1 Maabaho mbuli ya Mndewa Mulungu imwizila Yona mwanza wekaidi, kulonga, 2 "Hita kuna dibululu kulu da Ninawi ukawagong'ondele usenga wondanikulagilize."

3 Ivo Yona kamtegeleza Mndewa Mulungu na kahita Ninawi fana viyalagilizigwe.

Bululu da Ninawi dikala kulu ng'hani. Yona kakala muna dibululu siku nhatu. 4 Yona kandusa kugenda muna dibululu siku yose, kagong'onda, "Zisigala siku malongo mane muhala, bululu da Ninawi dizanangigwa." 5 Wanhu wa Ninawi wamuhuwila Mulungu, waitogolela kufunga kuja. Wanhu wose wakulu na wadodo waiyawala maguniya kulagusa kuwa wasama. 6 Mfalume wa Ninawi viyahulike mbuli izo, kenuka hana ichigoda chake cha chifalume, kahambula koti jake na kaiyawala guniya, maabaho kakala muna yamaivu. 7 Maabaho kawalongela wanhu wa Ninawi mbuli izo, "Kwa lagilizo da mfalume na vinyandama wake, sekemuleke munhu yoyose hebu mnyama hebu ng'ombe hebu ng'hondolo yalanze chinhu chochose. Sekemuwaleke waje hebu wang'we. 8 Wanhu wose na wanyama wolondeka wavale maguniya kulagusa wana usungu. Chila munhu kolondeka yamulambe Mulungu na yaleke kutenda ubozi na udugi. 9 Yodahika Mulungu kodaha kugalula magesa yake na kuchiwonela ubazi na kuleka ludoko lwake sekeyachinange."

10 Mulungu viyawonile wanhu waleka kutenda mbuli zihile, kawawonela ubazi na hawanangile fana viyailungile.