Beleza
A verdadeira beleza vem de dentro. A Bíblia ensina que o encanto é enganoso e a formosura é vã, mas a mulher que teme ao Senhor — essa sim merece louvor.
शोभा त झूठी ते खूबसूरती बेकारे,
पन ज़ै कौन्श यहोवारो डर मन्नतीए, तैसेरी तारीफ़ की गाली।
ते तुश्शी सजावट दिखावेरी न भोए, मतलब अलग-अलग किसमे दोग बनानो, ते सोन्नेरे गेहने, या किसमां-किसमां केरां लिगड़ां लाना। बल्के तुस अपने गुना केरे ज़िरिये अपनो आप खूबसूरत बनाथ ज़ै तुसन करां दूर न गाए, मतलब नेरमी ते शांत स्भावे सेइं ज़ै परमेशरेरे लेई बड़ो कीमतीए।
पन यहोवा शमूएले सेइं ज़ोवं, "न त तैसेरे रूपे पुड़ नज़र केरां, ते न तैसेरे कदे पुड़, किजोकि मीं तै काबल नईं समझ़ोरोए; किजोकि यहोवारू तकनू मैन्हु केरू ज़ेरू नईं; मैन्हु त बेइरयूं रूप हेरते, पन यहोवारी नज़र मने पुड़ रहतीए।"
तेन्च़रे मसीही कुआन्शां भी इज़्ज़तदार लिगड़ां लेइतां, ते अपनो आप रोड़ेच़ारे सज़ेइतां, न कि अलग-अलग किसमे सेइं दोग बनाने, ते सोन्ने, ते मोती, ते कीमती लिगड़न सेइं। बलके इसेरे बदले तैनेईं होरि केरे लेई रोड़ां कम्मां केरतां अपनो आप खूबसूरत लोड़े बनावरो, किजोकि परमेशरेरी भक्ति केरनेबैली कुआन्शन इन शोभा देते।
किजोकि तीं मेरे एंत्रीं अंग बनेवरेन;
तीं अवं अम्मरे पेटे मां बनाव।
अवं तेरू शुक्र केरेलो, एल्हेरेलेइ कि अवं भयानक ते अद्भुत तरीके सेइं बनाव जेवरोईं,
तेरां कम्मां त हैरान केरनेबालन,
ते अवं एन रोड़ेच़ारे ज़ानताईं।
हे मेरी ट्लारी, तू बड़ी खूबसूरत आस,
ते तीं मां कोई नुक्स नईं।
तैखन परमेशरे अपने रूपे मां इन्सानेरी रच़ना की, ते अपने रूपे मां परमेशरे इन्सानेरी रच़ना की; नर ते नारी बनेइतां तैनी तैन केरि रच़ना की।
किजोकि अस परमेशरेरे बनोरेम; ते मसीह यीशु मां तैन भले कम्मां केरे लेई पैदा कियोरेम, ज़ैना परमेशरे पेइले इश्शे केरनेरे लेई तियार कियां।
हे यरूशलेम उठ, चमकदार बन; किजोकि तेरी लौ एवरीए, ते यहोवारी लौ तीं पुड़ बांदी भोवरीए।
घास त शुक्की गाते, ते फूड़ोंव शुक्की गाते, पन इश्शे परमेशरेरू वचन हमेशा अटल रालू।
एल्हेरेलेइ अस दिलेरी न शारम; अगर इश्शी बेइरीं इन्सानयत नाश भी भोए, त फिरी भी इश्शी एंत्रीं इन्सानयत रोज़ नव्वीं भोती रहतीए।
एल्हेरेलेइ अवं तुसन सेइं ज़ोताईं, कि तुस अपने ज़िन्दगरी ज़रूरतां केरे लेई फिक्र न केरा, कि तुस कुन खाले या कुन पीले, ते न अपने जानरी कि कुन लामेले। कुन प्राण रोट्टी करां ते जान लिगड़े करां बेद्धतां नईं!"