Ascensão
A ascensão de Jesus ao céu é a coroação de sua obra redentora. Ele subiu à destra do Pai, de onde voltará com poder e glória para buscar os seus.
आहयी वात की देदो अने अळतेण ईसु तीमनी देखणते उपर ह़रग मे उचलाय ज्यो, अने वादळु तीने ढाक लेदु।
तीनी जती वखत चेला ह़रग भणी एकडीट्या भाळ रेला हता, तत्यार धोळासप लुगड़ा पेर रेला बे अदमड़ा तीनीन्तां आवीन उबा हय ज्या। अने केदा, "ए गलील मे रेण्या माणहु! तमु ह़रग भणी काहा भाळ र्या? आहयोत ईसु, तमारी वच मे गेथो ह़रग मे उचलाय जेलो से, आहयीत रीते पासो आवहे, जीसम तमु हीने जत्लो देखला से।"
ईसम करीन मालीक ईसु तीमनी ह़ाते वात कर लेदो, अने अळतेण तीहयो ह़रग मे उचलाय ज्यो, अने भगवान नी जमणी धेड़े जाय्न बह ज्यो।
अळतेण ईसु आह़फा ना चेला ने ह़ेर गेथो बारथो बेतन्या गाम ने तां ली ज्यो। जत्यार तीहया तां पुग्या, ईसु आह़फा ना हात उचा करीन संयबरकत आप्यो। जत्यार तीहयो तीमने संयबरकत आप र्यो हतो, ता तीहयो ईसु तीमने सोड़ीन ह़रग मे उचलाय ज्यो।
मारा बाह ना घोर मे ढेरेत कोपरा से; अने नी हता, ता मे तमने पेलेत की देतो। मे तमारी जुगु जागो तीयार करवा जवा बाज र्यो।
मे तमने ह़ाची-ह़ाची केम, जे मार पोर भरहो करे, तीहयो बी मे करु तीहया काम करहे, पण आनी सी बी मोटा-मोटा काम करहे, काहाके मे बाहन्तां जवा बाज र्यो।
मे बाह भणी गेथो धरती पोर आवलो से, अळी धरती ने सोड़ीन पासो बाह ने तां जवा बाज र्यो।
ईसु तीने केदो, मे हजु लग भगवान बाह ने तां उपर ह़रग मे नी ज्यो। एतरे मने छीमीन ना रोके, पण मारा भायुन तां जाय्न तीमने आहयु कीदे, "के ईसु की र्यो के मे मारा भगवान बाह ने तां जवा हींड र्यो, जे हाव गेथो तमारो बी भगवान बाह से।"
ईसु केदो, "हाव मे थोड़ीक वार लग तमारी ह़ाते रेही। अळतेण मने मोकलन्यान तां पासो जत रेही।
आनी मे कंय बी सणक्या नी हय, के आहयी भक्ती नी ह़तायली वात घणी जुदी से,
मसी ईसु डील मे उजन्तो हयो,
अने आत्मा मे धरमी ठेर्यो,
ह़रगदुत ने देखाव पड़्यो,
आखा देसु ना माणहु मे तीनु परच्यार हयो,
आहयी कळी मे माणहु तीनी पोर भरहो कर्या,
अने तीहयो बड़ाय भेळ ह़रग मे उचलाय ज्यो।