Autocontrole
O autocontrole é fruto do Espírito e virtude indispensável. A graça de Deus nos ensina a renunciar à impiedade e a viver com sobriedade, domínio próprio e piedade no mundo presente.
Fruto e virtude
O domínio próprio é fruto do Espírito. Acrescentai ao conhecimento o autocontrole. A disciplina interior produz maturidade.
Munhu yahalangulizigwa na Muhe wa Mulungu vinhu vino vizawoneka mgati yake, ulondo na deng'ho na tindiwalo na kufunya umoyo na ubazi na unhu goya na unovu na kwaminika, uhole na kulinganya. Mbuli fana izo zabule Malagilizo.
Kwa ichimu icho iyoheni ng'hani geleni ugenzi unogile kwa uhuwilo wenu, na kwa ugenzi unogile geleni umanyi, kwa kuvimanya kumwenu mulondeka mongeze kulinganya, kwa kulinganya kwenu molondeka mongeze ufunya umoyo, kwa kufunya umoyo kwenu molondeka mongeze kumuhuwila Mulungu, kumuhuwila Mulungu kokongeza undugu na undugu wokongeza ulondo.
Kwaviya unovu wa Mulungu ugubuligwa muladi ugale ulopozi kwa wanhu wose. Unovu uwo wochifundiza chileke wihi na malondo yehile na chikale kwa kulinganya na chikale vinogile voilondeka na chikale kwa kumnogeza Mulungu muna ulusita luno,
Mana muhe yoching'higwe na Mulungu siyo wa kuchitenda chidumbe, mbali muhe yochitenda chiwe na ludabwa na kulonda na kulinganya.
Nolwing'ha lukuli lwangu manhesa madala na kulugaza ng'hani muladi niye mwenyewo sekenilemigwe, maabaho kuwapetela usenga wanhu wamwenga.
Na chila munhu yoyotenda kuihuma muna umwangalo koikimiliza na vinhu vingi muna yamazoezi yake. Mbali wotenda vino kwa lungilo wapate gweko dodibanangika. Mbali cheye chotenda viya, muladi chipate gweko hadibanangika.
Magezo yongezigwa ni yakawaida kwa wanhu. Mbali Mulungu kokwaminika, nayo hezatogola mugezigwe kufosa nguvu zenu, mbali hamwe na kugezigwa, kezaweng'heni iviya nguvu ya kufunya umoyo na nzila ya kulawa umo vinogile.
Dominar a si mesmo
Melhor é quem domina o seu espírito do que quem toma uma cidade. A cidade sem muros é quem não tem autocontrole.
Wanhu wokalama kupata ludoko wanoga kufosa magalu,
na wanhu wolukimilila ludoko lwawo wanoga kufosa wanhu wosola bululu.
Munhu hadaha kuikimilila mwenyewo,
kalinga fana bululu dilibule wakalizi.
Wanhu wabozi wolagusa ludoko lwawo lose,
mbali wanhu wabala woikimilila.
Sekeubaguke ukulume hebu ukumoso,
uyepule mgulu wako kuna uwihi.
Wanhu wabozi watatali wolagusa ludoko lwawo bahobaho,
mbali wanhu wovimanya wowehula wanhu wowazeha.
Lulimi lodaha kugala ifa hebu ugima,
waja wolusang'hanila wezakuja matunda yake.
Sekemwige migenzi ya isi ino yose, mbali Mulungu yagaluse magesa yenu, muladi muyamanye yaja yoyolonda Mulungu, chilihi chinogile, chilihi chimnogela yeye na chitimilike.
Ndugu zangu walondwa sekemuzimize mbuli ino, chila munhu kolondeka yawe kahuha kuhulika, mbali sekeyahuhe kulonga wala kuwa na ludoko.
Kwaviya hachiitowa na wanhu wa isi ino, mbali choitowa na muhe wehile wowokala kuulanga hamwe na watawala, na weli na udaho na weli na ludabwa lwa isi ino ya ziza.
Ivo sekechigone nhongo fana wamwenga, mbali chikale meso na chiwe na kulinganya.
Mwiiteganye muladi sekemwagize yaja yochitendile, mbali mwizagwekigwa ng'hani.