Arca de noé
A arca de Noé é história de salvação e fidelidade. Deus instruiu Noé a construir a arca para salvar sua família e os animais do dilúvio — exemplo supremo de obediência e fé.
ሄሳ ግሾ፥ ፆሳይ ኖሄ ሀይሳዳ ያግድ ኪትስ፤ "ታኒ አሳ ኡባ ይሳና ሀናይስ። ኤንታ ጋሶን ቢታይ ጌላተን ኩምዳ ግሾ፥ አሰ ቢታፈ ይሳና። ሄሳ ግሾ፥ ምኖ ምፈ ነዉ ማርካበ ኬፃ። ሄ ማርካብያ ግዶን ዳሮ ቆልአታ ከሳ። ያታዳ ሶራነ ካረራ ማደ መላባን ሜሻ። ኖሄ ማርካበያ ማርካብያ ሀይሳዳ ያታዳ ኬፃ፤ አዱሳተ 300 ዋ፥ ጎምፓ 50 ዋ፥ ጌሳ 30 ዋ ኦ። ማርካብያስ ካራ መ፤ ካራፐነ ጎዳፐ ግዶን እስ ዋ ግድያ በሲ ዶያ አጋ። ፐንግያ ማርካብያስ ምየ ባጋራ ከሳ፤ ማርካብያ ሄ ፖቀ ከሳዳ ኬፃ።
ሄሳፈ ጉየ ጎዳይ ኖሄ ሀይሳዳ ያግስ፤ "ኔኒ ነ ሶ አሳ ኡባራ ማርካብያ ግዶ ገላ። ሀ ዎድያ የለተ ግዶን ታ ሸንያ ፖልዳይ ነ ፃላላ ግድዳይሳ በአስ።
ኖሄይ፥ እያ አደ ናይት፥ እያ ማችያነ እያ ናይታ ማቸት ዮ ሃፈ አታናዉ ማርካብያ ግዶ ገልዶሶና። ቱና ግዶና መሄፐነ ዶአፐ፥ ቱና መሄፐነ ዶአፐ ካፎታፐነ ቢታራ ጎሸተይሳታ ኡባፈ ፆሳይ ኖሄ ኪትዳይሳዳ አደነ ማጫስ ናምአ ናምአ ግድድ፥ ኖሄኮ ማርካብያ ግዶ ገልዶሶና። ላፑን ጋላሳፐ ጉየ፥ ዮ ሃይ ሀ ሳአ ቦላ ይስ።
ፆሳይ ኖሄ ኪትዳይሳዳ፥ መተ ኡባፈ አደነ ማጫ ግድድ ማርካብያ ግዶ ገልን ኖሄፐ ጉየራ ጎዳይ ማርካብያ ፐንግያ ጎርድስ።
ዮ ሃይ ኦይታሙ ጋላስ ሳአ ቦላ ቡክሸ ደእስ። ሃይ ዳርድ ማርካብያ ቢታፈ ፑደ ደንስ። ሃይ ቢታ ቦላ ኬህ ዳርን፥ ማርካበይ ሃ ቦላ ቶከትስ።
ሳአ ቦላ ደኦይ ደእያ ኡባይ፥ አሳይ፥ መሄይ፥ ዶአይነ ሳሎ ካፎት ኡባይካ ሳአፐ ቁሸትዶሶና። ኖሄይነ እያራ ማርካብያ ግዶን ደኤይሳታ ፃላል አትዶሶና።
ያንን፥ ሃይ ፄታነ እሻታሙ ጋላስ ጋካናዉ ዎ ዎ ብስ። ሃይ ዎን ላፑን አጌናን፥ ታማነ ላፑን ጋላሳን ማርካበይ አራራተ ዙማታ ቦላ ኡትስ።
ኦይታሙ ጋላሳፐ ጉየ፥ ኖሄይ ባ ኬፅዳ ማርካብያ ማስኮትያ ዶይድ እስ ቁሮ ካረ የድን ቁሮይ ሃይ ቢታ ቦላፈ መላና ጋካናስ፥ ያነ ሃነ ፕራሸ ጋምእስ። ቃስ ኖሄይ ሃይ ቢታ ቦላፈ ዎ ዉርዳኮ በአናዉ እስ ሆለ ካረ የድስ። ሽን ሄ ሆልያ ሃይ ቢታ ኡባ ቦላ ሀእካ ደእያ ግሾ፥ ሸምፕያ በሲ ደማቡኩ። ሄሳ ግሾ ስማዳ፥ ማርካብያኮ ይን፥ ኖሄይ ባ ኩሽያ የድድ፥ ባኮ ማርካብያ ግዶ ኤክስ።
ሄሳፈ ጉየ፥ ላፑን ጋላስ ጋምእድ፥ ሆልዉ ዛሪድ የድስ። ሄ ሆልያ ሳእ ኦማርስያ ዎደ እያኮ ስማዳ ያሸ ሻማሆ አጫፐ ዱዳ እርፃ ሀይ ባ ዶናን ሳፃ ኤካዳ ያሱ። ያትን፥ ሃይ ቢታ ቦላፈ ዎዳይሳ ኖሄይ ኤርስ። ቃስ ኖሄይ ሀራ ላፑን ጋላስ ጋምእድ፥ ሄ ሆልዉ ዛሪድ የድስ። ሽን ሄ ሆልያ እያኮ ስማዳ ያቡኩ።
ኖሄይ ኡሱፑን ፄታነ እስ ላይ ደእን፥ ኮይሮ አጌናን ኮይሮ ጋላስ፥ ሃይ ቢታ ቦላፈ ፅዝእስ። ኖሄይ ማርካብያ ካማ ቃር ፄልድ፥ ቢታይ ፅዝእዳይሳ በእስ።
ፆሳይ ሄ ዎደ ኖሄ ሀይሳዳ ያግድ ኪትስ፤ "ኔኒ፥ ነ ማችዉ፥ ነ አደ ናይታነ ነ ናይታ ማቸታ ኤካዳ ማርካብያ ግዶፈ ከያ። ኤንቲ የለትድ፥ ዳራና መላ ደኦይ ደእያ መተ ኡባፈ ኔራ ደኤይሳታ ካፎታ፥ መሄታ፥ ዶአታነ ቢታራ ጎሸትያ ኡባ ኔራ ከሳ" ያግስ።
ሄሳፈ ጉየ፥ ፆሳይ ኖሄነ እያራ ደእያ እያ አደ ናይታ ሀይሳዳ ያግስ፤ "ህዛ፥ ታኒ ታ ጫቁዋ ህንተራ፥ ህንተ ሼሻራነ ደኦይ ደእያ መተ ኡባራ ጫቃይስ። ታኒ ታ ጫቁዋ ካፎታራ፥ መህያራ፥ ሳአ ዶአ ኡባራነ፥ ማርካብያፐ ህንተራ ከይዳ፥ ደኦይ ደእያ መተ ኡባራ ጫቃይስ። ታኒ ህንተራ ጫቅዳይሳ መላ ህዛፐ ደኦይ ደእያ መተት ዮ ሃን ዮኮና፤ ሀ ሳኣካ ዛር ዮ ሃ ይሰና" ያግስ።
ታኒ ታ ዙላ ሻራን ኤሳስ። እ ታፐነ ሳአ ቦላ ደእያ መተ ግዶን ደእያ ጫቁዋስ ማላ ግዳና።
ኖሄይ ቡሮ በንቶናባስ ፆሲ እያዉ ኦድዳ ዎደ ፆሳስ ያይድ፥ ባናነ ባ ሶ አሳ አሻናዉ አማኖን ማርካበ ኬፅስ። ያትድ ባ አማኑዋን አላመ ፕርድድ፥ አማኖን በንትያ ፅሎተ ፆሳፈ ኤክስ።
ኖሄይ ማርካብያ ኬፅያ ዎደ ሄ ሸምፖት ፆሳስ ኪተቶና እፅዶሶና፥ ሽን ፆሳይ ኤንታና ዳንዳእ ጋምእስ። ሆስፑን አሳ ፃላል ማርካብያን ገልድ፥ ዮ ሃፈ አትዶሶና። ሄ ዮ ሃይ ሀእ ህንተና አሽያ ፅንቃተ ሌምሶ ግድስ። ሀ ፅንቃተይ ቦላ ቅታ ሜጮ ግዶናሽን፥ ሎኦ ካሀ ፆሳፈ ኤካናዉ እያ ዎስያ ኦገ ግድድ፥ ክርስቶሳ ደንዱዋ ባጋራ ህንተና አሼስ። እ ሳሎ ብድ ፆሳ ኡሻቻን ኡትድ፥ ኪታንቾታ፥ ማታ አዋታነ ዎልቃማታ ሃሬስ።
አሳ ናኣ ዩሳይ፥ ኖሄ ዎደ ሀንዳይሳ መላ ግዳና። ሄ ዎደ ዮ ሃይ ያናፐ ስን ኖሄይ ማርካብያን ገልዳ ጋላሳ ጋካናዉ፥ አሳይ ምሸነ ኡይሸ፥ ኤክሸነ ገልሸ ጋምእስ። ዮ ሃይ ይድ፥ ኤንታ ኡባ ይሳና ጋካናዉ አኬክቦኮና። አሳ ናኣ ዩሳይካ ሄሳዳ ሀናና።
"ሄ ዎደ ናምኡ አሳት ጋደን ኦና። ኤንታፈ እሶይ ኤከታና፥ ሀንኮይ አታና። ናምኡ ማጫሳት እስፈ ጋጫና። ኤንታፈ እስንያ ኤከታና ሀንክያ አታና።