Arca da aliança

वाचा की पेटी

10 बबूल की लकड़ी को एक पेटी बनायो जाये; ओकि लम्बाइ ढाइ हाथ, अरु चौड़ाइ अरु उचाइ डेढ़-डेढ़ हाथ की होनु. 11 अरु ओखे शुद्ध सोन्ना से भीतर अरु बाहर मढ़वानु, अरु पेटी का उपर चारी तरप सोन्ना की पट्टी बनानु. 12 अरु सोन्ना का चार कडा ढली खे ओका चारी पायो पर, एक तरप दो कडा अरु दूसरा तरप भी दो कडा लगवानु. 13 फेर बबूल की लकड़ी का डंडा बनवानु, अरु उनखे भी सोन्ना से बनानु. 14 अरु डंडाहोन खे पेटी का दोही तरप का कडा में डालनु जेकासे ओका सारा से पेटी उठइ जाये. 15 वे डंडा पेटी का कडा में लग्या रिह्ये; अरु ओकासे अलग नी कर्यो जाये. 16 अरु जो साक्षीपत्र मी तोखे दियु ओखे उ पेटी में रखनु.

17 "फेर शुद्ध सोन्ना को एक प्रायश्चित को ढक्कन बनानु; ओकी लम्बाइ ढाइ हाथ, अरु चौड़ाइ डेढ़ हाथ की हुये. 18 अरु सोन्नो ढालिखे दो पंख धारी जिव बन्यखे प्रायश्चित को करुब को ढकन खे दोही माथा पर लगवानु. 19 एक करुब *तो एक माथा पर अरु दूसरो करुब दूसरा माथा पर लगवानु; अरु करुबहोन खे अरु प्रायश्चित का ढकन खे ओका ही टुकडा से बनइखे ओका दोही माथा पर लगवानु. 20 अरु वे करुबहोन का पंख उपर से असा फैल्या हुया बन्या कि प्रायश्चित को ढकन ओकासे झाक्यो रिह्ये, अरु उनको मुडो आमने-सामने अरु प्रायश्चित का ढकन का तरप रिह्ये. 21 अरु प्रायश्चित का ढकन खे पेटी का उपर लगवानु; अरु जो साक्षीपत्र मी तोखे दियु ओखे पेटी का भीतर रखनु.

22 अरु मी ओका उपर रिहीखे तरा से मिल्यो क्यु; अरु इस्राएलिहोन का लिये जेत्ती आज्ञा तोखे देनू हुये, वे सब का विषय मी प्रायश्चित का ढकन का उपर से अरु वे करुबहोन का बीच में से, जो साक्षीपत्र का पेटी पर हुये, तराह से बात चित करतो जायु."

वाचा की पेटी बनायो जानो

1 फेर बसलेल ने बबूल की लकड़ी की पेटी बनइ; ओकी लम्बाइ ढाइ हाथ, चौड़ाइ डेढ़ हाथ, अरु उचाइ डेढ़ हाथ की थी.

निवास स्थान अरु ओको सर्मपन

1 फेर यहोवा ने मूसा से बोल्यो, 2 पैला महीना का पैला दिन खे तू मिलापवालो तम्बू खे रेन खे खडो करी देनु. 3 अरु ओमे साक्षीपत्र की पेटी खे रखीखे बीचाला परदा की आड में करि देनु.

20 अरु ओने साक्षीपत्र को लेकर पेटी में रखी, अरु पेटी में डंडों को लगाखे ओका उपर प्रायश्चित खे ढकने को रख दिया; 21 अरु ओने पेटी को निवास में पहुँचवाया, अरु बीचवाले पर्दे को लटकवा खे साक्षीपत्र खे पेटी को ओका अन्दर किया; जिस प्रकार यहोवा ने मूसा को आज्ञा दी थी.

सांसारीक अरु स्‍वर्गीय उपासना

1 वा परइली वाचा मे भी उपास करण को नीयम थो, तथा एक पवित्र जगा थी. 2 क्युकि एक झोपडि खडी करी गय थी, पैयले खोलि मे दिवो अरु मेज खे अरु जेका पर दान की रोटीहोन थी. अरु वा पवित्र जगा कैलातो थो. 3 दूसरा परदा का पीछे एक अरु झोपडि थी, जो परम पवित्र जगा बोल्यो जातो थो. 4 येमे सुगंधित धूपदानी का लिये सोन्ना की वेदी अरु सोन्ना से मड्यो हुयो वाचा को सन्दूक मे सोन्ना को बन्यो मन्ना को पात्र थो, अरु हारुन की वा लकडी जेमे अंकुर उगायो थो तथा दो पत्थर जेका पर आज्ञाहोन लिखी हुइ थी था. 5 ओका उपर दो तेजमय करुब था, जो प्रायश्चित का झाकना पर छाय कर्या हुया था. इन का एक-एक करीखे वर्णन करण को अवसर नी हइ.

19 तब परमेश्वर कि मन्‍दिर स्वर्ग मे हइ,व्हा खोल्यो गयो,अरु वोकि मन्‍दिर मे उनकी वाचा को संदूक दिखाय दियो; बिजलीहोन अरु आवाज अरु गर्जन अरु भुकम्प हुयो अरु बडी गार गिऱ्यो.