1 w ture exennenne f exsum elli yetmewce y leSnam, nečin nessen elli elkulne γenne elmeεrfeθ. w elmeεrfeθ ettetdje leεbaδ e εebban s ennefxeθ, w exse tbenne. 2 w iδekan yelle iyjen yetεilak elli yessen elHajeθ, rahu elyessinc emmax yelzem eyessen. 3 emme elli yexs rebbi, rebbi yessenti. 4 emmale erjεe y exsum elli yetmewce y leSnam: nečin nessen elli leSnam elγersenc elqiymeθ g eddunyeθ w eHebbac e rreb kan δ rebbi. 5 w iδekan telle g esme ziyγ g elqeεεeθ elHajeθ elli etteεlekenteθ leεbaδ δ erreb, w yelle essisen egget, 6 emme yelle erreb iyjen deddeθne, nette elli yexleq kul ciy, w nečin nedder f elxeĎres. w seyyedne iyjen nette yesuwε elmesiyH elli essis kul ciy, w essis nedder. 7 emme muc kul Hed yessen elHqiqeθe. ellan leεbaδ sθensen s leSnam el asse, w θetten g eδbayeH w etεilaken elli nihenti δegli n leSnam. w εlexaTer ennefsensen Dεiyf, eHussen elli emmenzsen. 8 emme eče exenyetqerrebc y erreb. max e nteč, enneqqezc g ciy. w max aneč, enrennic g ciy. 9 emme erreθ elbelewwem bac e tkunc elHurriyθewwem ettγaγet n eεθer y uDεiyf. 10 iδekan iyjen ennefses Dεifyeθ exyezr cex elli γerx elmeεrfeθ, tqqiymeδ ettetteδ seg exsum elli yetmewce y leSnam, Hette nette eyeθcejjeε yeč seg eδbayeH n leSnam. 11 emmale eθkun elmeεrefθex cex esbeb n ehlax n uDεiyf, reγm elli nette yewwex w elmesiyH yemmuwθ f elxeĎres. 12 w sah eθeγldem y ewmeθnewwem w eθyedzmem ennefsensen uDεiyf, xenyum θγeldem y elmesiyH. 13 emmale iδekan eče eyessender yewwe, meεεač e θeče bac e tsendrexc yewwe.