22 Bale, ərə ə̂në Âgbɔ̂ Yîrə̂ nə sə kə mbrə nə lə əzü kɔ kə də̂: kə yi tə̂, ə̂rû, blatshe, kə ru tshelə, ə̂rɔ̂ lɔsu, ə̂rɔ̂tə̂, kə sə tə əzü ə̂në tshə lï ndə kə pa azü za lɔsu nɔ̂ kə ətshə, 23 kə mbrə tə̂ əzü lə zɨtɨ nə, kə wusə̂ äwä kə ru tə̂ əzü; âgbɔ̂ əpʉ wəra tə̂ ye wəra tə̂ marä tə̂ aərə səke ne.

10 Rəkɔ, alɔ ə̂në äwä nə â sə je tə̂ əzə̂, a mbrə̈ ə̂rɔ̂ nə kə azü nɔ̂, ə̂dû nə nɔ̂ kə alaye əzə̂ lə əpʉ lɔsu nə.

29 Ə̈bə̈ əmbrʉ əpʉ bale wü wütu lə ama e ne, bale kədə äwä nə â sə je, ə̂rɔ̂ əpʉ ə̂në ə lï ndə kə gbɔgbɔ əzü kɔ ə sə kə mbrə ə̂rɔ̂nə kə azü ə̂në əndje sə kə dji nə kɔ ka ə wutu lə ama e.

32 E sə̈ də ə̂rɔ̂ lɔsu lə takpa tə̂ e ə yï tə̂ e də lɔsu e nɔ̂; e gbä aəpʉ lə kumu angâ e lə takpa tə̂ e, mata ə̂në Ndjapä nə gbâ aəpʉ lə kumu e tə̂ äwä Kristə nə gâ ye kɔ.

9 E yïndə azü yï də lɔsu e bishi ne. E wə̈ra tə̂ e tə̂ əmbrʉ ərə də lɔsu e bale; e zä tshelə e nɔ̂ gâ tə̂ kə mbrə ə̂rɔ̂ ərə.

21 Kätə̂ äwä kä kə əmbrʉ ərə ə ro pâ zə ne, bale ro pâ əmbrʉ ərə nə tə̂ äwä ə̂rɔ̂ ərə.

23 Alabə̈ azü sə kə pa: «Əndje zâ äwä kə əzü ndə kə mbrə ərə nɔ̂», banda əpʉ, bale, ərə nɔ̂ sə sə tə ə̂rɔ̂ ərə mbrə əzü ne. «Əndje zâ äwä kə əzü ndə kə mbrə ərə nɔ̂», bale ərə nɔ̂ gbɔgbɔ əzü gbɔgbɔ ne.

33 E frɔ̈ tə̂ e frɔ̈ ne: «Bə te gbɔbəngâ də aəmbrʉ azü, bə sə kə mbrə tə əmbrʉ əzü.»

8 Bale, Ndjapä lï ndə kə pa tshə ko adongo aərə nɔ̂ kə e, ndə kə pa e sə də aərə alɔnɔ̂ ə lï də e ə sə də aərə kwatəndje ngbatshe ndə kə mbrə də ə̂rɔ̂ kosəra nɔ̂.

9 Mə yi ndje ndə nə ə pa ayashe yi ləba də äwänə, tə̂ äwä kə lʉ tə̂ əndje, lə zɨtɨnə; əndje mbrə̈ kumu əndje mbrə̈ də aərə gao ə yï yï aərə lɔrə wala aərə tshelə əgʉ wala aləba əgerə ngendja ne. 10 Bale, əndje mbrə̈ gao tə̂ äwä kə mbrə aə̂rɔ̂ aərə ə̂në ə lï ndə kə pa ayashe ə̂në əndje tɔ popo Ndjapä kɔ mbrə.

14 Tshə kâ tə̂ ye tə kuzu mbrə əzə̂, ndə kə pa tshə djɔ əzə̂ lə əmbrʉ ərə nɔ̂ ə yutu əzə̂ ndə kə pa a sə tə adjera azü nə̂ ye, ə̂në əndje sə də əgo kə mbrə aərə ə̂në ə ga ə ga kɔ.

5 Mbrə əpʉ səkɔ ndje, e mbrə̈ nɔ̂ ndə kə pa, gâ pâ əpʉ lɔsu e nə, e za əpʉ kə mbrə aərə tə ə̂rɔ̂nə; gâ pâ əpʉ kə mbrə ərə tə ə̂rɔ̂nə, e zä əpʉ djatra kə wusə̂ ərə; 6 gâ pâ əpʉ djatra kə wusə̂ ərə nə, e zä əpʉ kə wusə̂ kə ru tshelə e tə̂ aərə; gâ pâ əpʉ kə ru tshelə e tə̂ aərə nə, e zä əpʉ kə ru ə ru lə aərə nɔ̂; gâ pâ əpʉ kə ru ə ru lə aərə nɔ̂ nə, e zä əpʉ kə tɔ popo Ndjapä; 7 gâ pâ əpʉ kə tɔ popo Ndjapä nə, e zä əpʉ kə yi tə̂ tə alaye; gâ pâ əpʉ kə yi tə̂ tə alaye nə, e zä əpʉ kə yi tə̂.

13 Rəkɔ, əde kə gi əyo tə̂ e, kədə e ma əgo kə mbrə ə̂rɔ̂ ərə?

15 Əzü za əwo za gâ lə lamba ndə kə za gâ tshekudu ləsû ne. Bale, tshə sə kə za di gâ tə̂ ərə gâ lafɔ ndə kə pa azü tshelə anda nə nɔ̂ lishi ndə ə̂yî nə. 16 Ə̂yîəwo nə̂ e tshë ndje äwä bale rə lə ala azü, ndə kə pa əndje wu aə̂rɔ̂ aərə ə̂në e sə kə ma kɔ, ka ə mbe Abä e ə̂në tshə sə mâ lafɔ kɔ.»

36 «E sə̈ də ə̂rɔ̂ lɔsu mata ə̂në Abä e sə də ə̂rɔ̂ lɔsu kɔ.