Arca de noé
A arca de Noé é história de salvação e fidelidade. Deus instruiu Noé a construir a arca para salvar sua família e os animais do dilúvio — exemplo supremo de obediência e fé.
Ke ntoro Abasi amaabo Nua, "Ami ñyaanam utịd aba anọ afịd awo, sia ederimbod ayọhọ ye afai ke ntak ammọ. Ami ñyaasobo ammọ ye ederimbod. Ke ntoro dat eto saipres bọp ubom nọ idem mfo. Nam ubeed ke esịd amọ, nyʌñ dat itai deppe esịd ye edem ubom. Naña afo uduubọp ubom ado ami: Anye adiido kubid ikie ita ke unyọọñ, ubom amọ adiido kubid aba mme duob; ñko anye adiikoñ kubid edịb mme duob. Nam akọm nọ anye, ke idak akọm ado, nam itie keed ana inwañ ke udomo kubid keed nọ anye akoñño ke isọñ ke afịd ndaha. Sịn usʌñ ke mben ubom ado nyʌñ nam abom ke isọñ, ufọọd ye ke anyọñ.
Ndin Abọọñ amaabo Nua, "Dakka dʌk ubom, afo ye afịd ekpək mfo, sia ami mmukịt fiin nte adinen awo ke emana anyem.
Akema Nua ye nditọ amọ ideen, ye anwaan amọ ye ibaan nditọ amọ ideen emaedʌk ubom nọ ebọkkọ mmọọñ edịmukwọ. Mme unam se isana ye se ideghe, ye inuen, ye afịd se eboot e-ekesañake ke isọñ emaesaña iba, ayaara ye uman, edi ebịne Nua enyʌñ edʌk ubom, kpa naña Abasi akenọọ Nua ewʌhọ abo anam. Ndin ke usen itiaba emaekeboiyo, mmọọñ ukwọ amaadʌk ederimbod.
Mme unam se ikidʌk ekedo ayaara ye uman afịd aduuwem ñkpọ, kpa naña Abasi akenọọ Nua ewʌhọ abo anam. Ndin Abọọñ amaabet usʌñ asịn Nua.
Ke usen aba mmọọñ ukwọ amaakaa iso aba ke ederimbod, ndin naña mmọọñ ayọọk, anye amaabenne ubom akpọñ isọñ. Mmọọñ amaadọọk anyʌñ ayọọk eti-eti ke isọñ, ado ubom amaafiọrọ ke anyọñ mmọọñ.
Emaesobo afịd mme aduuwem ñkpọ ke iso isọñ. Emaenyʌñ esobo mme awo ye mme unam ye mme aduuwem ñkpọ se inyọọn ke isọñ ye mme inuen esio ke ederimbod. Nua ikpọọñ ye mbon se ikisịne ke ubom ye anye ekesʌhọ.
Mmọọñ amaakaa iso asuuhọ ke ederimbod. Ke utịd usen ikie mme aba mme duob mmọọñ amaateek, ndin ke ayọhọ usen duob mme itiaba ke ayọhọ afiọñ itiaba, ubom amaadibeghe ke mme ikpọabod Ararad.
Ke usen aba amaakeboiyo Nua amaabeere ubenafịm a-anye akenamma ke ubom anyʌñ asio ekọọñebʌkayob adọñ, anye amaanyʌñ akaiso afuurọ, aka iso atịmme edem tutu mmọọñ asat ke ederimbod. Akema anye amaasio ibiom adọñ nọ akese me mmọọñ asat ke iso isọñ. Ado ibiom ikikịtte itie se asọrọ, sia mmọọñ amaayọhọ afịd ederimbod. Ke ntoro anye amaatịmme abịne Nua ke ubom. Nua amaasio ubọk anyan amʌm ibiom ado asịn ke ubom. Anye amaatie usen itiaba mfen mbemiso anye amaana asio ibiom ke ubom adọñ. Ke ini ibiom atịmmeke adibịne anye ke ndubiayio, ibiom amaafịbe nsek mfañ ọlif ke inua! Ndin Nua amaadiọọñọ ke mmọọñ asat ama ke isọñ. Anye amaabet usen itiaba mfen ndin atịmme asio ibiom adọñ, ado isañ anye ami, ibiom ikitịmmeke inyọñ ibịne anye aba.
Ke akpa usen afiọñ ke akpa afiọñ ke ayọhọ isua Nua ikie itiokeed mme keed, mmọọñ amaasat ke ederimbod. Nua ndin amaafʌkkọ ufʌkñkpọ ke ubom anyʌñ akịt ke iso isọñ amaasat.
Ndin Abasi amaabo Nua, "Wuọ ke ubom di, afo ye anwaan mfo ye nditọ mfo ideen ye ibaan ammọ. Sịññe afịd utọ mme aduuwem ñkpọ e-ebaaha ye afo: Mme inuen, mme unam, ye afịd ñkpọ se inyọọn ke isọñ, nọ ammọ ediitọt ke ederimbod enyʌñ enwịm mfịd, enyʌñ ewak ke ibad."
Ndin Abasi amaabo Nua ye nditọ amọ ideen e-ekebaaha ye anye ate: "Idahami ami mmesọọñọ edioomo mmi ye ndufo ye nditọ ubon ndufo se idiimana inọ ndufo ke ini iso ye afịd mme aduuwem ñkpọ e-ekebaaha ye ndufo: Mme inuen, mme ufene ye afịd mme unam ikọd, afịd se ikiwuọ ke ubom ye ndufo, afịd mme aduuwem ñkpọ ke ederimbod. Ami mmesọọñọ edioomo mmi ye ndufo: Tutu amama, afịd uwem idiitakka aba ke mmọọñ ukwọ; tutu amama ukwọ idiisoboke ederimbod aba."
Ami mmenịm akpara mmi ke ntọñanyọñ, ñko anye adiido idiọọñọ edioomo ke ufọọd mmi ye ederimbod.
Ke mbuọdidem, Nua, ke ini emaekewuuk anye ebaña mme ñkpọ a-anye imiikikịtte ke anyen, ke adisana mbaak, anye amaabọp ubom a-akenyaañake ufọk amọ. Ke mbuọdidem anye amaabiom ederimbod ikpe, amaanyʌñ akappa ado adiaakpa adinenido asañake ye mbuọdidem.
mbon e-eketreke utọñ ke ayio ako, ke ini Abasi akebette ke ime ke ayio Nua tutu asịm ini ekebọppọ ubom. Ke ubom ami, ibadibad awo, itiaita kpọd, ke ekenyaaña ke mmọọñ, ndin mmọọñ ami ada anọ uduọkmmọọñ e-edatta inyaaña ndufo idahami, idooho adiyet mbad ke ikpọkidem nsio, ado enwọñọ adinie eti esịd ke iso Abasi. Anye inyaaña ndufo ato ke adised Yisọs Krais, a-anyọññọ hefịn aketie ke ubọk nnasia Abasi, ndin mme enyere, mme ukara ye mme adudu esuuk iwuod enọ anye.
Naña akeba ke ayio Nua, kpa ntoro ke adiiba ke adidi Ayịn Awo. Sia ke ini ado mbemiso mmọọñ ukwọ, mme awo ekesʌk edọ ndọ, enyʌñ enọ ke ndọ tutu usen a-Nua akedʌkkọ ubom; ndin ammọ ikidiọọñọke ñkpọ ndomokeed ibaña se idiitịppe tutu mmọọñ ukwọ adibeen afịd ammọ afep. Kpa ntoro ke adiiba ke adidi Ayịn Awo. Ideen iba eyaeba ke inwañ, ado eyaeben keed ekpọñ añko. Ibaan iba ediisʌk ikọk ñkpọ ke itie ukọkñkpọ, ado eyaeben keed, ekpọñ keed.