Arca de noé
A arca de Noé é história de salvação e fidelidade. Deus instruiu Noé a construir a arca para salvar sua família e os animais do dilúvio — exemplo supremo de obediência e fé.
Yɛ ɛ́ dum nɛ ɛdum koŋ nɛ Zɛɛb ɛ, Noe nagwak sa Zɛɛb nalɛɛ nyɛ, dum nɛ sa nadi náá yɛ aasael ɛ. Ye nabɛ ɛ́, bot dinaa ààbee sa tak. Nyɛ naadyeebawa lyem tɔ etɛp ee Zɛɛb nalɛɛ nyɛ ɛ. Nyɛy batasa mɛsuwa mɛ nyɛ natsik nyel’ɛ met nɛ bot ɛ mɛbyel mɛ ɛ. É sok nyɛ nasa deenek ɛ́, ye nabɛ ɛ́, nyɛ naakwyesal bot djas ndjɛ sɔs. É di’enek, dum nɛ ɛdum ɛ koŋ ɛ lɛ nɛ Zɛɛb, Zɛɛb naabee nyɛ dáa mot epiki.
É ghɛŋ na mwa, yɛ ɛ́ bot binɔk wat ɛ nadi ààlooba nɛ Zɛɛb, é ghɛŋ Zɛɛb nadi emaad tɔ bhwood ɛ, é ɛwala ɛ mot nɛ din Noe nadi esa boo mɛsuwa ɛ. Yɛ ɛ́ ba bim bot ɛ nani tɔ mɛsuwa mɛ tak. Yɛ ɛ́ bot ɛtɛn nɛ elɛl ɛ natsak é bhyoŋ. Tin, mɛdii mɛ bhyoŋ tak kalyaal mos ɛ, ɛduwa Zɛɛb di etsik bin ɛ. Ɛduwa Zɛɛb tak tok étɛp ɛdis mendi di é mɛnyel men ɛ. Yɛ ɛ́ étɛp ɛwaab nɛ Zɛɛb náá, nyɛ sa náá, mena di nɛ elyem sɛŋ. Yɛ ɛ́ kɔ ɛsu ɛ Yezu Klisto mot naagomelaa pak myoŋ ɔ, ɛduwa Zɛɛb di edjɛ mena tsik. Bhii tak, nyɛ naabyet tɔ́ tɔ gwoo, nyɛ ɛ́ moo mos ɛ́ ndiindel pɛ mbɔ eghɛŋ ɛ Zɛɛb. Nenak, efofop nɛ esisim, dɔɔ nɛ ghwyil mɛbwala di tɔ gwoo ɛ, bɛ ɛ́ si ghwyil’ɛ.
Ɛbula ɛ Sɛɛŋɛlɛ Mɔn Mot aadi ɛ́, dáa sa nasael é ghɛŋ ɛ Noe ɛ. Etɛɛ náá, é ghɛŋ tak, ɛsok nɛ boo bhyoŋ nɛ zyɛ, bot nadi ɛ́, tɔ mɛmyaala, edɛ edee, edɛ mɛnyok, eba boa, ekyeed mɛsyes mɔɔ é mɛba, kɛkum dwoo Noe nani tɔ mɛsuwa ɛ. Bot nabɛ ɛ́ ààbis, kɛkum dwoo boo bhyoŋ nazɛsilal bɔɔ djas na bhɛɛɛ ɛ. Yɛ aabaadi ɛ́, deenek dwoo Sɛɛŋɛlɛ Mɔn Mot aabula ɛ. É ghɛŋ tak ɛ́ di náá, bot ɛbá ɛ́ waadi tɔ pyeeb, ngɔt ɛ́ waanɔŋaa, nwyak ngɔt ɛ́ waalik. Boa ɛbá ɛ́ waadi edum bhum tɔ bwak wat, ngɔt ɛ́ waanɔŋaa, nwyak ngɔt ɛ́ waalik.