Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
Ndugu zangu, sigesa kuwa nipata gweko. Mbali notenda chinhu chimwe muhala, nozimiza yafosile, na noiyohela yeli hamwande. Noiyohela mbaka kuhelelo wa kuihuma muladi nihokele gweko diya da ugima wa siku zose, gweko ijo Mulungu kanitanga kufosela Chilisito Yesu.
Kuiyoha mbaka kuuhelelo wa kuihuma
Silonga kuwa niye nihuma hebu nyenela, bule! Mbali nogendelela kuiyoha muladi nipate gweko kwa ichimu chake nyamhigwa na Yesu Chilisito mwenyewo. Ndugu zangu, sigesa kuwa nipata gweko. Mbali notenda chinhu chimwe muhala, nozimiza yafosile, na noiyohela yeli hamwande. Noiyohela mbaka kuhelelo wa kuihuma muladi nihokele gweko diya da ugima wa siku zose, gweko ijo Mulungu kanitanga kufosela Chilisito Yesu.
Cheye wose wochikangale chimuhe, cholondeka kuwa na magesa yayo yayo. Mbali one wamwenga wenu wahawa na magesa yamwenga, Mulungu kezamulagusani funhu funhu mbuli iyo.
Ivo munhu yoyose yahailumba na Chilisito, yeye kokuwa kalumbigwa sambi. Mbuli za umwaka zosegela, mbuli za sambi zokwiza.
Lolelo da kweli
Leka chimwing’he nhogolwa Mulungu, Tata wa Mndewa wetu Yesu Chilisito! Kwa ubazi wake kaching’ha ugima wa sambi kwa kumzilibula Yesu Chilisito, lelo china lolelo da kweli.
Weye Mulungu, unilumbile moyo welile,
na wike moyo ugangamale mgati yangu.
Sekeunyase kutali na weye,
sekeunisegezele Muhe wako Yelile.
Humula haulongozi wa Mndewa Mulungu,
mgozele kwa kufunya umoyo,
sekeugaiye wanhu waja wopata muna ugenzi wawo wihile,
viwodaha kufikiza malungilo yawo yehile.
Gezeni mulole Mndewa Mulungu kanoga,
kamweda munhu ija yomkimbilila.
Mbali wose womuhuwila Mndewa Mulungu, nayo kezawagangamiza.
Wezaguluka uchanyha fana masumula,
wezakimbila bila kulegela,
wezagenda na hawezasinduka.
Yamwenga ya kongeza, muwe na ulondo kwaviya ulondo wolumbiliza chila chinhu muna ukuilumba chigangamavu. Tindiwalo da Chilisito dilangulize muna imizoyo yenu. Mulungu kawatanga yaweng’he ijo tindiwalo kwa kuwa kumwenu muna ulukuli lumwe, iviya muwe wanhu wa kulava hewela.
Mulungu kachitenda chila chinhu chinoge kwa lusita lwake, iviya kaweng’ha wanhu hamu ya kuvimanya mbuli zose zikwiza, mbali wanhu hawadaha kuvimanya mwanduso na uhelelo wa sang’hano za Mulungu.
Tati zetu wacheleke wachizuma kwa lusita ludodo kwa kusondelela viya viwowona kuwa vinoga. Mulungu kochizuma kwa kuchitaza muladi chiwe fana yeye. Vino sambi kuzuma siyo mbuli iwoneka ya kudeng’helela mbali mbuli ya usungu. Mbali hamwande izagala tindiwalo na ugima woumnogeza Mulungu kwa wose wafundizigwe na kuzumwa uko.
Lamulo kwa mbuli ya magoda
Nitegelezeni mweye womulonga, "Diyelo hebu igolo chizahita kudibululu dimwenga mwaka mgima chizachuuza vinhu kupata faida." Mbali hamuvimanyile ugima wenu vondauwe igolo! Mweye mulinga fana kungugu dodilawilila kwa lusita luguhi na kuhalawa. Ila molondeka kulonga vino, "One Mndewa yahalonda, chizakala na kutenda vino hebu viya." Mbali lelo moigoda na kuitogoza, magoda yose yalingile ivo yeha.
Ivo munhu yoyayamanyile yanogile yoyolondeka kutenda mbali hayatenda, munhu iyo kasang’hana uhasanyi.