Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Ba yoba Mudu Murubuglo duglo beglkwa igne, ye meglmara kogon eruko, ye mogo wakai keglkwa. Ye deno muduno ikne ikne tedre, gun yei, deno muduno wida di idre, deno tabre kubrokre, yoba ere wakai ere te, ye ama ka dimara adigl moglsre, mabuno wakai beglkwa. Te, ye ama kiede mogl, deno muduno goglo i, ake atne edigwa. Mabuno wakai pra pra i, yoba lo ta ere padigl, mane dikrikwa.
Yegl pre konbauna ta yenabuka igne, yoba mudu ere wakai ere tenamga paugwa ba nono ka swara pre medigl, yugobuno swara munga i, ye ka kaima ere wakai ere tenamga paugwa.
Ana ene ka dinaiglkwa i, ka kide ya ka tewe ki dikrio. Ene ka yomere pamere didre, te, ene ka siragl mere dibi, yoba ake ple di tenan, wakai moraiglkwa i keme dio.
Ene mabuno yegl kide kodidre, yoba deno muduno tedre, enene ikne ikne ere wakai erio. Te, God komono kana ere mogl, ye Kere Yugwa Yagl kogon erumara i mina ene tadaglmeno gugl ede tomere kuno yegl mere, yoba ta ene ere kide ere tenabuka i, ene ake moglkre, ere ede teo.
Ene yoba gumuglno mina ye deno muduno teigwa dagl ere, ye mokono mina deno muduno ta tekribi, kuno erekrukwa. Ene yoba ka kaima deno muduno teo. Te, mabuno kide ta panabuka i, ene kide kan, erekre, mabuno wakai ta panabuka i ake gi di mogl, erio.
Te, mabuno kide ene yobuglo ere norabedi kanige erekrio. Ene mabuno wakai ersre, mabuno kide egre atne edio.
Ana ene tau digwa i, No God yobama mogl kodumga pre mabuno kane kane ta eramnedi pramga i, eramga aglau ta paikrumiwe digwa, ba ka digwa i kuno ta erekrukwa. Mabuno tau eramga i, nono ta ake ple di norokrabuka pre nono kiano mina ta yakekramga.
Yoba ene bakagl tedre, Goglsre, adigl u kor ta pikramne dinaiglkwa i, ene prikrio. Yoba ka kide yegl didre, mabuno kide erikwa i bogl, ene si dakagl meglbi, ene nomano ama u kide enan, ene mabuno wakai ta boglkre, mabuno kide ama boraiglkwa.
God ene wakai kandre, ere wakai ere tedre, ake ple di tomara i, taragl tau mere i kodumnedi prisre, yoba pere ake ple di tenamga i kuno erumedi prio.
Abu mabuno yegl eraiglkwa
Ana abu we, ye kugugl gagl edenaiglkwa i, ogono nagino wakai ere si bi dinaiglmedi prika. Ye yagl no kanaiglmedi bitno yugu bai akidre, taragl gol ya bis nugu mige podo boglkwa mo kugugl gagl mige podo boglkwa i ta edekraiglkwa. Ye ekin wakai garamnedi pribi, ye ebrie mabuno wakai beglbi, ye ebrie mabunono i mina ye ekin wakai gaiglkwa mere yegl moraiglkwa. Abu ta ye God kamo sika sumne dinaiglkwa i, ye ebrie mabuno yegl beglbi, kuno erabuka.
Krais Jisas nono pre goglkwa i, ye prukwa, Na yoba pre goglsre, ye tadagmeno mudu koko ede te, ye deno muduno ere edibo, pe sinan, ye na yobanama kaima moraiglmiwa. Moglsre, mabuno wakai ta panabuka i keme gun yei tedre, eraiglmiwe di, yegl prisre, nono pre goglkwa.
Ana Jisas taragl kane kane noro kodugwa i pre ene Jisas pre mediglmara i mabuno du eramnedi kogon podo erio. Te, ene mabuno du eraiglmara i, ama nomane wakai io. Te, ene nomane wakai inaiglmara i, ama mabuno kide ta deno muduno mina pogglau borabuka i, mane di teo. Te, ene mabuno kide mane di tenaiglmara i, yubun unabuka igne adigl gigledi molo. Te, ene adigl gigledi moraiglmara i, ene God mabunomo ta panabere i erio. Te, ene God mabunomo pamere eraiglmara i, ene agroma abaroma wakai kanio. Te, ene agroma abaroma wakai kan moraiglmara i, yoba ama deno muduno teo.
Krais mabunomo duglo boglsre, yubun tau inamga paugwa
Ana ene mabuno wakai keme eramnedi kogon podo eribi, yoba ta ene ere kide ere tenaiglmo? Ta ere tekraiglkwa.
Te, yoba lam ere gaglsre, degigl gagl mina atne edekrikwa ba lam beyemo mina padigl, nogugl yeigo, yoba mudu yugugl meglkwa i, abuglagemo kanigwa. Kuno yegl mere ene mabuno wakai bogl, abuglage mere yegl meglbi, yoba pere kandre, ene Neno heven ibo moglkwa i, kagie kade tenaiglmiwe dugwa.
Ene Neno Kade yoba mudu mitno goglsre, ere wakai ere tomere yegl, ene ama kuno yegl erio! di, Jisas yegl dugwa.