7 Ni inɔɔk atsak ye fi i sak aNuhu kin di fok itabak Adakunom naton nkyɔrɔk fi in resek dang te. A fok ifɛ̀ Adakunom, a di nok kukyɛ ashi fɛ́ a di sheshek bafɛ́ ari wu. Anɔng e wu i sak ba di tsɛɛt kazatse ishɔt, wat iwu di sot afi iya itekari, afi kusot tabat fi ines ni inɔɔk atsak.

20 fɛ́ na kin ra na ifok ifɛ̀ neme fɛ́ Adakunom kin woso tot na akabɔk ni nnom aNuhu na ba tsin nye kukyɛ ashi me. Ni ko banet gyeet, nkara kyɛk, fɛ́ ba kin hwyet ayɛt ashi me, 21 ashi me nang yet nawu abatisma fɛ́ a tsin ki sheshek yin bá, da ifi turung arik ni rɔm awo, tit ifi kushi inabak kuyiring kutek sak na Adakunom. I ki sheshek yin ni irèn idorok ifaben aYeso Kristi. 22 Iwu fɛ́ a mi ngarak sak azanɛn, a se ni bɔk iyak Adakunom, nɛ batomaza, nɛ bafi kukyem, nɛ bafi agap fɛ́ ba se aben ni wu.

37 Kpaf ti fi i kin te ni izen aNuhu, kubun Arim Anet yɔng ku bi se kpaf anɔng. 38 Nek ni izen aNuhu me, dang ashi abes e na a bɛ́, ba se ni iyas ni isɔ, bamatek se ni ira nweneng, na ba nesek bangas ni nweneng sak atuk fɛ́ aNuhu di nɔ ayɛt kukyɛ ashi me. 39 Iba kin rēn ikyɛng fi i tsin tseng awo, ashi abes e bɛ́ a ka ba ya ngma kusum. I bi se anɔng, ni izen fɛ́ Arim Anet bi bɛ̀. 40 Banet bafaa bi se ni ikɔ; ba bi sok azining, na ba won azining. 41 Banyining bafaa bi se ni ku kɔɔ; ba bi sok azining, na ba won azining.