Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
भाईओ, मेरै दिलै निं एही आथी कि हुंह मुक्कअ तैहा गल्ला ढाकी, पर सिधअ एक काम करा हुंह इहअ कि ज़ुंण गल्ला पिछ़ू आसा छ़ुटी गई दी तिन्नां बिस्सरी करै लागा हुंह आजू एछणैं आल़ी गल्ला बाखा लै हांढदअ। हुंह रहा कबल्लअ नशाणैं बाखा लै ठुहर्दअ लागी ताकि मुंह तेते नांम स्वर्गै परमेशरा संघै सदा रहणअ भेटे, ज़ेता लै हुंह परमेशरै मसीहा ईशू दी आसा शादअ द।
नशाणैं बाखा ठुहर्नअ
हुंह निं इहअ बोल्दअ आथी लागअ द कि मुंह मुक्की ईंयां गल्ला भेटी या हुंह मुक्कअ सिध्द हई, पर एता लै आसा हुंह ठुहर्दअ लागअ द, ज़ेते तैणीं मसीहा ईशू हुंह शादअ द आसा। भाईओ, मेरै दिलै निं एही आथी कि हुंह मुक्कअ तैहा गल्ला ढाकी, पर सिधअ एक काम करा हुंह इहअ कि ज़ुंण गल्ला पिछ़ू आसा छ़ुटी गई दी तिन्नां बिस्सरी करै लागा हुंह आजू एछणैं आल़ी गल्ला बाखा लै हांढदअ। हुंह रहा कबल्लअ नशाणैं बाखा लै ठुहर्दअ लागी ताकि मुंह तेते नांम स्वर्गै परमेशरा संघै सदा रहणअ भेटे, ज़ेता लै हुंह परमेशरै मसीहा ईशू दी आसा शादअ द।
ता, हाम्हां मांझ़ै ज़ेतरै लोग विश्वासा दी पाक्कै आसा तिंयां डाहै इहअ ई बच़ार अर ज़ै थारअ किज़ू गल्ला लै किज़ै होर बच़ार होए ता परमेशरा हेरनअ सह बी तम्हां दी प्रगट करी।
तै ज़ै ज़ुंण कुंण मसीहा दी विश्वास करा, सह आसा नऊंईं देही पराणीं गल्ला गई बिति भाल़ा, सोभै गल्ला हुई नऊंईं।
एक ज़िऊंदी आशा
म्हारै प्रभू ईशू मसीहे बाब अर परमेशरो करा शूकर। अह आसा तेऊए महान झींण कि म्हारअ हुअ नऊंअ ज़ल्म। किल्हैकि तेऊ किअ प्रभू ईशू मसीहा मरी करै ज़िऊंदअ। ऐबै ज़िऊआ हाम्हैं म्हारी ज़िन्दगी पूरी आशा डाही।
हे परमेशर, मेरै मन्नैं पा तूह सुंबल़ी सोर अर
मेरी आत्मां कर तूह ऐबै शुची अर भरोस्सै करनै जोगी।
मुंह निं तूह आप्पू का दूर करी अर
नां आपणीं पबित्र आत्मां मुखा पोर्ही काढी।
सबर डाहणअ संघा दैणअ बिधाता काम करनै,
कदुष्ट मणछा सफल हंदै भाल़ी निं फिकर करनअ अर
नां तिन्नें कदुष्ट बिक्री भाल़ी हैल़अ करी।
तम्हैं लआ परखी संघा भाल़ै आप्पै कि बिधाता किहअ भलअ आसा।
तिंयां मणछ भाल़ किहै खुश हणैं ज़ुंण बिधाता सेटा शरण लआ।
पर ज़ुंण बिधाते आसरै रहा, अर ज़ुंण तेऊ का मज़त मांगा,
तिन्नां भेटणअ ताज़अ ज़ोर।
तिन्नां लागणै मुक्षरलै ज़िहै नऊंऐं फैंख,
तिन्नां बाहणीं ठुहर पर तिन्नों शाह निं फुलणअ,
तिंयां निं हांढी-हांढी बी दुबल़ै हणैं।"
ज़ुंण मंऐं थारै बारै सोठी आसा डाहअ द, तेते बारै ज़ाणा सिधअ हुंह, मेरी सोठ आसा थारै भलाईए तैणीं, सह निं थारी हान्नी करने आथी। मेरी सोठ हणीं एही ज़ेथ आजू तम्हां आशा रहे।
तम्हां दी छ़ल़िकणअ मुंह निम्बल़अ पाणीं संघा हणैं तम्हैं शुचै। मुंह करनी थारी सोभी मुहुर्ती अर हर च़िज़ा दूर करी शुधी ज़ेता करै तम्हैं छ़ोतलै हुऐ तै। तम्हां लै दैणअ मुंह नऊंअ मन्न अर तम्हां भितरी पाणीं मुंह नऊंईं आत्मां। थारी देही का काढणअ मुंह पात्थरा ज़िहअ काठअ नशूण दिल पोर्ही संघा दैणअ मुंह मास्सो दिल।
"‘मुंह पाणीं तम्हां दी आपणीं आत्मां कि तम्हैं मेरै बधान अर बिधीए साबै ज़िन्दगी ज़िऊए अर तिहअ ई करे ज़िहअ हुंह बोला।
सोभी का ज़रूरी गल्ल आसा एही कि एकी-दुजै संघै करनी झ़ूरी किल्हैकि एता करै हआ तम्हां सोभिओ कठा मेल़-ज़ोल़। सह आसा मसीहा ई थारअ परमेशरा संघै अर एकी-दुजै संघै मेल़-ज़ोल़ करा, थारअ सभाब लोल़ी तिहअ शांती दी रहअ। तम्हैं आसा तेऊ एते ई तैणीं एक देही हणां लै शादै दै। कबल्लै रहा परमेशरो शूकर करदै लागी।
तेऊ आसा सोभी गल्ला लै बगत डाहअ द। तज़ी बी निं हाम्हां मांझ़ै कोहै तेऊए सोभी कामां कधि समझ़ी सकदै, सह पाआ मणछे मन्नैं पिछ़ू हुई-बिति दी गल्ला अर आजू हणैं आल़ी गल्ले बारै सोठ।
संसारे बाबे शोठी, हआ हाम्हां नैरना लै सिधी थोल़ै धैल़ै ज़िहअ तिन्नां आपणैं साबै ठीक लागा, पर परमेशर च़का म्हारै फाईदे तैणीं हर बगत शोठी ताकि सह हाम्हां इहै पबित्र करे ज़िहअ सह पबित्र आसा। ज़ेभै हाम्हां सज़ा भेटा सह निं हाम्हां तेभै ठीक लागदी, हाम्हैं हआ तेभै खास्सै दुखी पर तैबी ज़ुंण तेता ज़िरदी-ज़िरदी पाक्कै आसा गऐ दै हई, बादा का भेटा तिन्नां तेतो फल मेल़-ज़ोल़ अर धर्म।
घमंडे खलाफ चतैनगी
तम्हैं ज़ुंण इहअ बोला कि आझ़ या काल्ला काटणी हाम्हां कहा होरी नगरी डेऊई तिधी एक साल होर अर कोई बपार करी खटणै हाम्हां ढब्बै। पर इहअ निं तम्हां का थोघै आथी किई काल्ला किज़ै हणअ? शूणीं, लआ, थारी ज़िन्दगी आसा थोल़ी ज़ेही, तम्हैं, भाफा ज़िहै आसा, ज़ुंण थोल़ी घल़ी, शुझिआ अर तेखअ लूका सह बागरी दी।
असली लोल़ी त तम्हैं एता लै इहअ बोलअ, "ज़ै प्रभू च़ाहे तै रहणैं हाम्हैं ज़िऊंदै अर अह काम बी हेरनअ हाम्हां करी।" पर ऐबै करा तम्हैं आपणीं काल्ला धैल़ीए बारै सेखी मारी करै घमंड, इहअ घमंड करनअ हआ पाप।
तैही ज़ुंण भलाई करनअ ज़ाणा अर तेता नांईं करदअ, तेऊ लै आसा अह पाप।