Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
ತೆನೈಸೊ ಕ್ಹುದಾನಿ ಅತ್ಮಾಮಾತಿ ಹುಟ್ಟಾನಿ ಮಯಾ, ಸಮಾದಾನ, ಶಾಂತಿ, ಖುಶಿ, ತಡ್ದಿಲಿವಾನು, ಮರಗಾನು, ಉಪಕಾರ, ಬರೊಕ್ಹೊ, ಸಾದುತ್ವ ಅಪ್ನಾಕ್ಹು ಅಪೊನೆ ಹತೊಟಿಮಾ ಮ್ಹೆಲ್ಲಿವಾನು. ಇವ್ನೊನೆ ತಪ್ಪ ವ್ಹೈ ಕೈನ ಕಯುಜ಼ ಧರಮಶಾಸ್ತ್ರ ಕತು ನೈ.
ಕಿನೆಬಿ ಚೊ಼ಕು ಕರಾನೆ ಮೌಕೊ ರ್ಹತಾಮಾ ಅಪೆ ಕರುಜ಼. ತ್ಯವಾಮಾ ಯಕ್ಕಜ಼ ಘರವಾಲಾ ನಿಂಗತ ರ್ಹಯಲ ವಿಶ್ವಾಸಿಯೊನಾ ಹುತಿ ಅಪೆ ಖಾಸ ಕರಿನ ಧ್ಯಾನ ದ್ಯು.
ತುಮಾರಾ ಮ್ಹೊಡಾಕ್ಹು ಕೆಟ್ಟ ವಾತೊ ಔ ನೈ. ಭಕ್ತಿನೆ ಘಟ್ಟ ಕರಾನಾ ಕಾಲನೆ ಕರೆಟ್ಟ ರ್ಹಯಲ ವಾತೊ ರ್ಹಯಾರೆ ಐಕಾಲಾವೊನಾ ಚೊ಼ಕಾನಾ ಹುತಿ ತೆ ಕವೊ.
ಯಕ್ಕನೆ ಯಕ್ಕ ಮರಗಾ ದೆಕಾಡೊ. ಯಕ್ಕನೆ ಯಕ್ಕ ಮಯಾ ಕರೊ. ಕ್ಹುದಾ ಕ್ರಿಸ್ತಮಾ ತುಮೊನೆ ಮಾಪ ಕರಲ ನಿಂಗತ ತುಮೆ ಯಕ್ಕನೆ ಯಕ್ಕ ಮಾಫ ಕರೊ.
ತುಮಾರಿ ಮಯಾ ಕಪಟವಾಚಿ ರ್ಹವಾದೆ. ಕೆಟ್ಟ ಕಾಮೊನೆ ದ್ವೆಶ ಕರೊ. ಚೊ಼ಕಾ ಕಾಮೊ ಯಕ್ಕಜ಼ ಕರೊ.
ಕೆಟ್ಟತನಾ ತುಮೊನೆ ಹಾರಾ ಲಗಾಡಾನೆ ಮೌಕೊ ದಿದ್ಯಾವಾಚಿ ಚೊ಼ಕು ಕರ್ತಾಜ಼ ಕೆಟ್ಟನೆ ಹಾರಾ ಲಗಾಡೊ.
"ಸುಬಿ ಕರಾನೆ ಆಜಾ಼ದಿ ಛೆ" ಕೈನ ಕೆ ಸಕೆಸ ಸು. ತೆನೈಸೊ ಕ್ಹಾರು ಉಪಯೊಗ ನ್ಹವೈ. ಸುಬಿ ಕರಾನೆ ಆಜಾ಼ದಿ ಛೆ. ತೆನೈಸೊ ಕ್ಹಾರುಜ಼ ಅಭಿವೃದ್ಧಿ ಕರ್ತು ನೈ.
"ಮೊಸ ಜಾ಼ವೊ ನಕೊ; ಕೆಟ್ಟ ಸವಾಸ ಚೊ಼ಕಾ ಪನನೆ ಕೆಡಸಸ್"
ಕ್ಹುದಾ ಕ್ಹಾರಾ ಬಿಜಾ ಥಯಲ ದಾನಾವೊನೆ ತುಮೊನೆ ಧಾರಾಳ ಥೈನ ದಿವಾನಾಹುತಿ ತಾಕತವರ ಥಯಲಕ್ಹು , ತುಮೆ ಕೆಳಾಮಾಬಿ ಕ್ಹಾರಾ ವಿಶಯೊಮಾ ಪರಿಪೂರ್ಣವಾಲಾ ಥಯನ ಘನಾ ಕಾಮೊನೆ ಕೈನ ಕರಾಲಾ ಥಯನ ರ್ಹೌ.
ಇನಾ ನಿಂಗತಜ಼ ಹೆಣ ಮನಕ್ಹೊ ತ್ಯುನೊನೆ ಚಾ಼ಯೆಥಯಲ ವಣ್ಣಾಜ಼ ತ್ಯುನೆ ಘಾಲ್ಯು ಕೈನ ಮಾರಿ ಆಸ ವ್ಹೈ. ತ್ಯುನಾ ವಣ್ಣಾ ತ್ಯುನೆ ಮರ್ಯಾದಿ ವಾಲಿಯೊ ವ್ಹೈ ಕೈನ ದಿಕ್ಹಾ ವರಕ್ಹಾ ರ್ಹೌ. ತ್ಯುನೆ ಚೊ಼ಕಿಯೊ ದಿಕ್ಹಾನೆ ತ್ಯುನಾ ಬಾಲೊ ಭಾಂದಿಲ್ಯು ನೈ; ಕ್ಹೊನು ವರಿ ಮೊಗಾನಾ ವಣ್ಣಾ ಘಾಲ್ಯು ನೈ. ತೆನೈಸೊ ತ್ಯುನೆ ತೆ ಬಾಕಡಿಯೊ ತ್ಯುನೊನೆ ಚೊ಼ಕಾ ಕಾಮೊ ಕರಾನಾ ಹುತಿ ತ್ಯುನಿ ಸುಂದರತಾ ದೆಕಾಡಿಲ್ಯು. ಕ್ಹುದಾನೆ ಆರಾಧನಾ ಕರೆಸ ಕೈನ ಕವಾಲ್ಯೊ ಹೆಣ್ಣ ಮನಕ್ಹೊ ತ್ಯುನೊನೆ ತಯ್ಯಾರ ಕರಲ್ಯು.
ತೆ ಅಪ್ನಾಹುತಿ ತಿನೆ ತೆಜ಼ ಒಪ್ಸಿನ ದಿದ್ಯೊಸ. ಅಪೊನೆ ಪಾಪಕ್ಹು ಛೊ಼ಡಾವಾನೆ ವರಿ ಕೆಳಾಮಾಬಿ ಚೊ಼ಕಾ ಕಾಮೊಜ಼ ಕರಾಲಾ ತಿನಾ ಪರಿಶುದ್ಧ ಮನಕ್ಹೊ ಥೈನ ಕರಾನೆ ತೆ ಮರಣ ವ್ಹಂದ್ಯೊ.
ತುಮೆ ಎ ಆಶಿರ್ವಾದ ಹೊಂದಿಲಿದಲಹುತಿ ತೆ ಕ್ಹಾರು ತುಮಾರಿ ಜಿವಿತಮಾ ಉಪಯೊಗ ಕರಲಿವೊ ತುಮೊನೆ ಥಯಲ ತೆಕ್ಲು ಕೊಶಿಶ ಕರೊ. ತುಮಾರಾ ಬರೊಕ್ಹಾನೆ ಸದ್ಗುಣ ಸದ್ಗುಣನೆ ಗ್ಯಾನ ಗ್ಯಾನನೆ ದಮೆ ದಮೆನೆ ತಾಳ್ಮೆ ತಾಳ್ಮೆನೆ ಕ್ಹುದಾನಿ ಸೆವಾ ಕ್ಹುದಾನಿ ಸೆವೆನೆ ಭಾಯೊನಿ ದೊಸ್ತಿನಿ ಮಯಾ ಕುಡ್ಸೊ
ತುಮೆ ಕೆಳಾಮಾಬಿ ಚೊ಼ಕೊಜ಼ ಕರಾನು ಕೊಶಿಶ ಕರತಾ ರ್ಹಯಾಮ, ಕುನ್ನಜ಼ ತುಮೊನೆ ಕೆಟ್ಟ ನೈ ಕರತು.
ಮನಕ್ಹೊ ದಿವ್ವಾನೆ ಹಂಡಾಮಾ ಝಾಕಿನ ನೈ ಮ್ಹೆಲ್ತಾ. ಮನಕ್ಹೊ ದಿವ್ವಾನೆ ದಿವ್ವಾನಾ ಖಂಬಾಪರ ಮ್ಹೆಲಸ. ತೆಳಾಮಾ ಘರಮಾ ರ್ಹಯಲ ಕ್ಹಾರಾವೊನೆ ಉಜಾಲು ಪಡಸ. ತಿನಾ ಲಿಂಗತ ತುಮೆ ಮನಕ್ಹೊನೆ ಉಜಾಲು ಥೈನ ರ್ಹೌ. ಇಮ್ಮ ತ್ಯುನೆ ತುಮಾರಾ ಚೊ಼ಕಾ ಕಾಮೊ ದೆಕಿನ ಸ್ವರ್ಗಮಾ ರ್ಹಯಲ ತುಮಾರಾ ಬಾನೆ ಸ್ತುತಿ ಕರಾದೆ.
ತುಮಾರೊ ಸ್ವರಗನೊ ಬಾ ಥಯಲ ಕ್ಹುದಾ ಮರಗಾಲೊ ರ್ಹಯಲ ನಿಂಗತಜ಼ ತುಮೆಬಿ ಮರಗಾಲಾ ರ್ಹವೊ.