Arca de noé
A arca de Noé é história de salvação e fidelidade. Deus instruiu Noé a construir a arca para salvar sua família e os animais do dilúvio — exemplo supremo de obediência e fé.
yenne rebbi y nuwH: «ellaxreθ n leεbaδ tiweD, lexeTerhum εebben eddunyeθ selεmeylensen ture δentemeHqe s elqeεεeθ. eg y imenex tefluwkθ δtemeqqarθ egget seg elluwH n esserwel tegeδ δiys tizeqwin enteδhneδ s ezzeft s ejjaj desberre. tegeδ max exenneγ: eTTules tlaθe myat δraε w elεerDes xemsiyn δraε w elεelwes tleθiyn δraε. eges eccebbax eγil s eddu n esqef delbab g eljneb n tefluwkθ. utefluwkθe θahen egiθ f etlaθe δeTTiyqen eTTeq elweddey w eTTeq g wemmes w eTTeq lennej.
yenne rebbi y nuwH: «eyye, aδef cex delli ennex y tefluwkθ lexaTer ufiyγex cex w eHδex δeSSaleH g leεbaδ.
yuwδef nuwH dliweces didreriys delwacunensen y tefluwkθ bac e menεen seg wamen n eTTuwfan uzade elhuwc diciciywen detεaben emenzuws deTTaher. uδefen dnuwH y tefluwkθ sen sen edxer dennaθi max i yenne rebbi y nuwH.
beεδ sebεe eyyam yfaD amen f elqeεεeθ elkul.
edxer dennaθi uδefen max i syenne rebbi w elbeεδ isuwδef rebbi nuwH yer felles elbab n tefluwkθ.
yeqqiym eTTuwfan erbεiyn yuwm g elqeεεeθ, yexθer amen elmi ysuwli tefluwkθ lennej. yexθer amen yerni yuwli lennej elmi teδwel tefluwkθ ettesellef enni amen.
yemHeq eTTuwfan seg uwδem n elqeεεeθ kul cey yetteθneffes leεbaδ, elhuwc, iciciywen detεaben. elkulhum emmuwθen w elyeqqiym kan nuwH delli iyδes g tefluwkθ.
yersem ineqqez amen s lewse s lewse. ubeεδ miyye uxemsiyn yuwm yenqez amen egget. g was sebeεtac g weyyuwr essabeε seg eTTuwfan eθbed θefluwktdiyn temeqqarθ f edhari n eraraT.
beεδ erbεiyn yuwm xlaf imiyr nuwH eccebbax elli yegi qebl g tefluwkθ. iseyyeb nuwH elγreb, yeffeγ yesseylel yeqqiym ymerreq yθaseδ y tefluwkθ elmi icceH elqeεεeθ seg wamen. welbeεδ iseyyeb nuwH eδbiyr seg tefluwkθ bac e yenzi amen enqezen seg uwδem n elqeεεeθ ziyγ la. yemenni eδbiyr elyufiyc meni eyHuT ekreεes elweqθes yrewweH y nuwH g tefluwkθ lexaTer amen elluciyn yreDen uwδem n elqeεεeθ, yezzel nuwH efuses yewiθ ysuwδefθ iyδes y tefluwkθ. yraje nuwH sebεe eyyam xlaf welbeεδ yseyyeb eδbiyrdiyn elmerreθ xlaf seg tefluwkθ. g tisemsiyn yrewHes eδbiyr ugelmenqeres tefreyθ δteziyzewθ n uzemmuwr, elweqθes yefhem nuwH elli amen enqezen f uwδem elqeεεeθ. yeqqiym nuwH sebεe eyyam xlaf welbeεδ iseyyeb eδbiyrdiyn yemenni elmerreθe eseθrewweHc.
g was emezwar s eyyuwr emezwar g usukkes iyjen dsette miyye s elεmer ennuwH eccaH elqeεεeθ seg wamen. yqam nuwH esqef n tefluwkθ yenzi y eddunyeθ, elweqθes yezre elli uwδem n elqeεεeθ yersem yečaH.
yufley rebbi y nuwH yennayes: «effeγ s tefluwkθ cex dliwecex didreriyx delwacunensen. essuwfγeδ iyδex elli yetteθneffes elkul s elhuwc diciciywen detεaben bac e δarwen usinc exeθren g elqeεεeθ.»
yufley rebbi y nuwH didreriys iyδes yenneyasen: «neč δexenεahδe xenyum didreriywwem. uzade eεahδe iyδwem kul cey yetteθHerrex f elqeεεeθ seg iciciywen delhuwc delli yeffeγ iyδwem s tefluwkθ. exenεahδe elli eTTuwfan meεεač eyemHeq Hette iyjen, umeεεač eseybe eTTuwfan eyemHeq elqeεεeθ.»
eHuTTe elquws n erxe g ujenne δellemareθ n elεehδiyw iyδwem.
elli θeθmerreδ qebl, max i yeθmehhel eSSabr n erreb liyyameθ iyebne nuwH elfluwkeθ enjen essis s wamen lewse eleεbaδ, yeεni θmenye δ leεbaδ. w ykan wah δerramez n elmeεmudeyyeθ elli θnejjeyewem θure, muc s wekkes n elwsex n elbδen, yemenni s elεehd eθuceδ imenex y erreb s eneyθes etteSSaleHeθ. wah mumkn s wekker n yesuwε elmesiyH elli yuli yujenne w nette f elimin n erreb etDaweεen δis elmlayxe δ elqawweθ δ iyh n eSSulTan.