1 endre muc belHeq neč δ Hurri? endre muc belHeq neč δ emersal? w neč zriyγ seyyedne yesuwε, w xenyum elγelleθ n elxeδmtiyw y nette? 2 Hette elkenexc δ emersal y elγirewwem, neč δ emersal y xenyum. εlexaTer xenyum tebεiyn elmesiyH w wah δ chaδeθ elli neč δ emersal. 3 wah erraw f elli etxeSamen diyyi: 4 endre elγennexc elHeq e nawi ečenne d eswenne seg elxeδmeθ? 5 endre elγennexc elHeq eθemreq iδne temeTTuθ δ timuwment g esefrenne, emmax i θegen elbaqi n imersal d ewmaθen n elmesiyH d buTrus? 6 ziyγ neč d berneba berk yelzemne e nexδem s ifesnenne bac e neč? 7 δ wiyn yxeddem m εeskri f elHsebes nette? δ wiyn yzerreε g Tejnint w eliθeč seg elγeltes? δ wiyn yserreH g esεi w elisesc seg elHlibes? 8 endre edwiyw wah δ edwi n leεbaδ ekehew, elteqqarc δiys ecceriyεeθ zade? 9 w yuseδ g ettewrat n muwse: "eθlejmemc iymi n efuwnes w nette yeccacel." endre erreb ethemmenti ifunasen, 10 ziyγ yeqqar g wah f elxeĎrenne nečin? wa, wah yemmari f elxeĎrenne nečin, w elmeεntes: elli yxerrez yxerrez g elqeεεeθ, w elli yeccacel yeccacel g elHeb, w kul iyjen essisen yetraje eyawi elbeyes seg emjeres. 11 w iδekan nezrεawem elberxaθ n erruwH, endre egget fellane max enemjer elberxaθ n eddunyeθ? 12 w iδekan elγirenne γersen elHeq g elberxaθ n eddunyeθ entewyen essiywem, nečin ebjel, yemenni enneDlibc elHeqqenne, emme belεeks nečin neθHemmel kul ciy bac netεeTTelc ellenjiyl n elmesiyH. 13 xenyum tessenem, elli xedmen g elheykel n erreb, tewyen g ečensen seg eδbayeH n elheykel. w elli xedmen f elmeδbeH n ewce, θewyen g elbeyensen seg elxiyraθ elli etmewcaneθ. 14 w sah zade elmesiyH yweSSe bac δ ewyen elli e tbecren s elbcareθ elbeyensen seg elxeδmeθ n elbcareθ. 15 yemenni ellesθeεmle Hette elHeq seg leHquwqe. w elluriyexc wah bac e Ďalbe elHajeθ m tediyn. w efeĎle emmuwθe qebl n elli eyyeHrem Hed bac eθfuxre s wah. 16 leγriyc elHeq e θfuxre s ebecriyw y elbcareθ, εlexaTer θah δ elHajeθ lazme, yeHliyli lukan etbecrexc s elbcareθ. 17 lukan θege g elxeδmeθe s elkifiyw, rahu γeri elHeq eDelbe ellejriyw. emme g elHqiyqeθ xedme muc s elkifiyw εlexaTer θege g elHajeθ yuceyit erreb. 18 emmale mat nette ellejriyw f wah? ellejriyw elli e tbecre s ellinjiyl blac, w etĎelibexc s leHquqiyw m exeddam y ellinjiyl. 19 neč δ Hurri w muc δ exδiym n Hed, emme djiyγ imeniyw δ exδiym n elkul bac e rebHe y elmesiyH egget δ leεbaδ. 20 bac e rebHe uδayen, δwele m uδay, w bac e rebHe eljmeεεeθ n ecceriyεeθ n muwse, δwele ekenni δ iyjen seg eljmaεeθ n ecceriyεeθ, reγmelli meniyc seg eljmaεeθ n ecceriyεeθ. 21 w bac e rebHe elli lγersenc ecceriyεeθ, δwele m elli blac ecceriyεeθ, meniyc elberre n ecceriyεeθ n erreb εlexaTerni seddu ecceriyεeθ n elmesiyH. 22 w bac e rebHe iDεiyfen, δwele m nihnin. δwele δ kul ciy y elkul bac e menεe lebHaD s elli egedde. 23 w neč θege g wah f elxaĎer n elbcareθ, bac e ykuwn γeri elbay g elberxeθes. 24 xenyum tessenem elli ettemsebaqen g θezle tezlen elkulhum, emme iyjen berk yrebbeH eljeyzeθ. emmale xenyum zade yelzem e θezlem terbHem. 25 w kul imeθsabeq e yedderreb eSbiyH bac e yerbeH eljeyzeθ δ telfaniθ. yemenni nečin e nerbeH eljeyzeθ diyme. 26 heδakeεlac neč θezle w γeri elγayeθ, w max elekme, etlekimexc m wiyn yečaθ g elhwe. 27 yemenni eqehre elbeδniyw teεbexθi, bac e tkunexc seg elxussar beεεeδ elli becre elγiriyw.