यहेज्केल 21

परमेश्वर की न्याय की तलवार

1 यहोवा को यो वचन मेक मिल्यो: 2 हे इन्सान का बच्चा अपनो मुंडो यरुशलेम का तरफ कर अरु पवित्र जगा का लिये प्रचार कर. इस्राएल देश का विषय मे भविष्यवाणी कर. 3 प्रभु यहोवा यो बोलस हइ: देख मी तरा विरुध्द हइ, अरु अपनी तलवार म्यान मे से खीचीखे तरा मे से न्यायी अरु न्यायीपन दोइ को नाश कर्यु. 4 क्योकि मी न्यायी अरु दुष्ट दोइ खे मारी दालन आलो हइ, येकालिये मरी तलवार दक्षिण से लिखे उत्तर तक सब दुनीयाहोन का विरुध्द उठ्ये. 5 तब सब दुनीया जान्ये मी यहोवा ने म्यान से अपनी तलवार बाहेर निकाली हइ; या फिर म्यान मे नी रखी जाये. 6 येकालिये हे इन्सान का बच्चा, आये भर. टुटी कमर अरु बडो दु:खी हुइ खे उनका सामने अपनो दु:ख मान. 7 जब वे तरा से पुछे, तु क्यो आये भरीरो हइ? तब बोलनु, उ समाचार का कारण, असी बात आन आली हइ कि सब का मन टुटी जाये अरु सब का हाथ ढिला पड्ये, सब की आत्मा बेबस अरु सब का खुटना कापे. देख, असी ही बात आन आली हइ, अरु वा जरुर पुरी हुये, परमेश्वर यहोवा की या वाणी हइ. 8 फिर यहोवा को यो वचन मेके मिल्यो, 9 हे इन्सान का बच्चा, भविष्यवाणी कर अरु बोल, यहोवा को यो बोलनो हइ;

देखो एक तलवार.

सान पर चडइ खे ओकी

धार तेज करी दी,

ओखे चमकय दी हइ. 10 वा येकालिये धार चढइ गइ हइ कि ओमेसे घात कर्यो जाये, अरु येकालिये झलकाई गइ की बिजली का जसी चमखे! ते का हम खुशी होवा? वा तो यहोवा का बेटा को राजदण्ड हइ अरु सब झाडहोन खे तुच्छ जानन आलो हइ. 11 तलवार खे चमकान का लये,

अरु हाथ से पकडन का लिये दी हइ;

येखे धारदार बनइ अरु चमकइ दी हइ,

अरु हत्या करनआला का हाथ मे देन का लिये तयार हइ.

12 हे इन्सान का बच्चा, रो अरु चिल्ला हाय, हाय, कर! क्योकि वा मरी प्रजा का विरुध्द हइ; वा इस्राएल का सब प्रधानहोन का विरुध्द हइ; मरी प्रजा का संग वे भी तलवार से मार्या जाये. येकालिये तु अपनी छाती पीटी-पीटी खे रो. 13 यो परिक्षा को टेम हइ. अगर तु लकडी की मार खे तुच्छ समझ्ये ते ओकासे का? प्रभु यहोवा की या वानी हइ. 14 "येकालिये हे मनुष्य का बच्चा, भविष्यवाणी कर, अरु अपना से ताली बजाय-बजय खे तलवार को प्रहार दोबारा नी होन को अरु तीन बार तलवार को बल दोगुनो कर्यो जाये; वा तो घात करन की तलवार ही हइ, दुनियाहोन खे चारी तरफ से घेरीखे मारन का लिये हइ. 15 मे ने घात करनआली तलवार उनका सब फाटकहोन का विरुध्द येकालिये चलइ हइ कि दुनीयाहोन को मन टुटी जाये, अरु वे बहोत ठोकर खइ. हाय, हाय! वा तो बिजली की जसी बनी गइ हइ, अरु मारन का लिये ओमे धार चढइ हइ. 16 हे तलवार, अपनो जवना तरप काट तब अपना डाखोर्या तरफ, जिधर भी तुम्हारी धार मुंडस हइ, उधर काट. 17 मी भी ताली बजायु अरु मरो कोप शांत हुइ जाये. मी यहोवा ने असो बोल्यो हइ."

बेबीलोन का राजा की तलवार

18 फिर यहोवा को वचन मरा पास आयो. 19 हे इन्सान का बच्चा, कि बेबीलोन का राजा की तलवार ली जान का लिये दो रस्ता बनइ ले, दोइ रस्ता एक ही रस्ता से सुरु हुये, जहा से रस्ता अलग हुइ खे शहर का तरफ जास हइ, वहा एक मार्ग-दर्शन चिन्ह लगानु. 20 एक रस्ता खे अम्मोनिहोन का रब्बा नगर पर, अरु यहुदा देश का किल्ला आला नगर यरुशलेम पर भी चल्ये. 21 क्योकि बेबीलोन का राजा फुट रस्ता पर अर्थात दोइ रस्ता से निकलन की जगह पर, अरु उ शकुन पान खे खडो हइ, उ तीर खे हलास हइ, उ अपनी मुर्तीहोन से सलाह लिये, उ बलि कर्यो हुयो जनवर को कलीजा खे जाच्ये. 22 ओका जवना हाथ मे यरुशलेम को नाम हइ कि उ युध्द को समान लगाये, हत्या करन की आज्ञा दे, अरु उच्चा आवाज से बुला, फाटक का तरफ युध्द को सामन लगानु, आक्रमण का लिये एक ढलान बनानो अरु घेराबंदी को काम करवानु. 23 यो उनका लिये एक झुटो शकुन मालुम पड्ये, उन्हे राजभक्ती की कसम खइ हइ, पर उ उनखे उनको अपराध याद दिलानु अरु उनखे बंदी बनइखे ली जाये. 24 यो कारण प्रभु यहोवा यो बोलस हइ, येकालिये कि तुम अपना कर्या गया सब पापहोन खे प्रकट करिखे, अरु जो तुम्हारा अपराध जो खुली गया हइ, क्योकि तुम्हारा सब कामहोन मे पाप ही पाप देख्यो गयो हइ येकालिये अपना अपराध खे याद कर्या हइ. येकालिये तुम उनका से पकड्या जाये. 25 हे इस्राएल का अशुध्द अरु दुष्ट राजकुमार, तुम्हारो दिन अइ गयो हइ, तुमखे दंड देन को आखरी टेम अइ गो हइ. 26 तरा विषय मे प्रभु यहोवा यो बोलस हइ, पगडी उतार, अरु मुकुट भी उतारी दे; जसी स्तिती पहले थी अब नी र्हेन की: निच्चे हइ ओखे उच्चो कर्यो जाये अरु उच्चा दर्जा का हइ वे नीच्चा कर्या जाये. 27 मी तरा मुकुट खे खतम करी दियु, हा निस्सन्देह मी ओखे खतम करी दियु. मी ओको नामोनीशान मिटय दियु. जब ओको सही मालिक आये तब मी ओखे हक्क दियु.

एक तलवार अरु अम्मोनिहोन

28 फिर हे इन्सान का बच्चा भविष्यवाणी करीखे बोल कि प्रभु यहोवा अम्मोनिहोन अरु उनकी करी हुइ नाम रखन का विषय मे यो बोलस हइ; तु यो बोल, खिची हुइ तलवार हइ, वा तलवार मारन का लिये निकाली हइ कि खतम कर्ये अरु बिजली का जसी हइ. 29 जब तक कि वे तरा बारे मे झुठो दर्शन पाये, अरु झुठो सुकुन तोखे बतास हइ, कि तु वा तलवार दुष्ट का गर्दन पर रखी जाये, जेको अधर्म को आखरी को टेम अइ गो हइ. 30 तलवार खे फिर ओका म्यान मे रख. मी तुम्हारो न्याय वा जगह पर कर्यु, जहा तुम्हारो जनम हुयो, तुम्हारा बापदादाहोन का देश मे. 31 मी तुम्हारा पर अपनो कोप भडकायु अरु म्हरो भयंकर क्रोध तुम्हारा पर भडक्ये; मी तुमखे असा क्अरुर दुनीयाहोन का हाथ मे सौपी दियु, जो विनाश करना मे माहिर हइ. 32 तु अंगार से नष्ट करी जाये, तुम्हारो खुन तुम्हारा ही देश मे गिर्ये, तुम्हखे फिर याद नी कर्यो जाये; क्योकि मी यहोवा ने बोल्यो हइ.