Ascensão
A ascensão de Jesus ao céu é a coroação de sua obra redentora. Ele subiu à destra do Pai, de onde voltará com poder e glória para buscar os seus.
Nɛ e ba mi kaa benɛ e de mɛ enɛ ɔ se ɔ, a ngɔ lɛ kɛ ho hiɔwe ya, nɛ e laa mɛ ngɛ bɔ kuu ɔ mi.
Benɛ a pee yaa kɛ ngɛ hiɔwe hyɛe gaa a, nyumuhi enuɔ nɛ wo tade futa ba da a kpɛti tlukaa, nɛ a de mɛ ke, "Galilea bi, mɛni he je nɛ nyɛ daa si ngɛ hiɔwe hyɛe gaa kikɛ ɔ? Yesu ɔ je kɛ ho hiɔwe ya, nɛ bɔ nɛ e plɛ kɛ je ɔ, e maa kpale kɛ ba ja a nɔuu ligbi ko."
Benɛ e kɛ mɛ tu munyu nɛ ɔmɛ se ɔ, a wo lɛ kɛ ho hiɔwe ya, nɛ e ya hi si ngɛ Mawu hiɔ nine nɔ.
Kɛkɛ nɛ Yesu sɛ a hlami nɛ a fie e se kɛ ya si a ya su Betania. Lejɛ ɔ nɛ e wo e nine nɔ ngɛ nɛ e gbaa mɛ. Se benɛ e ngɛ mɛ gbaae nɔuu nɛ a wo lɛ kɛ je a ngɔ kɛ ho hiɔwe ya.
Sihi hehi babauu ngɛ ye Tsɛ we ɔ, ke pi ja a jinɛ i de nyɛ momo; nɛ i yaa nɛ ma ya dla mɛ ngɔ to nyɛ.
I ngɛ nyɛ dee ngɛ anɔkuale klɔuu mi kaa nɔ tsuaa nɔ nɛ heɔ mi yeɔ ɔ, e ma tsu nyakpɛ ni tsumihi nɛ i tsu ɔmɛ, nɛ tete po ɔ, e maa pee nyakpɛ nihi nɛ kle pe ja, ejakaa i yaa Tsɛ ɔ ngɔ.
Niinɛ, Tsɛ ɔ ngɔ nɛ i je kɛ ba je ɔ mi, nɛ jehanɛ ɔ hu i ma kpale kɛ ho Tsɛ ɔ ngɔ ya."
Nɛ Yesu de lɛ ke, "Koo ta ye he, ejakaa i na we ma su Tsɛ ɔ ngɔ ngɛ hiɔwe lolo. Se mohu yaa ye nyɛmi ɔmɛ a ngɔ nɛ o ya de mɛ ke, i yaa hiɔwe ngɛ ye Tsɛ kɛ nyɛ hu nyɛ Tsɛ, ye Mawu kɛ nyɛ hu nyɛ Mawu ɔ ngɔ."
Se Yesu de mɛ ke, "Tsa pi piɔ. E piɛ be saii nɛ i kɛ nyɛ maa hi si lolo loko ji ma kpale kɛ ho nɔ nɛ tsɔ mi ɔ ngɔ ya.
E ji anɔkuale kaa Mawu jami si himi wa mohu, se e wɛ kɛ ha Kristo, nɔ nɛ kple si kɛ ba zugba a nɔ ngɛ he lo mi, nɛ a nɛ yayami ko ngɛ e he ɔ. E he tsɔ ngɛ mumi mi, nɛ Mawu bɔfohi sɔmɔ lɛ. A fiɛ e he sane ngɛ jejeeje nɛ a he lɛ atuu ngɛ he fɛɛ he. A ngɔ lɛ kɛ ho hiɔwe ya ekohu ngɛ e anunyami ɔ mi.