Arca de noé
A arca de Noé é história de salvação e fidelidade. Deus instruiu Noé a construir a arca para salvar sua família e os animais do dilúvio — exemplo supremo de obediência e fé.
विश्वासेसे नोआ नाउँ रहल मनैया कबु नै देख्लक सैलाबके बारेमे परमेश्वरसे चेतावनी भेटाके हुँकार आज्ञा पालन करके अपन परिवारहे बँचाइक लग पानी जहाज बनाइल। और परमेश्वरहे नोअक विश्वास करनासे आघे, औरे विश्वास नै करुइया मनै दोषी ठहरगिलाँ और ओइने डुबके मुगिलाँ। और नोअक विश्वासके कारण परमेश्वर उहिहे धर्मी घोषणा करलाँ।
यने वहे आत्मा रहिँत, जेने बहुत समय पहिले परमेश्वरके आज्ञा पालन नै करलाँ। जब नोआ अपन पानी जहाज बनाइतेहे, तब मनै अपन पाप करना छोरके परमेश्वरके ओहोँर घुमके अइथाँ कि कहिके परमेश्वर धिरजतासे ओइन्के आसरा हेरतिहिँत। पर आठ जाने किल उ डरलग्तिक सैलाबसे बँचागिलाँ। जब हम्रे डुब्कि लेथी तब पुरान समयमे ओइन्के मुक्ति अब्बे हमार मुक्तिक एकथो उदाहरण हो। हमार डुब्कि लेना पानी हमार शरीरमेसे फुहर नै हटाइत। पर ओकर संकेत यी हो कि हम्रे परमेश्वरसे माफी मंग्ले बती, ताकि हमार मन आबसे ना घब्राए। हम्रे माफी भेटाई सेक्थी, काकरेकी येशू ख्रीष्ट मुअलमेसे फेनदोस्रे जित्ती होगिलाँ।
और ऊ स्वर्गमे चलगिलाँ। आब ऊ वहाँ परमेश्वरके दाहिन पाँजर सक्कुहुनसे खास ठाउँमे बैठल बताँ। और ऊ सक्कु स्वर्गदूत और सक्कु अधिकारीनके और शक्तिहुँक्रिहिनके उप्पर राज करथाँ।
जब मै, मनैयक छावा अइम, तब असिन हुई जसिके नोअक समयमे हुइल रहे। काकरेकी जसिके जलप्रलयसे आघे नोआ जहाजमे पैँठ्ना दिनसम, मनै खाइतिहिँत, पिअतिहिँत और भोजव्यहा करतिहिँत। तब् जलप्रलय आके ओइन् सक्कुहुनहे स्वात्तै नै पुहाइतसम ओइने पतै नै पैलाँ। मै, मनैयक छावक आगमन फेन ओस्तेके हुई। उ समयमे दुई जाने खेट्वामे रहिहीँ, एकथो लैजाजाई, दोसुर छोरजाजाई। दुईथो जन्नी मनै चकिया पिसे भिरल रहिहीँ, एकथो लैजाजाई, दोसुर छोरजाजाई।