Arca de noé
A arca de Noé é história de salvação e fidelidade. Deus instruiu Noé a construir a arca para salvar sua família e os animais do dilúvio — exemplo supremo de obediência e fé.
तब परमेश्वर ने नूह से बोल्यो, "सब जनवरहोन खे खत्म करन का सवाल मरा सामने अय गो हइ: क्युकि ओका कारण पृथ्वी उपद्रव से भरी गय हइ, येकालिये मि उन खे समेत खत्म करी डाल्यु. येकालिये तू गोपेर झाड की लक्कड को जहाज बनैय ले, ओमे कोठरीहोन बनानु, अरु अंदर बाहर ओका पर राल लगानु. यो ढंग से तू ओ खे बनानु: जहाज की लम्बाइ चार सौ पचास फिट अरु चौडाइ पंच्चातर फिट, अरु उचाइ पंयतालिस फिट की हो. जहाज मे एक खिडकी बनानु, अरु ओका अठरा इंच उपर से ओकी छत बनानु, अरु जहाज का एक तरफ एक दरवाजो रखनु, अरु जहाज मे पहलो, दूसरो, तीसरो खण्ड बनानु.
पानी को प्रलय
तब परमेश्वर ने नूह से बोल्यो, "तू अपना पुरा घराना समेत जहाज मे जा; क्युकि मेने यो टेम का इन्सानहोन मे से फक्त तो खे अपना नजर मे न्याइ पायो हइ.
नूह अपना बेटाहोन लूगयहोन अरु बहुहोन समेत, जल प्रलय से बचन का लिये जहाज मे गया. शुद्ध अरु अशुद्ध दोय प्रकार का जनवरहोन मे से, चिडीहोन, अरु जमीन पर रेंगनआलाहोन मे से भी, दो-दो, अर्थात नर अरु मादो, जहाज मे नूह का पास गया, जो प्रकार परमेश्वर ने नूह खे आज्ञा दी थी. सात दिन का बाद प्रलय को पाणी पृथ्वी पर आन लग्यो.
अरु जो गया, उ परमेश्वर का आज्ञा का अनुसार सब जातहोन का जनवरहोन मे से नर अरु मादो गयो तब परमेश्वर ने जहाज का दवरजा बन्द करी दिया.
पृथ्वी पर चालीस दिन तक जल-प्रलय होतो र्हियो; अरु पाणी भोत बडतो ही गयो, जेमेसे जहाज उपर खे उठन लग्यो, अरु उ पृथ्वी पर से उचो उठी गयो. जल बढ़ते-बढ़ते पृथ्वी पर भोत ही बडी गयो, अरु जहाज पाणी का उपर-उपर तैरतो र्हियो.
अरु का इन्सान, का जनवर, का रेंगनआला जन्तु, का बद्दल का चिडी, जो-जो जमीन पर था, सब पृथ्वी पर से खतम कर्यो गयो; फक्त नूह, अरु जेत्ता उनका संग जहाज मे था, वे ही बची गया.
अरु एक सौ पचास दिन का बाद पाणी पृथ्वी पर से लगातार घटन लग्यो. सातवा महीना का सत्रावा दिन खे, जहाज अरारात नामको पहाड पर अटकि गयो.
फिर असो हुयो कि चालीस दिन का बाद नूह ने अपनो बनायो हुयो जहाज की खिडकी खे खोली खे. एक कौवो उडय दियो; जब तक पाणी पृथ्वी पर से सुखी नी गयो, तब तक कौवो इधर उधर फिरतो र्हियो. फिर नूह ने अपना पास से एक कबूतरी खे भी उडय दियो कि पाणी जमीन से घटी गयो कि नी. वा कबूतरी खे अपनो पाय टेकन का लिये कोय आधार नी मिल्यो, ते वा ओका पास जहाज मे पल्टी अय; क्युकि पुरी पृथ्वी का उपर पाणी ही पाणी छायो थो तब ओने हाथ बडैइ खे ओ खे अपना पास जहाज मे लियो. तब अरु सात दिन अरु कि खे फिर ठैइरी खे, ओने उय कबूतरी खे जहाज मे से फिर उडय दि. अरु कबूतरी संजा का टेम ओका पास अय गय, ते का देख्यो कि ओकी चोच मे जैतून को एक नयो पत्तो हइ: ओका वजेसे नूह ने जानी लियो, कि पाणी पृथ्वी पर घटी गयो हइ. फिर ओने सात दिन अरु ठैइरी खे उय कबूतरी खे उडय दियो; अरु उ ओका पास फिर कभी पल्टी खे नी अय.
नूह की उम्र का छे सौ एक साल का पयला महीना का पयला दिन पाणी पृथ्वी पर से सूखी गयो, तब नूह ने जहाज का छत खोली खे का देख्यो कि धरती सूखी गय हइ.
तब परमेश्वर ने नूह से बोल्यो. "तु अपना लुगेन अरु बेटाहोन अरु बहुहोन समेत जहाज मे से निकली आ. का चिडी, का जनवर, का सब भाँति का रेंगनआला जन्तु जो पृथ्वी पर रेंगस हइ; जेत्ता आंगधारी जीव जन्तु तरा संग हइ, उन सब खे अपना साथ निकाली ले आ कि पृथ्वी पर उनसे भोत बच्चा पैदा हो; अरु वे फूले फले, अरु पृथ्वी पर फैली जानु."
फिर परमेश्वर ने नूह अरु ओका बेटाहोन से बोल्यो. "सुन्नु, मी तुम्हारा साथ अरु तुम्हारा बाद जो तुम्हारो कुल हुये, ओका साथ भी वाचा बाँधुस हइ. अरु सब जिन्दा जनवरहोन से भी जो तुम्हारा संग हइ, का चिडी का घरेलू जनवर, का पृथ्वी का जेत्ता जीवजन्तु जहाज से निकल्या हइ. अरु मी तुम्हारा साथ या वाचा बाधुस हइ कि सब जनवर फिर जल प्रलय से नष्ट नी होनका अरु पृथ्वी खे नष्ट करन का लिय फिर प्रलय नी होनको."
कि मेने बद्दल मे अपनो धनुष रख्यो हइ, उ मरा अरु पृथ्वी का बीच मे वाचा को चिन्ह हुये.
विश्वास हि से नूह ने वा बातहोन का बारे मे जो उ टेम मे देखइ नी दियो थो चेतावनी मीलीगी-भक्ति का साथ अपना घराना का बचाव का लिये डोंगा बनायो, अरु ओका वजेसे ओने जगत खे दोषी ठैरायो अरु उ धर्म को वारिस हुयो जो विश्वास से होस हइ.
यो आत्माहोन हइ जो वा टेम्म मे परमेश्वर की आज्ञा खे मन से नी मानन वाली थी, जब नूह को डोंगा बनायो जय रो थो अरु परमेश्वर धिरज का सात प्रतीक्षा खे र्हियो थो वु डोंगा मे थोडा दुन्या यानेकी आट झन पाणी का वजेसे बची गया. यो बपतिस्मा का जसो हइ जेका से अब तुमारो उध्दार होतो हइ, येमे आंग को मैल धोनु नी जबकी एक अच्छो विवेक का लिये परमेश्वर से कसम हइ, अब तो तुमखे यीशु मसीह को पुनरुत्थान बपतिस्मा का वजेसे बचास हइ. व्हा स्वर्ग पर जय खे परमेश्वर का जवना तरप बठी गो. अरु स्वर्गदूत अरु अधिकारी अरु सामर्थ्य वोका आधीन कर्यो गयो हइ.
जसो नूह को दिन थो, असा मे इन्सान का बेटो को भी आनो हुये. क्युकी जसो पानी-प्रलय से पैयले का दिन मे, जो दिन तक की नूह डोंगा पर नी चढ्यो थो, उ दिन तक दुन्या खाता-पीता था, अरु ओमे भ्याव शादी होस हइ. अरु जब तक जल-प्रलय अयखे वे सब खे बोह्य खे ली गयो, तब तक उनखे कुछ भी मालुम नी थो. असा मे इन्सान का बेटो को भी आनो हुये. उ टेम दो झना खेत मे हुय खे एक खे ली जाये अरु दुसरा खे छोडी दियो जाये. दो बयहोन चक्की पिसती ऱ्ही जाये, एक ली जाये, अरु दुसरी छोडी जाये.