Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
Ábaruneng, da imi tsin sok ice hom fok in mi tsang tekap ide awo. Awɛt ikyɛng izining de fi in ras: In nye burum ni ikyɛng fi i mi got ni in imuu-ice ni idɔng fi i se ashon, in nye nyɛk sak ni igang e nɔng in da bin sok izang azanɛn fɛ́ Adakunom ayɛt Anet-Isheshek aYeso di yes nek ide.
Nye yin nyɛk sak ni igang e
Da fok imi mi kyem in sɛ ngma nkyɔrɔk e nang awo, ke in mi kyem in shining nyif awo, tit in se na anyɛk sak ashon nɔng in da tekap ikyɛng e dɔng fɛ́ Anet-Isheshek aYeso kin tekap akuce hom. Ábaruneng, da imi tsin sok ice hom fok in mi tsang tekap ide awo. Awɛt ikyɛng izining de fi in ras: In nye burum ni ikyɛng fi i mi got ni in imuu-ice ni idɔng fi i se ashon, in nye nyɛk sak ni igang e nɔng in da bin sok izang azanɛn fɛ́ Adakunom ayɛt Anet-Isheshek aYeso di yes nek ide.
Ngma yit fi in mi kop yit, won ni in yere yit nkyɔrɔk e anɔng. Awɛt ke bakak bɛ́ kuyiring fi ku se zɛɛt, Adakunom wu a da ki nɔɔk yin awɛshɛk naton e.
Nek anɔng, ngma anet fɛ́ a se ayɛt Anet-Isheshek, a yet anet afas, nkyɔrɔk nzen mi gosok, di yin nkyɔrɔk nfas mi bɛ̀.
Itere sak na Adakunom nek kusot ite iyɛ
Won itere ni i sot ifɛ́ Adakunom, Ada aTisa yit aYeso Kristi! Nek kudot angmishish wu a mi ki nɔɔk yit kutset kufas ni ite iyɛ makiyi fi i ne ayɛt idorok ifaben aYeso Kristi ni irɛk,
Ayɛt nkyɔrɔk nang ngma, sok yin ishim aza akaakyɛ, iye fi itoos ishɛrɛp e gyat ngma.
Won kukyang fi ku nes ne Anet-Isheshek ni ku sot na áyɛ yin, nek ti nkap kurɔm kuzining, ba ki yes yin ni kusot kukyang. Nesek yin ifeng.
Bada yit ni irɔm ki tabasa yit in fi kizen hyiit, gyat ni ku di bá, awɛt Adakunom ki tabasa yit nek itek yit, nɔng in sɛ yit kanu kafiit ayɛt kusot ajɛrɛ wu. Vit itabak fi i ta ni izen fɛ́ ba se ne, tit ibeseng iyɛ kyɛk, awɛt ama anɔng, ni ki bɛ́ yit ni imen iyɛ ni kusot kutabat sak na bayɔng fɛ́ ba shan itabak e.
Igyɔng naton itsot kugwɔm
Wes yin ato yin, iyin fi i nye yin ye, <<Atut ke natson ayi in bi tse yit ni wɔp ya, in da nye yit iyɛ azɔng, ni in tsin ra yit ijik, ma in tusung yit atsɔm gaan.>> Awɛt vit iyin ni kurēn ke akyɛ fi i bi te natson ɛ? In fɛ̀ ane ni ngane, kutset yin yet akyɛ? Iyin fi i se yin ti aming, fi ikpa yɔkɔnɔng ni wat i kana karak. I se yɛɛt ki i fɛ̀ yin ane, <<Kɛ aTisa shim, a ki won yit ayɛt bafi kutset, in bi nye yit ane ne ana.>> Awɛt di yin fi ikok ice naton, ni nye yin mgbep. Kuri ikok ice naton iyɔng se yɛɛt awo. Nek anɔng, ngma anet fɛ́ a rēn ikyɛng fi i se yɛɛt na a nye, awɛt a rawu dang ra ide, anɔng e sot inɛn ni wu.