1 w xenyumti zade eyelwacun Daweεmeθ iryezennexmeθ. Hette iδekan δisen δwiyn liγic eyemmen s edwi n erreb, entenzγem s elεmeylewwem θibehheyin y elimen men γir edwi, 2 max ezren elεmeylewwem θibehheyin. 3 etkunc ezzintewwem esberre s weDfer nezaw dweriD nureγ dedbec ibehheyen, 4 yemenni eθkun s ejjej s elli g ulewnewwem s ennefes θebhe etterrayet eltfesseδec, w essumes γer erreb δemeqqar. 5 εlexaTer sin kenneθ elwacun θiqaddisin elli etteθwekkelneθ f erreb etteθzeyyenneθ qebl wetDaweεneθ iryezennesneθ, 6 m serra elli θken etDaweε g ebrahim w θeqqares siδi. w xenyumti θure δ yessis iδekan tesserrefmeθ belgde men γiyr eθukkeδmeθ seg Hette ciy. 7 w xenyum, ey iryezen, edreθ δelwecunewwem w xenyum tessenem elli θemettuθ δemexluq eDaεfewwem, θkermemtenet εlexaTer nihenti etticrixinewwem g edder diyme, w sahen exenyetqelleq ciy f ezzelliθewwem.

8 heδakeεlec yelzem eykuwn γerwem ijen nerray, θHennem beεDkum f beεeD teθweDεem tesxfem f beεeDkum. 9 eθerremec eccer s eccer w esubbi s subbi, yemenni berxeθ εlexaTer f elxeδer n wah temnebem w eθurθem elberxeθ. 10 w elxθeb yeqqar: "elli yexs eyexes edder yezer liyyameθ bheneθ, eyettef ilses f eccer δ ecwerbes f elxbaθeθ. 11 w edj eyeqqim yebεeδ f eccer yeg elxir yeĎleb eslam, 12 εlexaTer θiT n erreb f elli δ SullaH w θemedjiθes θesseγδe g edεensen. emme uδmes ybeεεeδ f elli θegen eccer."

13 δwiyn δexenyeg eccer iδekan xenyum ettegem g elxir eSbiyH? 14 yemenni max eθeθwejεem f elxeδer n elHeq, SeHHe likum! eθukδemec seg leεbaδ elli θegen eccer. 15 yemenni qedseθ elmesiyH g ulewnewwem θkermemti δ erreb, θkunem f kul weqt HaDrin bac eθerrem f elli eyeĎleb essiwem ellemareθ f elxir elli g ulewnewwem. 16 w edj eykuwn weδin s esyaseθ δelleHtirem, eθegemc elHajeθ eθendmem felles Hette max eθemεemlem s muHec, w emmexzen elli edukken s edwi yuHec f essirθewwem θebehheyeθ g elmesiyH. 17 iδekan erreb yexs eθeθwejεem, eθeθwejεem w xenyum ettegem g elxir, xiyr n elli eθeθwejεem w xenyum ettegem g eccer. 18 w elmesiyH biδe yemmuwθ elmerreθ iceθ berk f elxeδer n elxaδeye. yemmuθ f elxeδer n lecrer bac exeniqerreb seg erreb. yemmuθ g elbδen, yemenni erreb yessedderθi g erruH, 19 w yemreq s erruHδin yetbeccer g lerweh imeHbes 20 elli θeθmerreδ qebl, max i yeθmehhel eSSabr n erreb liyyameθ iyebne nuwH elfluwkeθ enjen essis s wamen lewse eleεbaδ, yeεni θmenye δ leεbaδ. 21 w ykan wah δerramez n elmeεmudeyyeθ elli θnejjeyewem θure, muc s wekkes n elwsex n elbδen, yemenni s elεehd eθuceδ imenex y erreb s eneyθes etteSSaleHeθ. wah mumkn s wekker n yesuwε elmesiyH 22 elli yuli yujenne w nette f elimin n erreb etDaweεen δis elmlayxe δ elqawweθ δ iyh n eSSulTan.