɔ mɔ nɔ tʉʼ lèʼnə fɔkə ndə mɔ nɔʼ tíŋ kɔ́ bɔ̌ŋ, kə́ kɔ̀ɔtə ndə məmɔ̀ʼ ghɔkə-ɔŋ ndəŋ yi-yə ndə i bɛ bəshʉ mɔ. 14 Mɔ nɔ tʉʼ kɔ̀ɔtə ndə mənyʉ́ʉ ndʉʉ-ɔ̄ gɛ̀ dàa liʼ-ghɔ̄ ndə məkie kɛŋbə ndə i bɛ yuo ndə Nyii tʉʼ tíi bʉʼʉ ndə məkɛ̀ŋ bʉʼʉ nə yɔŋ tíŋ hə bɔ̌ŋ Klai Jiso.

15 B̈ʉʼʉ bənchəŋ ndə bʉʼʉ nɔʼ tə̀ŋ mu Nyii kie ntɛ-ŋkwɔʼtə-ɔ̄ŋ. Bɔŋ kaʼ bəbɛʼbʉə mu bii kie ntɛ ŋkwɔʼtə kədɔŋ, təmə Nyii bu ŋɔ́ʼhə shʉtə-ii ghɔ, b̈ii kínə yɔ̄ŋ-yə.

17 Yɔ̄ŋ-yə nɔ dʉ̀ʼ mbɔ wo ndə ɔ nɔʼ fúu ŋwɔŋ-ɛŋ ghɔŋbə Klai nɔ bɛ wo fefe nduɔ. Nduɔŋ nuʼ nɔʼ tíŋ, nuʼ fefe nɔʼ gwè.

Məyʉ́əʼnə ndəŋ məchímbi ndə liʼ-i bɛ ghɔ fɛ

3 B̈ʉʼʉ kɔ́ ndɔ tʉ Nyii, mbʉ Tie Tiekətʉ-yʉʼʉ Jiso Klai! Bʉʼka fɔŋ kətʉvyiinə-i, ɔ nɔʼ chìi bə bʉ̀nə bí bʉʼʉ ndʉʉ ndə ɔ kə bʉ̀nə kóʼhə Jiso Klai ndəŋ kwú. Yɔ̄ŋ-yə nɔʼ kɔ́ yəŋ-yʉ́əʼnə-kə tʉ bʉʼʉ ndə ĩ gwè nə məchímbi.

14 Bɔŋ fɔŋ-kənu ndə məbìʼ ndəŋ nubə-ɔ̄ŋ, b̈ii mɔ̀ʼ ŋkʉ̂ʉ mbʉə-bii ndə ĩ kɔ́ʼ nubə inchəŋ ndə mə-kɛŋ-dùʼ nə ŋgiekə imɔʼ. 15 Tə fyiighʉ́ənə ndə i gwè hə kəghɔ-Klai sɔ́ʼ mu fyiihə-ii bʉʼka Nyii nɔʼ kɛŋ tíi bii ndə mbʉə imɔʼ ndə məkie fyiighʉ́ənə-ɔ̄ŋ, b̈ii bɔŋleʼ kə́ kɔ́ ndɔ tʉ Nyii.

10 Bʉʼka bətie-bʉʼʉ kəchisê nɔ kə gwúu bʉʼʉ ndə vaa kəŋkwutə məniʼ ndə ntɛ ndə bɔ̂ŋ kə kwɔ̀ʼtə mbɔ i kʉ̀ʼnə tʉ bɔŋ, bɔŋ T̃ie-yʉʼʉ nɔ gwúu bʉʼʉ ndə bʉʉ-yʉʼʉ mbɔ bʉʼʉ chʉʼ bɛ ŋkʉʉ haʼ ndə ɔ bɛ ŋkʉʉ. 11 Sɔ́ʼ kaa ghɔ ndə ĩ gwè nə tʉʉjyu vɛʼ-ghɔ̄ fɛ, ĩ bɔŋ nɔ líŋ. I bɔŋ kwìhə nɔ gwè nə fyiighʉ́ənə ghɔŋbə məchímbi ndyʉndyʉ tʉ wo ndə ɔ yétə nukə chɔ.

B̈ii láa ndə mə-kə́-kwɛ̀ŋ fyii te nə yɔ̂ŋ

13 B̈ii yʉ́, bii ndə bii tʉʼ ghɔ̀ŋ mbɔ, "Laa byuunɔ yɔ̂ŋ baʼa bu gɛ̀ lɔʼɔ-fɛ̄ŋ byuunɔ lɔʼɔ fīi, gɛ̀ chí chɔ ndə ŋgʉʼʉmbi chìi mbɛʼnə kie sii." 14 B̈ii kínə ntɛ-kənu ndə i bu sɛŋ bɛ yɔ̂ŋ tʉ bii fɛ. Məchimbi-yii bɛ ka? Bii nɔ bɛ nə vaakəmbɔʼ ndə ĩ lɔ̀ hə sê kʉʉkə məniʼ nɔ i sɛ̀nə mì. 15 Bii nɔ kie ndə məghɔ̀ŋ bə mbɔ, "Kaʼ Tiekətʉ bɛ́ŋ, baʼa chí mbi, kə́ fɔ̀ʼ yɔ̄ŋ-yə byuunɔ yīŋ-yə." 16 Bɔŋ nduɔ, bii nɔ tʉʼ kwɛ̀ŋ fyii bə ndə yi-yə məgʉ́ə. Yɔ̄ŋ-yə ntɛ məkwɛ̀ŋ fyii nɔ bɛ yi-bʉəbʉə-yə.

17 Nɔ, wo ndə ɔ kínə nu-shʉəŋ-kə ndə məfɔ̀ʼ bɔŋ tɛ́ŋ ndə məfɔ̀ʼ nɔʼ chìi bʉ̂ʼʉ.