Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
Sinamedung, Ih cide pwa agu teilu delie cetla mereu. Dede Ih mage teila: a caile kebamde nsungtadi eh a dwale kebambe gage tet gaila, Ih kakegai de gage tet gaila, iciu eh Khrista Jisu gade Tinggwang nreule ge qukegai ziehi de ngaulu kerane.
Kakegai ga gwakegwang
Ih ma aidungde ngau lu, mede Ih yicang dida de kecube ma, dede Ih de cide pwa agu teilu kera ziemne gwa sui jüja gwangla, kedanemene Khrista Jisu acu pwa pegu teilu delu. Sinamedung, Ih cide pwa agu teilu delie cetla mereu. Dede Ih mage teila: a caile kebamde nsungtadi eh a dwale kebambe gage tet gaila, Ih kakegai de gage tet gaila, iciu eh Khrista Jisu gade Tinggwang nreule ge qukegai ziehi de ngaulu kerane. Ciziemne anui pelane ngkieng kedime ainzwa cet lugo; dede nnui kangge nnui lungning tsam lacai, Tinggwang cide nnuide keulia beuzie.
Ciziemne, keheibe de Khrista ga ladi cai, pa au mina keheci ge dida. Kehegwabe tetdi da. Ainie, kehecibe gwang bam dida.
Ringkebam keregui ziemne Tinggwang de ketwa
Peu Tinggwang nah anui Rampaube Jisu Khrista Peibe de hetwa pungkelube tei lulo! Pe ngaugia kedi ziemne, pa Jisu Khrista de ketsai gade ringcuh daikelu gade anuide teilung keheci nah kering keregui peu dida.
Helung kemci ge a nlung gage damgai beulo, Tinggwang,
nah rabe petausiakpe alung gage teiheci beulo.
N dwa gade acu gwagi diso,
nah n kemci Rabe ada de keuteu diso.
RAMPAUBE dwa ga ziune bamlu nah nnui lung tie eh pecu kwalu.
Mikangge penui ta ketei ga teidau kegaidau nnui rata di helo,
mede pa makemaudung riem kegaidau.
RAMPAUBE de kedak peilo delwe pe keyi de ci lulo.
RAMPAUBE da nsiu kelabe de samlam pungtu.
Dede RAMPAUBE dade kengha nlum kecume au penui kengking tei heci dai lu zie; penui au heliedung nzwa lim cuh dizie;
penui pak zie nah leu dilak; penui tet zie nah nnei dilak.
Aide RAMPAUBE ne ndukegai, kedanemene Ih rünne nnui ziemne riem pwa kela de ci, mariem cide kezuyi ziemne nah kengkap ziemne ma, nnuide gwang kera teilung nah keregui peu kerane.
Pecai Ih nnui reu gage dui kemci kezin gai zie iciu eh nnui maudung gade nnuide tei mci lu kerane, nah nnui gu mamiedung leune gade nnuide tei mci beuzie. Ih nnuide mlung keheci ge nah rabe keheci ge nnui lung coktu gage peu zie, nah nnui pumteih gade nnui mlung tangtsu nzwa ketak de keugi dizie. Kedanemene Ih nnuide samzai ketei mlung peu zielu. Ih n dage a rabe kaigai beuzie nah Ih peu nnuide a zaidung nah a ajadung leune mzai luzie, iciu eh nnui cidungde tei kerane.
Dede ma aidungde pelane reu, keku de teu bahlu, cide ma pelane kang ncüt kelube da. Nah peu Khrista lungciepbe de nnui lung teu kelabe teilo, cipau lungciep de gage nnuide de qupwa pum ge teilu delu. Nah twa eh lalu.
Peting petausiak ga zeutu kerabe Tinggwang teigai. Pa kelungta kering de penui lung gage kaigai beu. Dede mina be Tinggwang tei kegai bata de cet cicang luma, penui kendeu gade gwang penli ga kecang de.
Kedanemene kesang anui peime penui macet yitube teu anuide kaknage ziemne ledeu. Dede Tinggwang anui ziemne yi kerabe anuide ledeu la, iciu eh pe kemci ga anui mzilu kerane. Cu kesangbe au ledeukecu tingdau ga misuiyi eh la lama, dede kehereila la. Pecaine cide gade keteukelu ziemne makesangbe tsi kenciep bui beula.
Ncünne ziemne hegie kecu
Cu ainie, nnui ainzwa rang kelame, "Anui henai mede ncünne namdi aide ga mie zie, delwe cika mmi ge bam eh heli tei gie luzie," dede nnui ncünne ha cima. Nnui teilung dai no? Kedanemene nnui au mikaa kak nage ngau gai eh gah di kela nzwa delie. Meliene, nnui ainzwa rang kerabe, "Rampaube lungning liecai, anui lungh bam eh aide mede lude tei zie." Dede cu au nnui mariemdung ziemne nnui ngangla dida. Ngang kecu cinkenzwa leune au kemau lie. Cine mige makeyibe teikera cibam eh cide tei mecai, cide pe ziemne kemau lie.