1 lukan dukkiyγ s elluwγeθ n leεbaδ d elmlayxe, w elγriyc exse, ekuwne δ ennaguz yetren w δ enHas yečeryen. 2 w lukan γeri elmuhbeθ n ennubuwweθ, w fehme lesrar elkul, w essene kul ciy, w γeri eliman eHewle essis edhari, emme leγriyc exse, yeεni neč Hette ciy. 3 w lukan uciyγ elli γeri elkul y iqelliylen, uce elbeδniyw y eHreq, emme leγric exse, elrebHe ciy.

4 exse ySebber w yebhe elyessinc elHseδ d etfuxiyr d eθkebber, 5 exse yetteθserrefc b ebhame, w yetHewwemc f elmeSleHθes, w yetteθγeccec fiseε, w yetfekkerc g eccer. 6 exse elyferreHc s eccer, emme yferreH s elHeq. 7 exse yetsemaH kul ciy, w yetSeddeq kul ciy, w yetteθmenne kul ciy, w yetteθHemmel kul ciy.

8 exse yitqiyme diyme, emme ennubuwwaθ weqqaneθ w edwi s elluγaθ yweqqe w elmeεrfeθ tweqqe. 9 εlexaTer elmeεrfeθ elli γenne δ tennaqeSθ, w eθnebbi elli γenne ennaqeS, 10 emme max edyes elli δ elkamel eyemreq elli δ ennaqeS. 11 max i nkan δ ifrax, nkan nδukke w netfekker m idrari, emme ture neδwel δ iryazen, w nebεeδ f eSSerref n idrari. 12 εlexaTer elli nzer δiys ture δ etteswiyreθ δ timδeγδecθ g temreyθ, emme esses δ θnezr uwδem y uwδem. ture elmeεrefθiyw δ tennaqeSθ, emme esses δ ettesne δ telkamelt emmax i yyessen erreb. 13 emmale ture eliman d exse d erje eqqiymen diyme, emme ebehhay δiysen δ exse.