1 w θah elwSayθiw y lecyux elli jerewem, neč δ eccix m nihnin w δecceheδ f elwjeyeε n elmesiyH w δecrix g elmejeδ elli δeyben qriyb, 2 esθeHfDeθ f erraεeyyeθ n erreb elli jar ifesnewwem, usinc εusseθ felles s elxeDrewwem muc bessif εlikum emmax eyyexes erreb, muc f elxeDer elleflus emme δ exse. 3 w eθeθseltemec f elli jar ifesnewwem, emme kunmesen δelmiθel. 4 w lemmi eyeffeγ essulTan n lecyux, eθewyem ettaj n mejd liweqqic. 5 zade xenyum imezyanen, Dawεeθ lecyux teθweDεem g weθεemlewwem δbeεeDkum, εlexaTer elxθab yeqqar "erreb eybed y imeθkebren yenεem yimeθweDεen." 6 emmele eθweDεeθ eddu ifessen n erreb bac exeniqam max e yaweD elweqθ. 7 θHuTTem elhemmewwem felles w nette eyettelhe essiwem. 8 faqeθ terrem elbelewwem εlexaTer elεδuwewwem blis yθenneD m eSSiδ yetHewwem g elefriseθ. 9 eθebθeθ g elimenewwem θqawmemt, tesnem elli ewmeθnewwem imumnen g eddunyeθ elkul etεenen elwjayeε biδhe. 10 w erreb n enneεmeθ elkul erreb elli ynebeyewem bac eθkunem δ ecriyxen s elmejδes n dime g yesuwε elmesiyH, nette elli exenyedj δ elkummel, beεεeδ elli θeθwejεem lewse, usinc exeniθebbet yqawweyewem yedjewem θebtiyn. 11 γers elquδreθ δime. emiyn.

12 exennerye eljwabe iqSeyyer s wefus n selwanus, w nette γeri δewmeθ δeSSaδeq, bac exencejεe essis ecehδe elli enneεmeθ elli γerwem netteθ δ enneεmeθ n erreb θeHeqqaniθ. eθebθeθ δiys. 13 elkeniyseθ n babel, netteθ m xenyum θemmexθar γer erreb, etsellem fellewem. w yetsellem fellewem merqus memmi zaδe. 14 selmeθ beεeDkum f beεeD, s ekubbi. eslam fellewem elkul, xenyum elli g elmesiyH.