Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
माआं पाव्हीइला, माआं एहेलुहू विसार कायनाहां के मी तों ताबाम लेत लेदोहो; पोन फक्त ओं एक काम कोअहो, के जे गोठी फासाड़ी रोत गोयीही तियींहीं विहराइत कोइत, आगल्यीइ गोठीइहें दिहान देत, याअकाजे के जिया इलामोहों ताबाम लेअलोअ काजे देवे माहूं ख्रिस्त ईसुमेहें उसे हाद्युहू तियी निशाणीइहें गुगदीइतुज जाहो.
निशाणीइहें गुगदीइलो
ओं मा समजाहा के माहूं जोड़ीत गोयोहो, नेताहां आंय पाक्कू ओत गोयुहू; पोन तो इलाम जोड़ुहूं जोवे काजे गुगदीत जाहो, जियाअ काजे सोताहा ख्रिस्त ईसु माहूं ताबाम लेदुहू. माआं पाव्हीइला, माआं एहेलुहू विसार कायनाहां के मी तों ताबाम लेत लेदोहो; पोन फक्त ओं एक काम कोअहो, के जे गोठी फासाड़ी रोत गोयीही तियींहीं विहराइत कोइत, आगल्यीइ गोठीइहें दिहान देत, याअकाजे के जिया इलामोहों ताबाम लेअलोअ काजे देवे माहूं ख्रिस्त ईसुमेहें उसे हाद्युहू तियी निशाणीइहें गुगदीइतुज जाहो.
आपामेहें जें पाक्के होय तें ओज विसार मिकुहूं जोवे, आन जर एखी गोठीमेहें आलांग विसार ओय, ताहां तोबी देव तुमुहूं देखाड़े.
तियाहा काजे जर एखू ख्रिस्तामेहें ओय, ताहां तों नोवो बोण्योहों; जुनी गोठी जाती रोयी; पाला, आखी गोठी नोवी ओत गोयीही.
जिवती आशा
आपाआ प्रभु ईसु ख्रिस्ताआ देव बाह्हाआ धन्यवाद! तिये ख्रिस्ताहा मोतोम रोत फाशुउ जिवतु कोइत तियाआ वोडी दया वाअहीं आपुहूं जिवती आशामेहें नोवो जल्म आप्योहो.
आंय तुमापोअ सोको पाईं हिपड़ीहीं तेहेलाम तुमू सोके ओत जाहा; आन आंय तुमुहूं तुमाआ आखी सोगदायीम रोत आन मुर्तीइ घाणीम रोत तुवी देहीं. आंय तुमुहूं एक नवो मोन आपीहीं, तुमामेहें नवी आत्मा टाकिहीं; आंय तुमामेऱ्योअ ठोहजाअलो मोन काडीत तुमुहूं माहोंवालो मोन आपिहीं. आंय माआ आत्मा तुमामेहें मेकीहीं ताहां तुमू माआ नियमोअ पालन कोअहा आन मी आपल्या आखा आदेशोअ तुमू पालन कोअहा.
यां रोत बी जाअखो मेर ओं एक एहेलोह बंधन होय, जों आपुहूं पाक्के बोणावेहे याहा पोवित ल्या. ख्रिस्ताआ होक तुमाआं मोनोम राज कोअहूं जोवे, जियाअ कोअते तुमुहूं देवे एकठेज हाद्येहे; आन तुमू आभार मानते रोवा.
तियीं आखी वस्तुहू तियाआ कोअते हाजी वेलेमेहेंज बोणावयीही. तिये माहुंउं मोनोमेहें हादाफल्यीइ ओकलेए ताकत आप्यीही, ते बी माहुंउं नाहां समजीइतो के देव सुरवाती रोत ते आखरी जाआं कि कोअयोहो.
दुन्यामेऱ्युउ आब्हू ताम जिवज्योअ होमोजोअ परमाणे थोड़ा दिहोअ कोअते शिक्शा कोअहे, पोन देव ताम आपाआ हाजाआ कोअते कोअहे, काहाके आपू बी तियाआ पवित्रतामेहें सामिल ओवुहूं जोवे एहलिही तियाआ इश्शा होय. कोड्ली बी शिक्शा वाअहीं खुसी ताहरीइ नाहांज ओवती पोन दुख लागेहे, तेबी जियांहां तियी शिक्शाआ आनुभाव जोड़्युहू, तियांहां आगाड़ी जात धर्मी जिवन आन शांती जिवनोअ फल जोड़ेहे.
वोडाय ने कोअहूं जोवे कोत ईसारु
पाला, तुमू कोतेहे, "के आपू आज नेत हांदाअ एखा होयरोम जाहूं, तिहीं वोरिही पोइत रोहूं आन काम-धंदू कोइत पोशा मेलवुहूं." पोन हांदाआ की ओवनारो होय तों तुमुहूं नाहां मुंदू. तुमाआं जिंदगीज केतीही होय तों बी तेंव इतवा! उनाइत तेबी लेवा, तुमाअ जिवन होय तेबी कि? तुमू ते वाफेए होसऱ्येए होय, जे एक ताल देखाअहे आन आरतात जाहे. याअ रोत उलटो तुमू एहें कोअहूं जोवे के, "देवोअ इश्शा ओय ताहां आमू जिवते रोहूं, आन ओं काम नेत तों काम कोअहूं." पोन तुमू ओमेएंज डांबराय कोइलामेहें वोडाय कोअतेहे; एहेली आखी वोडाय ने हाजी होय.
तियाहा काजे जियाहा हाजो कोइलो समजेहे, तेबी तों तियाहा नाहां कोअतो, तियाहा पाप लागे.