Beleza
A verdadeira beleza vem de dentro. A Bíblia ensina que o encanto é enganoso e a formosura é vã, mas a mulher que teme ao Senhor — essa sim merece louvor.
Ompal o byɛ obee kɛn b’okwel-a-nzi okal, onge ofaal o mfu, olaal b’eluɔ bvi ãtswi bvi ɔɔl wuo ekɔ bvam bvi ebvɛ-ebvɛ. Ompal b’ebii byɛ bvel-bvel okal b’onse ɔ̃kwal, ompal b’ɔ̃fel wu efyɛ ye wu opi b’onduru ɔ̃bvɛn ke mviil ã Nziã bvool bɛn k’ofa wɛ.
Mɛ̃ nzii hɛ̃ kwɛn akaal alaal ekɔ m’emfa ki ngesɛ. Bɔ abvaan akal y’ɔ̃laal wa dzuun, wa m’emfa kyɛn k’ebiil ɛ̃kwal ɛ̃ baal wɛ. Abee mfu yi ke bwɛn-ke-bwɛn okuru. K’ebvaan kwɛn bɔ alaal ɛ̃luu mi ɔɔl, wuo ãlie, wuo ekɔ bvi enduru ɔ̃bvɛn wɛ. Kɛn ebvaan bɔ asuo ompal o bɔ m’ɛ̃sal ɛ̃ bɔ mi ngesɛ. Ndɔɔ oyɔ ebvaan m’akaal b’abeyɛɛn ndiri bɔ abesa Nziã.
Ke ngwel wɛ, wu ási bia-byɛ, eli Nziã. Ndɛ ábuo bia-byɛ onse Yeso-Mãsia kwɛn bia-byɛ esa ɛ̃sal mi ngesɛ, ɛ̃sal mi éfaal ndɛ wu Nziã ŋ’ɛ̃kwel-ɛ̃kwel, kwɛn bia-byɛ esa myɛ̃.
Obɔ otsɛn bɛn, bee ãŋã k’ãfa wɛ. Onkyam ŋɛn nzuru a bee ebebii etsii-etsii, ɔ̃fel a bee abekɔɔl ɔ̃nyiɔɔn tsoo bwɛn a tsoo.
Yeso bvool olieel ndiri: «Obɔ otsɛn bɛn mɛ̃ eyɛɛn byɛ wɛn, me ndɔɔ elaã e byɛ, ebee nguo okɛɛ me bvi èdza byɛ, wuo bvi enywã byɛ. Me ndɔɔ a nzuru a byɛ, ebee nguo okɛɛ me bvi èlaal byɛ. Elaã e byɛ k’enduru bvi-odza m’ɔ̃bvɛn wɛ, nzuru a byɛ hɛ̃ k’enduru ekɔ m’ɔ̃bvɛn wɛ?