Bíblia

16 Tha an sgriobtar uile air a dheachdadh le Spiorad Dhè, agus tha e tairbheach a-chum teagaisg, a-chum spreigeadh, a-chum leasachaidh, a-chum oilein ann am fìreantachd:

17 A-chum gum bi òglach Dhè coileanta, làn-deas a-chum gach uile dheagh obrach.

15 Agus o bha thu ad leanabh gum b’aithne dhut na sgriobtairean naomha, a tha comasach air do dhèanamh glic a-chum slàinte, tre an chreideamh a tha ann an Iosa Crìosd.

16 Tha an sgriobtar uile air a dheachdadh le Spiorad Dhè, agus tha e tairbheach a-chum teagaisg, a-chum spreigeadh, a-chum leasachaidh, a-chum oilein ann am fìreantachd:

17 A-chum gum bi òglach Dhè coileanta, làn-deas a-chum gach uile dheagh obrach.

20 Air dhuibh fhios seo a bhith agaibh air tùs, nach eil fàidheadaireachd air bith den sgriobtar o thogradh dhaoine fhèin.

21 Oir cha tàinig an fhàidheadaireachd a rèir toil duine o shean: ach labhair daoine naomha Dhè, mar a sheòladh iad leis an Spiorad Naomh.

15 Dèan dìcheall air thu fhèin a nochdadh dearbhte do Dhia, ad shaothraiche nach ruig a leas nàire a ghabhail, a’ roinn facal na fìrinn gu ceart.

2 Searmonaich am facal, bi dùrachdach ann an àm agus ann an an-àm; spreig, cronaich, earalaich leis an uile fhad-fhulangas agus theagasg.

13 Gus an tig mi, thoir an aire do leughadh, do earail, do theagasg.

12 Oir tha facal Dhè beò agus cumhachdach, agus nas gèire na claidheamh dà fhaobhair air bith, a’ ruigheachd eadhon a-chum eadar-sgaradh an anama agus an spioraid, agus nan alt agus nan smear, agus a’ toirt breith air smuaintean agus rùintean a’ chridhe.

35 Thèid nèamh agus talamh thairis, ach cha tèid mo bhriathran-sa thairis a-chaoidh.

4 Ach fhreagair esan agus thubhairt e, Tha e sgrìobhte, Chan ann le aran a-mhàin a bheathaichear duine, ach leis gach uile fhacal a thig o bheul Dhè.

10 Oir mar a thig an t-uisge a-nuas, agus an sneachd o nèamh, agus nach till e an sin, ach gun uisgich e an talamh, agus gun toir e air fàs torrach, agus toradh a thabhairt uaithe, a-chum gun tabhair e sìol dhàsan a chuireas, agus aran dhàsan a dh’itheas;

11 Is amhail a bhios m’fhacal-sa a thèid a-mach as mo bheul: cha till e am ionnsaigh gun tairbhe; ach coileanaidh e an nì as àill leam, agus bheir e gu buil an nì mun do chuir mi a-mach e.

17 Naomhaich iad tron fhìrinn: is e d’fhacal-sa an fhìrinn.

39 Rannsaichibh na sgriobtairean, oir tha sibh a’ saoilsinn gu bheil a’ bheatha mhaireannach agaibh annta; agus is iad sin a tha a’ toirt fianais mum thimcheall-sa.

25 Ach fanaidh facal an Tighearna gu sìorraidh. Agus is e seo am facal a shearmonaicheadh dhuibhse anns an t-soisgeul.

9 Ciod leis an glan an t-òganach a shlighe? Trìd faicill, a rèir d’fhacail.

160 O thoiseach is fìrinn d’fhacal-sa, agus gu bràth mairidh uile bhreitheanais do cheartais.

SCHIN

11 Bha iad sin na b’uaisle na muinntir Thesalonìca, oir ghabh iad am facal dan ionnsaigh leis an uile thogradh, a’ rannsachadh nan sgriobtar gach aon là, a dh’fheuchainn an robh na nithean sin mar sin.

2 Agus mar a bu ghnàth le Pòl, chaidh e a-steach dan ionnsaigh, agus air trì làithean sàbaid reusonaich e riu as na sgriobtairean,

3 Gam fosgladh agus a’ dearbhadh gum b’èiginn do Chrìosd fulang, agus èirigh a-rìs o na mairbh: agus gur e an t-Iosa seo a tha mise a’ searmonachadh dhuibh, Crìosd.

30 Agus ruith Philip da ionnsaigh, agus chuala e e a’ leughadh an fhàidh Esaias, agus thubhairt e, A bheil thu a’ tuigsinn nan nithean a tha thu a’ leughadh?

31 Agus thubhairt esan, Cionnas as urrainn mi, mura seòl neach-eigin mi? Agus dh’iarr e air Philip teachd a-nìos, agus suidhe maille ris.

32 A’ chuibhreann den sgriobtar a bha e a’ leughadh, b’i seo i: Thugadh e mar chaora a-chum marbhaidh; agus mar uan a tha na thosd am fianais an fhir-lomairt, mar sin cha d’fhosgail e a bheul:

35 An sin dh’fhosgail Philip a bheul, agus a’ tòiseachadh on sgriobtar sin, shearmonaich e Iosa dha.

10 Oir dh’ullaich Esra a chridhe a dh’iarraidh lagh an Tighearna, agus ga dhèanamh, agus a theagasg ann an Israel reachdan agus bhreitheanas.

25 An sin thubhairt e riu, O dhaoine amaideach, agus mall-chridheach a chreidsinn nan nithean sin uile a labhair na fàidhean!

26 Nach b’èiginn do Chrìosd na nithean seo fhulang, agus dol a-steach da ghlòir?

27 Agus air dha tòiseachadh o Mhaois, agus o na fàidhean uile, dh’eadar-mhìnich e dhaibh anns na sgriobtairean uile na nithean ma thimcheall fhèin.

18 Agus thàinig Iosa, agus labhair e riu, ag ràdh, Thugadh dhòmhsa gach uile chumhachd air nèamh agus air talamh.

19 Uime sin imichibh-se, agus dèanaibh deisciobail de gach uile chinneach, gam baisteadh ann an ainm an Athar, agus a’ Mhic, agus an Spioraid Naoimh;

20 A’ teagasg dhaibh na h-uile nithean a dh’àithn mise dhuibh a choimhead. Agus, feuch, tha mise maille ribh a-ghnàth, gu deireadh an t-saoghail. Amen.

7 Agus air imeachd dhuibh, searmonaichibh, ag ràdh, Tha rìoghachd nèimh am fagas.

8 Agus thàinig facal an Tighearna da ionnsaigh, ag ràdh,

1 Facal an Tighearna a thàinig a-chum Ioeil mhic Phetueil.

19 Thàinig facal an Tighearna fòs gu Ieremiah, ag ràdh,

1 Fàistneachd facal an Tighearna a-chum Israeil, le Malachi.

8 An sin thàinig facal an Tighearna gu Sechariah, ag ràdh,

4 An sin thàinig facal an Tighearna a dh’ionnsaigh Isaiah, ag ràdh,

1 Tha Spiorad an Tighearna Iehòbhah orm, do bhrìgh gun d’ung an Tighearna mi; a thoirt deagh sgeòil don mhacanta chuir e mi; a cheangal suas luchd a’ chridhe bhriste, a dh’èigheach fuasglaidh do na braighdean, agus fosgladh a’ phrìosain dhaibhsan a tha ceangailte;

2 A dh’èigheach bliadhna thaitneach an Tighearna, agus là dìoghaltas ar Dè-ne; a thoirt comhfhurtachd dhaibhsan uile a tha ri bròn;

3 A dh’òrdachadh do luchd-caoineadh Shioin, a thoirt dhaibh maise an àite luaithre, ola aoibhneis an àite bròin, èideadh molaidh an àite spiorad airtneil; a-chum gun goirte dhiubh craobhan fìreantachd, a shuidhich an Tighearna air sgàth a ghlòire.

5 Tha uile fhacal Dhè fìorghlan: is sgiath e dhaibhsan a chuireas an dòigh ann.

6 Na cuir-sa nì air bith ra bhriathran air eagal gun cronaich e thu, agus gum faighear breugach thu.

18 Oir tha mi a’ dèanamh fianais do gach uile neach a chluinneas briathran fàidheadaireachd an leabhair seo, Ma chuireas neach air bith ris na nithean seo, cuiridh Dia airsan na plàighean a tha sgrìobhte anns an leabhar seo:

19 Agus ma bheir neach air bith o bhriathran leabhar na fàidheadaireachd seo, bheir Dia a chuibhreann-san à leabhar na beatha, agus as a’ bhaile naomh, agus as na nithean a tha sgrìobhte anns an leabhar seo.

6 Is ioghnadh leam gun d’atharraicheadh sibh cho luath uaithesan, a ghairm sibh tre ghràs Chrìosd, gu soisgeul eile:

7 Nì nach soisgeul eile; ach tha dream àraidh gur buaireadh, len àill soisgeul Chrìosd a thilgeadh bun-os-cionn.

8 Ach nan dèanamaid-ne, no aingeal o nèamh, soisgeul eile a shearmonachadh dhuibh, ach an soisgeul a shearmonaich sinn dhuibh, biodh e mallaichte.

9 Amhail a thubhairt sinn roimhe, tha mise ag ràdh a-nis a-rìs mar an ceudna, Ma shearmonaicheas neach sam bith soisgeul eile dhuibh, ach an soisgeul a ghabh sibh, biodh e mallaichte.

15 Agus measaibh gur slàinte fad-fhulangas ar Tighearna; amhail a sgrìobh ar bràthair gràdhach Pòl mar an ceudna dur n-ionnsaigh, a rèir a’ ghliocais a thugadh dha;

16 Eadhon mar na litrichean uile, a’ labhairt annta mu na nithean seo; anns a bheil cuid de nithean do-thuigsinn, a tha an dream a tha neo-fhòghlaimte, agus neo-sheasmhach, a’ fiaradh, mar na sgriobtairean eile, a-chum an sgrios fhèin.

4 Oir ge bè nithean air bith a sgrìobhadh roimhe seo, is ann a-chum ar teagaisg-ne a sgrìobhadh iad; a-chum tre fhoighidinn agus chomhfhurtachd nan sgriobtar gum biodh dòchas againne.

14 Ach cionnas a ghairmeas iad airsan anns nach do chreid iad? Agus cionnas a chreideas iad anns an tì air nach cuala iad iomradh? Agus cionnas a chluinneas iad gun searmonaiche?

15 Agus cionnas a nì iad searmoin, mura cuirear iad? Mar a tha e sgrìobhte, Cia sgiamhach casan na muinntir sin a tha a’ searmonachadh soisgeul na sìthe, a tha a’ toirt sgeòil aoibhnich air nithean matha!

16 Ach cha robh iad uile umhail don t-soisgeul. Oir tha Esaias ag ràdh, A Thighearna, cò a chreid ar n-aithris-ne?

17 Uime sin, is ann o èisdeachd a thig creideamh, agus èisdeachd tre fhacal Dhè.

16 Oir cha nàir leamsa soisgeul Chrìosd: oir is e cumhachd Dhè e a-chum slàinte do gach neach a chreideas, don Iùdhach air tùs, agus mar an ceudna don Ghreugach.

17 Oir tha fìreantachd Dhè air a foillseachadh ann tre chreideamh gu creideamh: mar a tha e sgrìobhte, Bidh am fìrean beò tre chreideamh.

12 A-nis fhuair sinne, chan e spiorad an t-saoghail, ach an Spiorad a tha o Dhia; a-chum gum biodh aithne againn air na nithean sin a thugadh dhuinn gu saor le Dia.

13 Nithean mar an ceudna a tha sinn a’ labhairt, chan ann am briathran a theagaisgeas gliocas dhaoine, ach am briathran a theagaisgeas an Spiorad Naomh; a’ coimeas nithean spioradail ri nithean spioradail.

14 Ach cha ghabh an duine nàdarra ri nithean Spiorad Dhè: oir is amaideachd leis iad; agus chan eil e an comas dha eòlas a ghabhail orra, do bhrìgh gur ann air mhodh spioradail a thuigear iad.

21 Oir nuair, ann an gliocas Dhè, nach b’aithne don t-saoghal, tre ghliocas, Dia, bu toil le Dia le amaideachd an t-searmonachaidh iadsan a thèarnadh a tha a’ creidsinn.

22 Oir tha na h-Iùdhaich ag iarraidh comharraidh, agus tha na Greugaich a’ sireadh gliocais:

23 Ach tha sinne a’ searmonachadh Chrìosd air a cheusadh, na cheap-tuislidh do na h-Iùdhaich, agus do na Greugaich na amaideachd;

24 Ach dhaibhsan a tha air an gairm, araon Iùdhaich agus Greugaich, Crìosd cumhachd Dhè, agus gliocas Dhè:

17 Oir cha do chuir Crìosd mi a bhaisteadh, ach a shearmonachadh an t-soisgeil; chan ann an gliocas facail, a-chum nach cuirte crann-ceusaidh Chrìosd an neo-bhrìgh.

9 Ach is ginealach taghte sibhse, sagartachd rìoghail, cinneach naomh, sluagh sònraichte; a-chum gun cuireadh sibh an cèill feartan an Tì a ghairm à dorchadas sibh a-chum a sholais iongantaich fhèin: