Ascensão
A ascensão de Jesus ao céu é a coroação de sua obra redentora. Ele subiu à destra do Pai, de onde voltará com poder e glória para buscar os seus.
Yesuus kana jedheen duuba, adoo isaan isa ilaalanuu gara ol-gubba’aa fudhatame; duumensille isaan duraa isa golle.
Isa ol bayiisatti jiru, ila hin caffatin adoo ilaaliisatti jiranuu, namooti lamaan ka woyaa adii uffataneeranu cinaa isaanii dhaabbatanee, «Isin namoota Galiila’aa, maaf asi dhaabbatanee gara gubba’aa ilaaltan? Yesuusiin isin duraa gara ol-gubba’aa fudhatame kun, gara ol-gubba’aa bayaaruun akkuma dhaggitane akkanuma deebi’ee hin dhufa» jedhane.
Goottaan Yesuus isaan woliin dubbateen duuba, gara ol-gubba’aa fudhatamee, mogguu midda Waaqaatitti tee’e.
Achiin duuba Yesuus qachaa keessaa baasee, haga Bitaaniya’aa isaan geesse; achitti harka ifii lamaanuu ol kaasee isaan eebbise. Adoo isaan eebbisiisatti jiruu, isaan irraa gargar bayee gara ol-gubba’aa fudhatame.
Mana Abbaa kiyyaa keessa addeen leeto’oo heddu’utti jira; anille addee isiniif qopheessiisaaf deemaara. Adoo isiin hin jirre teetee ani silaa tana isinitti hin himuuyyu.
Ani dhugaa isinitti hima: Nami natti dhugeeffatu waan ani huju hin huja; ani gara Abba’aa waan deemuuf inni waan kana caaluuyyuu hin huja.
Ani Abbaa biraa bayee gara biyya lafaa dhufe; amma biyya lafaa lakkisee deebi’ee gara Abba’aa deemaara» jedhe.
Yesuus, «Ana hin qabin! Sababille ani haga ammaa gara Abba’aa ol hin baane. Ammoo gara obboleeyyan tiyyaa dhaqiitii, ‹Ani gara Abbaa kiyyaatii fi Abbaa keessanii, gara Waaqa kiyyaatii fi Waaqa keessanii ol bayaara› jedhiitii isaanitti himi!» jedhee isi’itti hime.
Yesuus, «Ani yennaa gabaadduu calla’aaf isin woliin jiraadhee, achiin duuba gara ka na ergee hin deema.
Dhossaan dhugeeffannaa teennaa mama tokko malee guddo’oo; tanaaf,
«Inni foon uffatee mudhateera;
dhugaa akka te’e Ayyaanaan mirkaneeffameera.
Ergantoota Waaqaatitti mudhateera;
kolbaa biyya lafaatiif lallabameera.
Biyya lafaa duudi’itti dhugeeffatameera;
ulfinnaan gara ol-gubba’aa fudhatameera» jedhamee himameera.