Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Iitappe shaaketta;
lo7o miish ooththa;
saroteth koyada kaalla.
Neni GODAAN ammanetta;
lo7o oosokka ooththa;
histtiko neni biitta bolla
palahin daana.
Tani shemppora paxa dashe
GODAA kiyateth beyanayssa
hidota ooththays.
Abeet GODAWU!
Beniisofe diza ne qadheteththaanne
ne kiyateththa hassa7a.
Ta yelagateththa nagaranne
mooro hassa7oppa;
Abeet GODAWU!
Ne gita kiyateththa malanne
ne lo7eteththa keena tana qoppa;
GODAY ba oge ubbaan xillo;
izi ba ooso ubbaan kiya.
He wode neni xilloteth,
suure pirda,
geellay baynda pirdanne
lo7o oge ubbaa shaakka erana.
Asappe koyettizay mino siiqo;
wordanchcha gidanaappe
manqoteththi lo7o.
Ayana ayfey gidikko siiqo, ufays, saroteth, dandaya, kiyateth, lo7eteth, ammaneteth, ashketeth, barkka bana haaro; haytantta mala diggiza wogay baa.
Hessa gishshas nuus dandayettiko asa ubbaas harappeka ammaniza asaas ane lo7o ooththoos.
Koshshiza mala hankko siyizayta go7izaazinne maaddiza qaalappe attiin go7ay baynda qaalay intte doonappe kezoppo.
Inttena Xoossi Kirstoosa baggara atto gida mala intteka intte garsan atto atto geetettite; issoy issaara kiyatanne issoy issaas qadhettizayta gidite.
Intte siiqoteththi qoodheppe qommon gidoppo; iita gididayssa wursika ixxite. Lo7o gididayssara issife oykettite.
Iita lo7o ooson xoona attiin iitan xoonettofa.
Wurikka taas imettides shin wurikka tana go7izaaz gidenna; wurikka taassa shin wurikka tana maaddenna.
Intte balettofte! Iita laggeteththi lo7o amalera dizayta moorees.
Ubba wode haniza ubbaan intte inttes gidi palahidi hara lo7o oosos gidana mala Xoossi inttes ba anjjo gujji immanaas dandayees.
Hessaththoka maccassati bonchchora bana shiishshi ekkidi bessiza may7o may7etto attiin ba hu7e daddi ekkidi woykko al7o may7o, worqqanne inqqu aaththidi walqqi walqqi gooppetto. Gido attiin Xoos woossoos giza maccassati isttas ooththana bessiza lo7o ooson lo7etto.
Izikka nuna iitateththaafe wozzanaassinne lo7o ooththanaas minniza ba dere baas dooranaas bana nuus aaththi immides.
Hessa gaason hayssafe kaalliza miishshati inttes gujettana mala ane minnite. Ammano bolla kiyateth, kiyateththa bolla erateth, erateththa bolla bana haaro, bana haaro bolla dandayan mineteth, dandayan mineteththa bolla Xoossas goyno, Xoossas goyno bolla ishanttara doseteth, ishanttara doseteththa bolla siiqo gujjite.
Intte lo7o ooththanaas minettiko intte bolla iita miish gaththanay oonee?
GODAY, «Daggala oge bolla
eqqi xeellite;
beni ogeyo oychchite;
Lo7o ogey awaarii? Izira biite;
intte intte shemppos
shemppo demmana;
intte gidikko,
‹Nu izira bookko!› gideta.
GODAY lo7o;
meto gallassika qotetti attizaso.
Izan ammanettizayta naagees.
Asi xomppe oyththidi keeththan diza asaa kumeththaas poo7ana mala dhoqqasohon woththees attiin geemasohon woththi erenna. Hessaththoka asay intte lo7o ooso be7idi salon diza intte Aawaa bonchchana mala intte poo7oy asa sinththan poo7o.
Intte aaway kiya gidida mala intteka kiyata gidite.