16 Tutã Scritura easti insuflat di Dumnidzãlu sh lipsit trã nvitsari, cãndãrsiri, ndridzeari sh-educatsii ti ndriptati, 17 tsi omlu a Dumnidzãlui s-hibã perfectu, sh-itimãsit ti itsi faptu bun.

15 Di cu ficiureatsã l-cunoshti Sãmtili Scrituri, tsi pot s-ti facã shtiut trã ascãparea prit pistipsirea tsi easti tu Hristolu Isus. 16 Tutã Scritura easti insuflat di Dumnidzãlu sh lipsit trã nvitsari, cãndãrsiri, ndridzeari sh-educatsii ti ndriptati, 17 tsi omlu a Dumnidzãlui s-hibã perfectu, sh-itimãsit ti itsi faptu bun.

20 Prindi si shtits prota aestã: cã nitsiunã prufitsii a Scrituriljei nu easti amintat di la achicãsirea a prufitlui. 21 Cã nitsiunã prufitsii nu ari vinitã vãrãoarã di vrearea a omlui, ma oaminjlji atselji sãmtsã a Dumnidzãlui au zburãtã, insuflat di Duhlu Sãmtu.

15 Bagã mintea s-eshi nãintea a Dumnidzãlui ca om aprovat, ca lucrutor tsi nu ari cãtse si arushineadzã, cã dzãtsi ndreptu zborlu a alihiljei.

2 Preadicã zborlu, insisteadzã cu chiro sh-fãrã chiro, ndreadzã sh-vãrghea, urnipsea sh-nveatsã cu arãvdari.

13 Bagã mintea la ghivãsirea discljisã a Scrituriljei, la urnipsirea shi la nvitsãturã pãnã s-yinã mini.

12 Zborlu a Dumnidzãlui easti yiu sh-lucrutor, sh-ma struxitã di itsi spatã cu doauã tãljituri, shi si pitrundi pãnã tu dispãrtsarea a suflitlui sh-a duhlui, a noadilor sh-a mãduuãljei, sh-poati s-giudicã minduirili sh-vrearili a inimãljei.

35 Tserlu shi loclu va treacã, ma zboarili a meali nu va treacã."

4 Ma elu lj-apãndisi: "Scritura dzãtsi: ‘Omlu nu bãneadzã mash cu pãni, ma cu cathi zbor tsi easi dit ✝gura a Dumnidzãlui.’"

17 Sãmtsea-lji atselji tu alihea a ta. Zborlu a tãu easti alihea.

39 Voi cãftats Scriturili cã minduits s-avets prit eali banã eternã. Scriturili suntu aesti tsi mãrtirsescu trã mini.

25 ma zborlu a Domnului armãni di totãna."✝

Aestu easti zborlu, tsi easti ghini-hãbãrsitã a voauã.

11 Aeshti Iudei eara ma tinjisits dicãt atselji di Sãruna sh-lu apruchearã zborlu cu vreari mari. Cathi dzuã sitãxea Scriturili, tra s-videa macã aesti lucri eara di alihea.

2 Pavlu, dupã adetea a lui, intrã tu sinagogã sh-di trei Sãmbãti arada cuvinta cu nãshi trã Scriturili, 3 dimãndãnda sh-alihipsãnda a lor cã Hristolu prindea s-munduia sh-si nyeadzã dit mortsã, dzãcãnda: "Aestu Isus tsi mini vã dimãndu easti Hristolu."

30 Filipul s-dusi trãoarã la cãrutsã sh-avdzã atsel cãntãnda prufitul Isaia sh-lu ntribã: "U aducheshti atsea tsi ma cãntsi?" 31 Elu lj-dzãsi: "Cum pot s-aduchescu mini ma nu mi agiutã vãrã?" Dupã aestã acljimã Filipul tra s-alina shi-s shidea la cãrutsã ningã nãsu. 32 Loclu a Scrituriljei tsi elu ma cãnta eara aestã:

"Elu s-dusi ca oaia trã tãljeari,

ca un njel tsi pãpsi nãintea a tundeariljei,

sh-elu nu u discljisi gura.

35 Atumtsea Filipul discljisi gura ahurhinda di aestã Scriturã sh-elu aspusi hãbarea atsea buna trã Isusul.

25 Atumtsea elu lã dzãsi a lor: "Nimintimenji sh-aĝalnitsi tu inimã tra s-pistipsitsã itsido tsi au dzãsã prufitsilji! 26 Nu prindea tsi Hristolu si s-munduia shi s-intra tu mãrirea a lui?" 27 Deapoea elu apãrnji cu Moisiul sh-cu tuts Prufitsilji s-lã aspunea a lor tuti Scriturili tsi grea trã nãsu.

18 Deapoea Isusul s-apruche, sh-lã dzãsi a lor: "A njia nji si easti datã cathi puteari tu tser sh-pri loc. 19 Dutsets-vã sh-nvitsats ucenitsi di tuti fãrili, pãtidzãnda tu numa a Tatãlui, sh-a Hiljilui sh-a Sãmtului Duh, 20 shi s-nveatsã s-facã tuti aesti tsi mini am dimãndatã. Sh-ia, mini escu cu voi tuti dzãlili, pãnã tu bitisita a etiljei."

7 Dutsets-vã sh-predicats, dzãcãnda: ‘Amirãriljea a tserurilor s-apruche.’

18 Mini ma vã mãrtirsescu a tuts atsilor cai ascultã zboarili a prufitsiiljei a cartãljei aishtei: macã vãrã va s-adavgã tsiva atsilor, Dumnidzãlu va s-adavgã pri elji pledzili scriati tu aestã carti. 19 Atsilui tsi va scoatã tsiva dit zboarili a cartãljei aishtei prufitsii, Dumnidzãlu nu va lji da partea a lui dit pomlu a banãljei, dit Cãsãbãlu atsel Sãmtu, tsi suntu scriati tu aestã carti.

6 Mi ciudisescu cãt trãoarã ma vã dipãrtats di Dumnidzãlu, tsi vã acljimã tu harul a Hristolui, sh-ma vã turnats tu un altu evanghelu. 7 Altu evanghelu nu easti, ma suntu niscãntsã oaminji cai vã tulburã sh-vor si strãmbã evanghelu a Hristolui. 8 Ma, sh-ca s-hibã cã vãrã di noi icã vãrã anghil dit tser vã preadicã un altu evanghelu di atsel tsi vã avem predicat, atsel s-hibã blãstimat! 9 Ashã cum vã am dzãsã, tora vã dzãc nãpoi: Macã vãrã vã preadicã un altu evanghelu di atsel tsi voi avets aprucheat, atsel s-hibã blãstimat!

15 Sh-arãvdarea a Domnului a nostru lugursits-u ca ascãpari, di cum vã ari scriatã sh-fratili a nostru vrut Pavlu, dupã mintimeniljea tsi Dumnidzãlu lji deadi a lui. 16 Elu scrii idyili tu tuti epistolili a lui trã aesti lucri. Niscãnti lucri tu epistolili a lui suntu greli trã aduchiri, tsi nishtiutslji sh-niarãvdatslji li strãmbu, ashã di cum fac cu alti Scrituri trã aspãrgãciunea a lor.

4 Tuti cãti suntu scriati di ma nãinti, si scriarã trã nvitsãtura a noastrã, cu nãeti tsi, prit arãvdarea sh-prit inimusirea a Scriturilor, s-avem nãdii.

14 Atumtsea, cum va s-acljeamã atsel cai nu l-pistipsirã? Sh-cum s-pistipseascã atsel tsi nu u avdzãrã? Sh-cum s-avdã macã nu easti vãrã s-lã preadicã a lor? 15 Sh-cum s-preadicã, macã nu suntu pitricuts? Ashãtsi di cum easti scriat: "Cãti mushati suntu cicioarili atsilor cai dimãndu hãbarea atsea buna!" 16 Ma nu tuts ascultarã hãbarea atsea buna, cã Isaia dzãtsi: "Doamne, cai lji pistipsi a hãbariljei a noastrã?" 17 Ashãtsi pistea yini prit avdzãrea sh-avdzãrea yini prit zborlu al Hristos.

16 Cã mini nu am rushini di evanghelu, cã elu easti putearea al Dumnidzãu trã ascãparea a cathiunui cai pistipseashti, ma nãinti Iudeu sh-apoea Pãngãnlu. 17 Cã ndriptatea al Dumnidzãu easti aspusã tu nãsu dit pisti tu pisti cum easti scriatã: "Ndreptul va bãneadzã prit pisti."✝

12 Noi nu lom duhlu a lumiljei, ma Duhlu tsi easti di la Dumnidzãlu, tra s-cunushtem atseali tsi nã deadi prit har Dumnidzãlu. 13 Trã atsea noi zburãm, nu cu zboari nvitsati di la mintimeniljea a oaminjlor, ma cu zboari nvitsati di la Duhlu, sitãxinda lucrili duhuroasi a oaminjlor duhuroshi. 14 Omlu natural nu li aproachi lucrili a Duhlui a Dumnidzãlui, cã trã nãsu suntu zurleatsã sh-nu poati s-li aducheascã, cã atseali suntu sitãxiti prit Duh.

21 Cã metsi tu mintimeniljea a Dumnidzãlui, lumea nu l-cunuscu Dumnidzãlu prit mintimeniljea a ljei, lji arsi al Dumnidzãu s-lji ascapã atselji cai pistipsescu prit zurleatsa a predicariljei.

22 Cã Iudeilji caftã seamni sh-Elinji caftã mintimenilji, 23 ma noi predicãm Hristolu crutsisit, di unã parti cheatra di nchidicari trã Iudeilji sh-di alantã parti zurleatsã trã Pãngãnjlji. 24 Iarã trã atselji acljimatslji, cum Iudei sh-cum Elinji, Hristolu easti putearea sh-mintimeniljea al Dumnidzãu.

17 Cã Hristolu nu mi pitricu s-pãtedz, ma s-dimãndu Evanghelu, nu cu mintimeniljea a zborlui tra s-nu armãnã fãrã di puteari crutsea al Hristos.

9 Ma voi hits popul aleptu, priftsami amirãreascã, farã sãmtã, popul a lui aleptu di la Dumnidzãlu, tsi s-dimãndats mãrirea atsilui, tsi vã acljimã di ntunearic tu lunjina a lui atsea thãvmãtusita.