Arca da aliança
A Arca da Aliança era o símbolo mais sagrado de Israel — representava a presença de Deus no meio do seu povo. Sobre ela brilhava a glória do Senhor entre os querubins.
ରାଜିନାମା ବାକ୍ସା
"ଇନ୍କୁ ମିଆଁଦ୍ ବାବୁଲ୍ ଦାରୁରାଃ ରାଜିନାମା ବାକ୍ସା ବାଇୟେକାକ, ଏନାରାଃ ଜିଲିଙ୍ଗ୍ ବାର୍ ମୁକା ମିଦ୍ ବିତା, ଚାକାର୍ ମିଦ୍ ମୁକା ମିଦ୍ ବିତା ଓଡ଼ୋଃ ସାଲାଙ୍ଗି ମିଦ୍ ମୁକା ମିଦ୍ ବିତା ତାଇନ୍କା। ଓଡ଼ୋଃ ଏନାରେୟାଃ ଭିତାର୍ ଓଡ଼ୋଃ ବାହାରିରେ ଫାର୍ଚି ସୋନାତେ ଜଲମେମେ ଓଡ଼ୋଃ ଏନାରେୟାଃ ଚେତାନ୍ ସାଃ ରାଃ ଗେନା ଗେନା ଚାରିଓସାଃରେ ସୋନାତେ ସିଙ୍ଗାର୍ ବିୟୁର୍ରେମେ। ସୋନାରେୟାଃ ଉପୁନିୟାଠୁ ଗଅଃ ତେୟାଃ ଉପୁନିୟା କାଟା ନାଙ୍ଗ୍ ବାଇୟେମେ ଓଡ଼ୋଃ ବାରାନ୍ସାଃ ବାରିୟା ଲେକା ଗଅଃ ତେୟାଃ ତାଇନ୍କା। ଓଡ଼ୋଃ ବାବୁଲ୍ ଦାରୁରେୟାଃ ବାରିୟା ଆଡା ବାଇୟେମେ ଓଡ଼ୋଃ ସୋନାତେ ହାରୁବେମେ। ଓଡ଼ୋଃ ବାକାସ୍କେ ଗଅଃ ନାଗେନ୍ତେ ବାକାସ୍ରାଃ ବାରାନ୍ସାଃ ଗୋଲ୍ଗି ଲାଗାଅକାନ୍ ତେୟାଃରେଗି ଗଅଃତେୟାଃ ତୁସିଙ୍ଗ୍ତାମେ। ଏନ୍ ଗଅଃତେୟାଃ ବାକାସ୍ରାଃ ଲାଗାଅକାନ୍ ଗୋଲ୍ ତେୟାଃରେ ତୁସିଙ୍ଗ୍ ତାଇନ୍କା ଏନାକେ ଆଲମ୍ ରାଡ଼ାଏୟା। ଓଡ଼ୋଃ ଆଇଙ୍ଗ୍ ଆମ୍କେ ଆଚୁକାନ୍ ଅକ ଅନଲ୍ ଏମାମେୟାଇଙ୍ଗ୍ ଏନାକେ ବାକାସ୍ରେ ଦହେମେ।
"ଆମ୍ ଫାର୍ଚି ସୋନାରାଃ ପାପ୍ ଛାମା ହାରୁବ୍ ବାଇୟେମେ ଏନାରାଃ ଜିଲିଙ୍ଗ୍ ବାର୍ ମୁକା ମିଦ୍ ବିତା ଓଡ଼ୋଃ ଚାକାର୍ ମିଦ୍ ମୁକା ମିଦ୍ ବିତା ତାଇନ୍କା। ଆମ୍ ସୋନାରାଃ ବାରିଆ କିରୁବ୍ ବାଇକିନ୍ମେ, ଏନା ମାର୍ତୁଲ୍ଲଃ ଦାଲ୍କେଦ୍ତେ ବାଇୟେମେ ଓଡ଼ୋଃ ପାପ୍ ହାରୁବ୍ରେୟାଃ ବାରାନ୍ସାଃରେ ଦହକିନ୍ମେ। ମିଆଁଦ୍ କିରୁବ୍କେ ନେ ଟୁଣ୍ଡୁରେ ଓଡ଼ୋଃ ଏଟାଃ କିରୁବ୍କେ ହାନ୍ ଟୁଣ୍ଡୁରେ ଦହକିନ୍ମେ, ବାରାନ୍ କିରୁବ୍କିନ୍କେ ପାପ୍ ହାରୁବ୍ରେୟାଃ ବାରାନ୍ସାଃରେ ଦହକିନ୍ମେ। ଓଡ଼ୋଃ କିରୁବ୍କିନାଃ ଆପ୍ରବ୍ ଚେତାନ୍ କେଦ୍ତେ ପାପ୍ ହାରୁବ୍ରେ ତାଇନ୍କା, କିରୁବ୍କିନାଃ ମେଦ୍ ମୁହାଡ଼୍ ପାପ୍ ହାରୁବ୍ସାଃରେ ତାଇନ୍କା। ଆମ୍ ନିୟାମ୍ ବାକାସ୍ ଚେତାନ୍ରେ ପାପ୍ ହାରୁବ୍ ଦହେମେ ଓଡ଼ୋଃ ଆମ୍କେ ଆଚୁକାନ୍ ଅକ ନିୟାମ୍ ଅନଲ୍ ଏମାମେୟାଇଙ୍ଗ୍ ଏନା, ଏନ୍ ନିୟାମ୍ ବାକାସ୍ ଭିତାର୍ରେ ଦହେମେ।
ଓଡ଼ୋଃ ଆଇଙ୍ଗ୍ ଆମାଲଃ ଏନ୍ ଠାୟାଦ୍ରେଇଙ୍ଗ୍ ନେପେଲା ଓଡ଼ୋଃ ନିୟାମ୍ ବାକାସ୍ରାଃ ଚେତାନ୍ରେ ତାଇନ୍କାନ୍ କିରୁବ୍କିନାଃ ଥାଲା ହେତେ ଆମାଃଲଃ ଜାଗାରେୟାଇଙ୍ଗ୍ ଓଡ଼ୋଃ ଇସ୍ରାଏଲ୍ ହନ୍କଆଃ ବିଷାଏରେ ଆଇଁୟାଃ ସବେନ୍ ଆନ୍ଚୁ ଉଦୁବାମେୟାଇଙ୍ଗ୍।
ରାଜିନାମା ବାକ୍ସା ବାଇ
ଏନ୍ତେ ବାସ୍ଲେଲ୍ ମିଆଦ୍ ବାବୁଲ୍ ଦାରୁରାଃ ରାଜିନାମା ବାକ୍ସା ବାଇକେଦା, ଏନାରାଃ ଜିଲିଙ୍ଗ୍ ବାର୍ ମୁକା ମିଦ୍ ବିତା ଓଡ଼ୋଃ ଚାକାର୍ ମିଦ୍ ମୁକା ମିଦ୍ ବିତା ଓଡ଼ୋଃ ସାଲାଙ୍ଗି ମିଦ୍ ମୁକା ମିଦ୍ ବିତା ତାଇନ୍କା।
ନେପେଲ୍ କୁମ୍ବା ବାଇ ଓଡ଼ୋଃ ଆଭିଷେକ୍
ପ୍ରାଭୁ ମୁଶାକେ କାଜିକିୟା, "ଆମ୍ ମାହିନାରାଃ ସିଦା ହୁଲାଙ୍ଗ୍ରେ ନେପେଲ୍ କୁମ୍ବା ବାଇମେ।" ଏନାରେ ରାଜିନାମା ବାକ୍ସା ଦହକେଦ୍ତେ ଦାନାଙ୍ଗ୍ ଲିଜାଃକେ ହାରୁବ୍ ନାଗେନ୍ତେ ଏନାରାଃ ଆୟାର୍ରେ ହାକାତାମ୍।
ଏନ୍ତେ ଇନିଃ ଦିରିରେୟାଃ ରାଜିନାମା ବାକ୍ସା ଭିତାର୍ରେ ଦହକେଦା ଓଡ଼ୋଃ ବାକ୍ସାରେ ବାହାରମ୍ ତୁସିଙ୍ଗ୍କେଦ୍ତେ ଛାମା ହାରୁବ୍ ଚେତାନ୍ରେ ଦହକେଦା। ଏନ୍ତେ ମୁଶା ପ୍ରାଭୁଆଃ ଆଚୁଲେକା ବାକ୍ସାକେ କୁମ୍ବା ଭିତାର୍ ଆଉକେଦା ଓଡ଼ୋଃ ଏନାକେ ଉକୁ ନାଗେନ୍ତେ ଦାନାଙ୍ଗ୍ ଲିଜାଃଲଃ ଅନଲ୍ ବାକ୍ସାକେ ଦାନାଙ୍ଗ୍କେଦା।
ଅତେଦିଶୁମ୍ ଆଡଃ ସିର୍ମାରେୟାଃ ସେୱା
ସିଦା ନିୟାମ୍ରେୟ ସେୱା ବିଷାଏରେ ଚିମିନ୍ ନିୟାମ୍ କାନୁନ୍କ ବାଇୟାକାନ୍ ତାଇକେନା ଆଡଃ ଅତେରେ ମିଆଁଦ୍ ପାବିତାର୍ ଠାୟାଦ୍ ତାଇକେନା । ଏନ୍ଲେକାଗି ମିଆଁଦ୍ ସେୱାରେୟାଃ କୁମ୍ବା ବାଇୟାକାନ୍ ତାଇକେନା । ଏନାରେ ତାଇକାନ୍ ପାହିଲା ହିସାରେ ଦିଆ ଦହ ଖୁଣ୍ଟୁ, ମିଆଁଦ୍ ଟେବୁଲ୍ ଆଡଃ ଟେବୁଲ୍ ଚେତାନ୍ରେ ପାର୍ମେଶ୍ୱାର୍କେ ଏମାକାନ୍ ହଲଙ୍ଗ୍ ତାଇକେନା । ଏନାକେ ପୁରାଃ ପାବିତାର୍ ଠାୟାଦ୍ ମେନ୍ତେ କାଜିୟାଃକ । କୁମ୍ବାରେୟାଃ ପାବିତାର୍ ଠାୟାଦ୍ତାଃରେ ହାନାଟିଙ୍ଗ୍ ଦାନାଙ୍ଗ୍ଲିଜାଃରାଃ ତାୟମ୍ରେ ଅକନ୍ ଠାୟାଦ୍ ମେନାଃ, ଏନାକେ ପୁରାଃ ପାବିତାର୍ ଠାୟାଦ୍ ମେନ୍ତେକ କାଜିୟାଃ । ଏନ୍ତାଃରେ ମିଆଁଦ୍ ବୁଗିନ୍ ସହାନ୍ ନାଙ୍ଗ୍ ଧୁଆନ୍ ଉରୁବେତେୟାଃ ସୋନାରେୟାଃ ଆଡଃ ଉପୁନ୍ସାଃରେ ସୋନାତେ ଦାପାଲାକାନ୍ "ରାଜିନାମାରାଃ ବାକ୍ସା" ତାଇକେନା । ଏନ୍ ବାକ୍ସା ଭିତାର୍ରେ "ମାନ୍ନା" ଦହାକାନ୍ ସୋନାରେୟାଃ ମିଆଁଦ୍ ତାସ୍ଙ୍ଗି ତାଇକେନା, ହାରୁନ୍ଆଃ ସୁଡ଼ାକାନ୍ ମିଆଁଦ୍ ସଟା ଆଡଃ ପାର୍ମେଶ୍ୱାର୍ଆଃ ଆନ୍ଚୁ ଅଲାକାନ୍ ବାରିଆ ଚାକାର୍ ଦିରି ତାଇକେନା । ବାକ୍ସା ଚେତାନ୍ରେ ପାର୍ମେଶ୍ୱାର୍ ମେନାଇୟା ମେନ୍ତେ ଉଦୁବେତାନ୍ ମାନାରାଙ୍ଗ୍ରେନ୍ ବାରିଆ ଆପ୍ରବ୍ ତାଇକେନ୍ କିରୁବ୍ଦୁଁତ୍କିନ୍ ତାଇକେନା । ଇନ୍କିନ୍ ପାପ୍ ଛାମା ଠାୟାଦ୍ ଚେତାନ୍ରେ ଆପ୍ରବ୍ ଚାକାର୍କେଦ୍ତେ ତାଇକେନାକିନ୍, ମେନ୍ଦ ନେ ସବେନାଃରାଃ ସାର୍ତିକାଜି ମିମିଆଦ୍ତେ ଉଦୁବ୍ କା ଲାଗାତିଙ୍ଗ୍ୟାଁଃ ।
ସିର୍ମାରେ ତାଇନଃତାନ୍ ପାର୍ମେଶ୍ୱାର୍ଆଃ ମାନ୍ଦିର୍ ନିଜ୍ୟାନା ଆଡଃ ମାନ୍ଦିର୍ ଭିତାର୍ରେ ରାଜିନାମାରେୟାଃ ବାକ୍ସା ନେଲଃୟାନା । ଏନ୍ତେ ରିମିଲ୍ ହିଚିର୍କେଦାଏ, ଠେର୍କେଦାଏ, ଅତେ ଏକ୍ଲାଅୟାନା ଆଡଃ ପୁରାଃଗି ଆରିଲ୍ ଉୟୁଃୟାନା ।