यहेज्केल 26

सोर का विरुध्द मे भविष्यवाणी

1 बारावा साल का ग्यारावा महिना का पहला दिन खे यहोवा को यो वचन मरा पास आयो: 2 हे इन्सान का बच्चा, सोर ने जो यरुशलेम का विषय मे बोल्यो हइ, अहा, अहा! जो देश देश का दुनीयाहोन का फाटक का जसी थी, वा खतम हुइ गइ हइ! ओका उजडी जाना से मी भरपुर हुइ जायु. 3 यो कारण परमेश्वर यहोवा बोलस हइ: हे सोर नगर, देख, मी तरा विरुध्द हइ; अरु असो कर्यु कि बहोत राष्ट तरा विरुध्द उठ्ये जसी समुद्र की लहेर उठस हइ. 4 वे सोर की दीवालहोन खे खतम करी दिये अरु उनका खंम्बाहोन खे गिरइ दिये; मी ओकी मट्टी खे खुरची खे ओखे एक खाली चट्टान बनय दियु. 5 तु समुदंर का बिच मे मच्छवारा होन की जाल सुखान खे असो टापु बनी जाये; क्योकि परमेश्वर यहोवा कि या वाणी हइ, अरु वा का दुन्या से लुटी जाये; 6 अरु ओकि जो बेटिहोन मैदान मे हइ, वे तलवार से मारी जाये. तब वे जानी लिये कि मी यहोवा आय. 7 "क्योकि परमेश्वर यहोवा यो बोलस हइ: देख, मी सोर का विरुध्द राजाहोन को राजो बेबीलोन को राजो नबूकदनेस्सर खे घोडा, रथहोन, सवारहोन, बडी भीड, अरु दल समेत उत्तर दिशा से ली जायु." 8 तरी जो बेटिहोन मैदान मे हइ, उनखे उ तलवार से मार्ये, अरु तरा विरुध्द घेराबंदी कर्ये, अरु तुम्हारी दिवालहोन से ढलान बनाये अरु तुम्हारा विरुध्द अपनो ढाल उठाये. 9 उ तुम्हारा दिवालहोन पर युध्द को यंत्र चलाये अरु अपना हथियारहोन से तुम्हारा खंम्बाहोन खे गिरय दिये. 10 ओका घोडा येत्ता हुये की उनका धुल्ला से तुम झकी जाये. अरु जब वे तरी फाटकहोन मे से घुस्से जसा दुनीया नाकावाला नगर मे घुसस हइ, तब तरी शहर कि दिवाल सवारी छकडो,अरु रथहोन का शब्द से कापी उठ्ये. 11 ओका घोडा का खुरहोन से तुम्हारी सब गल्ली खे रौंदी दिये; उ तुम्हारा दुनीयाहोन खे तलवार से मारी डाल्ये, अरु तुम्हारा मजबुत खंम्बाहोन जमीन पर गीरय दिया जाये. 12 वे तुम्हारो धन संपत्ति अरु व्यापार की चिजहोन खे लुटी लिये; वे तुम्हारी शहर की दिवालहोन खे गिरय दिये अरु तुम्हारा सुंदर घरहोन खे खतम करी दिये अरु तुम्हारा पत्थर, लकडी मकान अरु मट्टी खे पाणी मे फेकी दिये. 13 मी तरा गीतहोन को सुरताल बन्द करी दियु, अरु तरी वीणाहोन को आवाज फिर सुनइ नी देनकी 14 मी तोखे एक खाली पहाड बनइ दियु, अरु तु जाल फैलान की जगह हुइ जाये, अरु फिर बसायो नी जानको; क्योकि मी यहोवा ने ही यो बोल्यो हइ, परमेश्वर यहोवा की या वाणी हइ. 15 "परमेश्वर यहोवा सोर से यो बोलस हइ: तरा गिरना का आवाज से जब घायल दुनीयाहोन चिल्लाये अरु तुम्हारा बिच हत्याहोन हुये.तब का तुमारी टापु कापी नि उठ्ये?" 16 तब समुद्र किनारा का सब राजकुमारहोन सिंहासन से उतर्ये अरु अपना राजकीय पोशाक अरु बूटेदार कपडा उतारिखे थरथराहट का कपडा पेर्ये अरु जमीन पर बठीखे हर पल कांप्ये; अरु तरा कारण विस्मित र्हिये. 17 वे तरा विषय मे वे विलाप को गीत बनाये अरु तरा से बोल्ये,

हाय! मल्लाहो की बसाई हुई हाय!*26:17 हे प्रसिध्द शहर, तुम कैसे नष्ट हो गए, समुद्र किनारा पर तरा मे दुनीया बस्या था,

तुम समुद्र पर एक शक्ति था,

तुम अरु तुम्हारो निवासी; तोने वे सब पर अपनो आतंक फैलायो हइ जो वहा र्हेता था तु कसी कतम हुइ हइ. 18 तरा गिरन का दिन समुद्र किनारो कापी उठ्ये,

अरु तरो जातो र्हेन का कारण समुद्र को किनारो घबरइ जाये.✝26:18 प्रकाशन 18:9; 10 19 "क्योकि परमेश्वर यहोवा यो बोलस हइ: जब मी तुमखे एक उजाड शहर का जसो बनइ दियु, अरु जब मी समुद्र खे तुमारा उपर ली जायु, अरु तु गहरा पाणी मे डुबी जाये. 20 तब मी तुमखे गड्डा मे गिरनआला का साथ नीचे ली जायु, जो बहोत पहले का दुनीयाहोन का पास नीचे गड्डा मे उतारी दियु. मी तुमखे पृथ्वी का नीचे निवास करायु, पुराना जमाना का उजड्या हुया जगह होन का जसो करी दियु, अरु फिर तुम नी बस्ये अरु जिन्दा दुनीयाहोन का देश मे तुम्हारी जगा नी र्हेन की. 21 मी तुम्हारो भयानक रुप से अंत कर्यु अरु तुम्हारो अस्तित्व खतम हुइ जाये. तुमखे खोज्यो तो जाये, पर तुम्हारो फिर कोइ पतो नी चले, प्रभु यहोवा की यो वाणी हइ."