Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Ama Ɗa suru n ti ɓɛɛ ɔrinɛ, sisɨn puru ntanɛ, ɔ̃nɛbiinyatɔ̃nɛ, sisɨnmɛɛnɛ, tɔ̃vɨn pɛlinɛ, vitɔ̃vɨng, vipɛlinɛ a sisɨn gbete, yuroorinɛ, a yuu sãnɛ. Nya-ãsinɛ wɔɔ ji zãri vimiyi ɓa.
Aru nankɔ ukɛ kpaa nyabanɛ u pɛli ko-piya vitɔ̃vɨngtɔ, badijo shɔgbete u wɛrɛ gbete atette sisɨn ãnɛyɛ.
Ɔkɔɔ shɛshi ruukɔ̃linɛ nɛ awɔ nyani, ama ɔ shɛshi jo ruu tɔ̃vɨn. Ruugbete masi shɔbii a vishonɛ tɔ̃vɨn gbete yɛ ãwɔ vigbete ɔ kasiyɛ, nɔgbete ɔ kɛ shanɛ u ɔ̃ ji vitɔ̃vɨng a shɔgbete i wesho awɔ nyayɛ.
Anɔgbete ɔ pɛli nankɔ ɔ pɛli zɔ vitɔ̃vɨngtɔ, ɔ yaasi zɔ ruuvinitɔ nagbete Ɗalapa yasɔɔ ruuvini a Kirisi kabiiyɛ.
Zɔ ɔrinɛ ukɔ ɔ̃rɛ vitɔ̃vɨng pẽniba. Ɔ bɛ̃ɛ̃ rukɔ̃li a ɔ̃ vilanɛ yɛ tɔ, ɔ sã ɓɛjo nyaba tɔ̃vɨn pɛlinɛ.
Ɔkɔ ya rukɔ̃linɛ u rawɔ sisɨnrɛ, ama ɔ yiki rukɔ̃linɛ a vitɔ̃vɨng pɛlinɛ.
<<Shɔ yaasiu nyaba vi pɛlinɛ tɛttɔ piti kpai,>>i sha jo nankɔ. Viwaa pɛ nizɛ, ama ɓa tɔ̃vɨn ko piti ɓa. <<Shɔ yaasiu nyaba vi pɛlinɛtɛ piti kpai>> ama ɓa vi piti yɛ pɔ̃siu naarɛ a vishonɛ ni ɓa.
Ɔkɔ ɗakaɔɔ yuunɛ!<<ɔ̃nɛ a shɔ lanɛyini ukɔ lɛsi ɔ̃nɛ shɔ tɔ̃vɨn yirɛ.>>
Ɗalapa zɛnɔtɔ u ãwɔ vigbete ɔ kasiyɛ waanɛ, aruviya ɔ kpaa vi gbete ɔ kasiyɛ kpai au tɛɛ namtɔ, aru ɔ pɛli vishonɛ tɔ̃vɨn.
N kasi sɔ̃n, soroyi i bariki bi gbete ntotɔyɛ i tosi fãrãtɔ tɔ̃vɨn tɛpɛ-tɛpɛ; ikɔyi bariki vinɛ a sɔ̃yuu bang nɛyi baasipɛrɛ, ko fãrã mɛɛ, ko vikɔrɔ, ko fãrã au saa yuu bang, Ama i shovishonɛ tɔ̃vɨn, gbete yɛ tasinɛi pɛ so gbeteyi ɓayi yuunɛ i pɛ shɔ Ɗalapa bassinɛ.
Yesɔ kɔ ãu yuurɛ a vɔrɛ au yuuni, aru u raau a ruuvini ni kpai u pɔ̃urɛ u ɔ̃ u shɔ wɔsɔ-wɔsɔ, badijo shɔ gbeteyi sisɨn vitɔ̃vɨng pɛlinɛ ɗɔnyɛ.
Aru nankɔ aru ɔ ã sisɨn a Kirirsi bi ɔ ma sisɨn ɔ pɛli vitɔ̃vɨng awɔ sisɨn ãnɛni, awɔ vitɔ̃vɨng pɛlinɛ ɔ ɔ̃ a vizɛnɛni; awɔ vitɔ̃vɨng pɛlinɛ ɔ yɛ kpaa vizɛnɛtɔ. Awɔ vizɛnɛ Ɗalapa ɔ ɔ̃ shɔ yuu sãnɛ; awɔ yuu sãnɛ ɔ ɔ̃ a sisɨnmɛɛnɛni; awɔ sisɨnmɛɛni ɔ kã ɔ̃nɛ Ɗalapa; awɔ ɔ̃nɛ Ɗalapa ɔ ɔri zɔtɔ; ɔ ɔri kopiyatɔ.
Shɔu yɛ lɛsɔɔ piya naa ɔkɛ pɔ̃ sisɨnnɛ a vi tɔ̃vɨn pɛlinɛyɛ?
Shɔ dɔɔ yaa pitila kati a kukki vi aɗɔn ya. Shɔyɛ pɔ̃u a laa gbete shɔ pɔ̃liyɛ, ã ɗɔsẽsẽ kɛkn a wɛrɛ piti kpang kpang. Ji nankɔ, mɔkɔ ma a ɔ̃ jo sẽsẽ a shɔ ɗekɨn, nɔgbete shɔ yɛ zɛvi tɔ̃vɨn aa bi shɔ bɛli meyeu gbete a kolapayɛ.
Ɔ ɔ̃ shɔ -shɔraa ntanɛ naa ɔ Uɓeyelapa nta shɔ raayɛ.