यरुशलेम के दण्ड
1 तब आत्मा ने मेखे उठइ खे यहोवा का भवन का उ दरवाजा का पास ली आयो, जेको मुडो पुर्व दिशा का तरफ हइ, मेने देख्यो की वहा दरवाजा पर पच्चीस इन्सान था, अरु उनका बिच मेने अज्जुर को बेटो याजन्याह खे अरु नबायाह को बेटो पलत्याह खे देख्यो, जो प्रजा को प्रधान थो. 2 तब ओने मरा से बोल्यो, "हे इन्सान का बच्चा, जो यो शहर मे बरो युक्ती करस हइ अरु बुरी सलहा देस हइ, वे ये ही दुनिया हइ. 3 वे बोलस हइ, घर बनान को टेम नी आयो हइ, यो नगर एक बर्तन हइ अरु हम ये मे रख्या मटन हइ. 4 येकालिये हे इन्सान का बच्चा, उनका विरुध्द भविष्यवाणी कर, भविष्यवाणी कर." 5 तब यहोवा की आत्मा मरा पर उतरी, अरु मरा से बोल्यो, असो बोल, यहोवा यो बोलस हइ, हे इस्राएल को कुल, तुम ने असो ही बोल्यो हइ; जो कुछ तुम्हारा मन मे आस हइ, ओखे मी जानुस हइ. 6 तुम ने तो यो नगर मे बहोत दुनियाहोन खे मारी डाल्या हइ अरु ओकी गल्लीहोन लास से भरी दियो हइ. 7 यो कारन प्रभु यहोवा यो बोलस हइ, वे शरीर, जिनखे तुमने वहा फेकी दिया हइ, वे मटन हइ, अरु यो शहर एक बर्तन, पर मी तुमखे यहा से निकाली लियु. 8 तुम तलवार से डरस हइ, अरु तलवार तुम्हारा विरुध्द चलायु, प्रभु यहोवा को यो वचन की हइ. 9 मी तुमखे शहर का बाहेर निकाली दियु, अरु तुमखे विदेशीहोन का हाथ मे दि दियु अरु तुमखे दंड दियु. 10 तुम तलवार से मार्या जाये, अरु मी इस्राएल की सीमाहोन पर तुमारो न्याय कर्यु, तब तुम जान्ये की मी यहोवा आय. 11 यो शहर तुम्हारा लिये बर्तन नी हुये अरु नी तुम येमे मटन हुये; मी इस्राएल का सीमा पर तुमारो न्याय कर्यु. 12 अरु तुम जान्ये कि मी यहोवा आय, क्योकी तुमने मरा नियमहोन अरु कानुनहोन खे नी मान्या हइ, पर तुम अपना चारी तरफ का राष्टहोन का नियम पर नि चल्या. 13 जब मी भविष्यवाणी करी रो थो की बनायाह को बेटो पलत्याह मरी गयो. तब मी मुंडा का बल गीरीखे उच्चा आवाज से चिल्लइ उठ्यो, अरु बोल्यो, "हाय प्रभु यहोवा," का तु इस्राएल का बच्या हुया खे खतम करी डाल्ये का.
निर्वासिता से इश्वर को वादो
14 तब यहोवा को वचन मरा पास आयो. 15 "हे इन्सान का बच्चा, यरुशलेम का निवासिहोन ने तरा नजीक का भइहोन से वरना इस्राएल का सब घरहोन मे भी बोल्यो हइ की, वे यहोवा से बहोत दुर हुइ जावो; यो देश हमखे हमारी संपती का रुप मे दियो गयो हइ." 16 परन्तु उनका से यो बोल, प्रभु यहोवा यो बोलस हइ, मेने तुमखे दुर कि दुनियाहोन मे बसाया हइ अरु देश देश मे तितर-बितर करी दिया हइ, तेभी जिन देशहोन मे तुम आया हुया हुये, उन मे मी खुद तुम्हारा लिये थोडा दिन तक पवित्र जगा ठहरायु. 17 येकालिये ओका से बोलुस: प्रभु परमेश्वर यहोवा को यो बोलनो हइ: मी तुमखे जनताहोन का बिच से जमा कर्यु अरु मी तुमखे वे देशहोन से वापस लायु, जहा तुम तितर-बितर कर्या गया हुये, अरु मी फिर से तुमखे इस्राएल देश वापस दियु. 18 जब वे अपना देश लौटी खे आये तब वहा से सब घृणित मुर्तीहोन खे हटइ दियु अरु अपना सब घृणित कामहोन खे छोडी दियु. 19 मी उनका मन खे एक करी दियु, अरु उनमे एक नवी आत्मा डाल्यु, मी उनका से उनका पत्थर जसा दिल खे निकाली दियु अरु उनखे एक मास को दिल दियु. 20 तब वे मरा नियमहोन खे मान्ये अरु ध्यान से मरा कानुन पर चल्ये, वे मरा दुनियाहोन हुये अरु मी उनको परमेश्वर ठय्रु. 21 लेकीन जो दुनियाहोन को दिल अपना घृणित मुर्तीहोन पर लग्यो र्हिये, जो दुनिया अपना घृणित काम करस हइ, उनका दुष्टकर्महोन को फल मी उनका माथा पर डाल्यु. प्रभु यहोवा यो बोलस हइ.
परमेश्वर की महिमा यरुशलेम खे छोडी देस हइ
22 तब करुबहोन ने अपना पंख फैलाया, अरु चकाहोन उनका संग संग चलन लग्या , अरु इस्राएल को परमेश्वर को तेज उनका उपर थो. 23 तब यहोवा को तेज नगर का बिच मे से उठीखे उ पहाड पर ठहरी गयो जो नगर का पुर्व तरफ थो.11:23 यहेज्केल 43:2-5 24 फिर आत्मा का द्वारा दियो गयो दर्शन मे, आत्मा ने मेखे उपर उठायो अरु कसदीहोन का देश में अपना गुलामहोन का पास पहुचय दियो . तब उ दर्शन वही खतम हुइ गयो. 25 तब जत्ती बातहोन यहोवा ने मेखे दर्शन मे बतइ थी, वे सब बातहोन मेने अपना गुलामहोन खे बतइ दी.