Bíblia
A Bíblia é a Palavra de Deus — viva, eficaz e mais cortante que espada de dois gumes. Toda Escritura é inspirada por Deus e útil para ensinar, repreender, corrigir e instruir em justiça.
Inspiração divina
Toda Escritura é inspirada por Deus. Homens santos falaram da parte de Deus movidos pelo Espírito Santo.
ಆ ಖ್ಹಾರಿಸ್ ನಿಯಮ್ ದೇವ್ನಿಖೂಜ಼್ಥಿ ಬಣಿರ್ಹೂಸ್. ಅಜು಼ ಅದ್ಮಿವ್ನ ಖ್ಹಾಚಿ ಪಢಂತ್ನ ಶಿಕಾಡನ, ಗಲತ್ ಕರವಾಳನ ಬರಾಬರ್ ಕರಾನ ಅಜು಼ ಇನಿ ಗಲತ್ನಖ್ಹಾಜೆ ಗುರ್ಕಾವಾನ, ಅಜು಼ ನೀತಿನ ಶಿಕಾನಾಬಿ ಫಾಯಿದೊ ಹುಯಿರ್ಹೂಸ್. ಅನಖ್ಹಾಜೆ ದೇವ್ನು ಅದ್ಮಿ ಧರ್ಮಶಾಸ್ತ್ರಥಿ ಚಾ಼ತುರ್ಹುಯಿನ್, ಅಮ್ನಿ ಪರಕ್ಮ ಅಖ್ಖೀಸ್ ತರ್ಹಾನು ಅಛ಼್ಛುಕಾಮ್ ಕರಾನ ಶಿಕಾಸ್.
ಅಡ್ಡಾಣಿಪರ್ಥೂಸ್ ತುನ ಪರಿಶುದ್ದ ದಪ್ತರ್ಮ ಲೀಖೈರ್ಹುತೆ ಮಾಲುಮ್ ಛಾ಼ನಿ, ಯೋ ದಪ್ತರ್ಖ್ಹಾರು ಕ್ರಿಸ್ತಯೇಸುಮ ಛಾ಼ತೆ ಭರೋಖ್ಹಾಥಿ ರಕ್ಷಣೆಲ್ಯವಾನಿ ಗ್ಯಾನ್ನ ತುನ ದ್ಯವಾನ ತಾಖತ್ನು ಹುಯಿರ್ಹುಸ್. ಆ ಖ್ಹಾರಿಸ್ ನಿಯಮ್ ದೇವ್ನಿಖೂಜ಼್ಥಿ ಬಣಿರ್ಹೂಸ್. ಅಜು಼ ಅದ್ಮಿವ್ನ ಖ್ಹಾಚಿ ಪಢಂತ್ನ ಶಿಕಾಡನ, ಗಲತ್ ಕರವಾಳನ ಬರಾಬರ್ ಕರಾನ ಅಜು಼ ಇನಿ ಗಲತ್ನಖ್ಹಾಜೆ ಗುರ್ಕಾವಾನ, ಅಜು಼ ನೀತಿನ ಶಿಕಾನಾಬಿ ಫಾಯಿದೊ ಹುಯಿರ್ಹೂಸ್. ಅನಖ್ಹಾಜೆ ದೇವ್ನು ಅದ್ಮಿ ಧರ್ಮಶಾಸ್ತ್ರಥಿ ಚಾ಼ತುರ್ಹುಯಿನ್, ಅಮ್ನಿ ಪರಕ್ಮ ಅಖ್ಖೀಸ್ ತರ್ಹಾನು ಅಛ಼್ಛುಕಾಮ್ ಕರಾನ ಶಿಕಾಸ್.
ಖಿವು ಪ್ರವಾದನೆನು ವಚನ್ಬಿ ಖಲಿ ಶೊಂತ್ ಅದ್ಮಿನಿ ಬುದ್ದಿಥಿ ಬೋಲಿವತಾಳಖ್ಹರ್ಕು ಕಾಹೆ ಕರಿ ಬೋಲಾನು ಮುಖ್ಯಾಥಿ ಪಹಿಲೆ ಮಾಲುಮ್ಕರಿಲೆವೊ. ಶನಕತೊ ಖೆವಿ ಪ್ರವಾದ್ನೇಬಿ ಕದೇಬಿ ಅದ್ಮಿನಿ ಮರ್ಜಿಥಿ ಆಯೂತೆ ಕಾಹೆ, ಕತೋಬಿ ಅದ್ಮಿಖ್ಹಾರು ಪವಿತ್ರಾತ್ಮಥಿ ಭರೈನ್, ದೇವ್ಥಿ ಲೀಲಿದೂತೆ ವಾತೇನಸ್ ಬೋಲ್ಯು.
ದೇವ್ನ ಡೋಳಾಮ ಲ್ಹಾಯಕ್ನು ಅದ್ಮಿಹುಯಿನ್ ದೆಖೈಲ್ಯವಾನಟೇಕೆ ತಾರಿ ಅಖ್ಖಿ ಶಕಥ್ಥಿ ಕೋಶಿಶ್ ಕರ್, ಅನೇಥಿ ವಾತೇಮಾಬಿ ರ್ಹವೊ ಇವ್ಣ ಕಾಮ್ ಖ್ಹಾರಾನಾಬಿ ರ್ಹವೊ ಖ್ಹರಮ್ ಕಾಡಾನಿಘೋಣಿ ನಾರ್ಹೇವ್ಣು ಅಜು಼ ದೇವ್ನಿ ಖ್ಹಾಚಿ ವಚನ್ ಬರಾಬರ್ಥಿ ಬೋಲಿದ್ಯವಾಳೊ ಹುಯಿರ್ಹೆ.
ದೇವ್ನಿ ಸುವಾರ್ತೆ ಅದ್ಮಿವೋನ ಅಛ್ಛಿ ವಖ್ಹತ್ಮ ಖಬರ್ ವಖ್ಹತ್ಮ ಬೋಲಿದೆ. ಅದ್ಮಿಖ್ಹಾರು ಕರ್ನುತೆ ಇನ ಇವ್ಣುನ ಬೋಲಿದೆ. ಇವ್ಣೆ ಗಲತ್ ಕರಾನಿ ವಖ್ಹ್ತೆ ಯೋ ಇನ ಒತಾಳ್, ಇವ್ಣುನ ಗುರ್ಕಾವ್, ಹುಮ್ಮಖ್ಹ್ರ್ಹಿನ್ ಘಣು ಖ್ಹಮಾಳಿರ್ಹೀನ್ ಅಜು಼ ಹೊಷಾರ್ಥಿ ಕರ್.
ಮೇ ಆವಾತೋಡಿ, ತೂ ಅಖ್ಖಾನ ಖ್ಹಾಮ್ಣೆ ವಚನ್ ಪಢಾಮ, ಬೋಲಿದ್ಯವಾಮ ಅಜು಼ ಶಿಕಾಡಾಮ ಹುಮ್ಮಖ್ಹ್ಥಿ ರ್ಹೇ.
Poder da Palavra
A Palavra de Deus é viva e eficaz. O céu e a terra passarão, mas as minhas palavras jamais passarão.
ದೇವ್ನಿ ವಚನ್ ಜಿವ್ತಜಾನ್ನು, ಕಾಮ್ ಕರ್ತುರ್ಯವಾನುಬಿ ಅಜು಼ ಖಿವಿ ಬೇಮ್ಹೋಡಾನಿ ತಲ್ವಾರ್ಥೀಬಿ ಚಾ಼ಲ್ತು ರ್ಹೀನ್, ಜಾನ್ನಬಿ ಆತ್ಮಾನ, ಕೀಲ್ ಬಿಶ್ಶಾನಾಬಿ ಅಲಕ್ ಕರಾಯೆತ್ರೆ ಪರಕ್ಮ ಪೇಶಿ ನಿಕ್ಳ ಎತ್ರೆಬಿ, ದಿಲ್ನಿಖ್ಹೂಜ್ನಾಬಿ ಸೋಚ್ ಸಮಜ್ನಾಬಿ ಪರ್ಖಾನು ಹುಯಿರ್ಹುಸ್.
ಆಬ್-ಧರ್ತಿ ಮಟಿಜಾ಼ಶೆ, ಕತೋಬಿ ಮಾರಿ ವಾತೆಖ್ಹಾರಿ ಕದೇಬಿ ಮಟ್ಶೆಸ್ ಕೊಯ್ನಿ.
ಕತೋಬಿ ಯೇಸುನೆ, "ಅದ್ಮಿ ಖಲಿ ರೋಟೊ ಖಾವಾಥೀಸ್ ಕೋ ಬಚಾ಼ನಿ, ದೇವ್ನ ಮ್ಹೋಡವಾಟೆ ನಿಕ್ಳಾಸ್ತೆ ಹರೇಕ್ ವಾತೆಥೀಸ್ ಬಚಾ಼ಸ್ತೆ’ ಕರಿ ವಚನ್ಮ ಲೀಖೈರ್ಹೂಸ್ನಿ" ಕರಿ ಬೋಲ್ಯೊ.
ತು ಅವ್ಣುನ ಖ್ಹಾಚಾ಼ಥಿ ಸಮರ್ಪಣ್ ಕರಿಲೆ ತಾರಿ ವಚನ್ ಖ್ಹಾಚು಼ ಹುಯಿರ್ಹೀಸ್.
ತುಮೆ ಕೆತ್ರುಕ್ಕಿ ಧರ್ಮಶಾಸ್ತ್ರನ ಪಢೋಸ್, ಯೋ ತುಮೂನ ಹಮೇಶಾನಿ ಜಿ಼ಂದ್ಗಿ ದಿಶೆ ಕರಿ ತುಮೆ ಸೋಚೋ಼ಸ್, ಕತೋಬಿ ಯೋ ಖ್ಹಾರು ದಪ್ತರ್ ಮಾರಿ ಬಾರೇಮಸ್ ಸಾಕ್ಷಿ ದ್ಯವಾನು ಹುಯಿರುಸ್.
ಕತೋಬಿ ಪ್ರಭುನಿ ವಾತ್ತೋಬಿ ಹಮೇಶಾಬಿ ರ್ಹಿಶೆ. ಯೋ ವಾತೆ ಖಿವಿಕತೊ ತುಮುನ ಬೋಲೈರ್ಹೀತೆ ಸುವಾರ್ತೆನಿ ವಚನಸ್.
Estudar e pregar
Os bereanos examinavam as Escrituras diariamente. Procura apresentar-te a Deus aprovado como obreiro que maneja bem a Palavra.
ಆ ಯೆಹೂದ್ಯವಾಳು ಥೆಸಲೋನಿಕನ ಯೆಹೂದ್ಯರ್ಥಿಬಿ ಪೌಲ ಸೀಲನೆ ಬೋಲ್ಯಾತೆ ಅಛ್ಛಿ ಸಂದೇಶ್ನ ಖುಲ್ಲ ದಿಲ್ಥಿ ಘಣು ಶಂತೋಖ್ಹ್ ಥಿ ಖ್ಹಮ್ಜ್ಯು. ಅಜು಼ ಯೊ ವಾತೆ ಖ್ಹಾಚು಼ಸ್ಕರಿ ಬೋಲಾನು ಮಾಲುಮ್ ಕರಿಲ್ಯವಾನಖ್ಹಾಜೆ ಪವಿತ್ರ ಪುಸ್ತಕನ ಹರೇಕ್ನೆ ಬರೋಬರ್ ಫಢ್ಯುತೆ ಇನಖ್ಹಾಜೆ ಥೆಸಲೋನಿಕ ವಾಳೇಥಿಬಿ ಅಛ್ಛಿಗುಣ್ವಾಳು ಹುಯಿರ್ಹುಥು
ಪೌಲನೆ ಕದೆ ಕದೇಬಿ ಜಾ಼ತೊಥೋತೆ ಇಮ್ಮಸ್ ಯೆಹೂದ್ಯರ್ನ ಮಳಾನಖ್ಹಾಜೆ ಸಭೆಮ ಗಯೊ. ಇನೆ ತೀನ್ ವಾರ ಸಬ್ಬತ್ ದನ್ಮ ಯೆಹೂದ್ಯರ್ನ ಜೋ಼ಡೆ ದೇವ್ನಿ ವಚನ್ನಿ ಆಧಾರ್ಥಿ ಬೋಲಿವತಾಳ್ಯೊ. ಜಗತ್ನ ಉದ್ಧಾರ್ ಕರಾವಾಳೊ, ಖ್ಹತಾಪ್ಣಿನ ಲೇವ್ಣೂಸ್ ಪಡ್ಯುಥು. ಅಜು಼ ಮರಿಜೈನ್ ಪಾಛು಼ ಉಟ್ನುಸ್ ಪಡ್ಯುಥು ಕರಿ ಮೇ ಬೋಲುಕರುಸ್ತೆ ಯೊ ಕ್ರಿಸ್ತ" ಕರಿ ಮಾಲುಮ್ ಕರಾಯೊ.
ಫಿಲಿಪ್ಪ ನಾಶಿಜೈ಼ನ್ ಯೊ ಅದ್ಮಿ ಯೆಶಾಯ ಪ್ರವಾದಿನು ದಪ್ತರ್ನ ಪಢುಕರಾತೆ ಖ್ಹಮ್ಜಿನ್, ‘ತೂ ಪಢುಕರಾತೆ ತುನ ಮಾಲುಮ್ ಪಡುಕರಸ್ಕಿ ಶು’? ಕರಿ ಬೊಲ್ಯೊ. ಇನೆ, ಕೋಣ್ತೋಬಿ ಮನ ಬರಬರ್ ನಾ ಖ್ಹಮ್ಜಾ಼ಡ್ಯುತೊ ಯೊ ಮನ ಕಿಮ್ ಅರ್ಥಪಡ್ಶೆ ಕರಿ ಬೋಲಿನ್ ತೂ ರಥ್ ಛ಼ಡಿನ್ ಮಾರಾಕನ ಬೇಶಿಜಾ಼ ಕರಿ ಫಿಲಿಪ್ಪನ ಬೋಲಿಲಿದೊ. ಯೊ ಫಡುಕರ್ತೊ ಥೋತೆ ಪವಿತ್ರ್ ದಪ್ತರ್ಮ ವಚನ್ನುಭಾಗ್ ಖೆವುಕತೊ ‘ಕತ್ರಾನ ಲೀಜಾ಼ಯಿತೆ ಮೇಂಢಾನ ಚೆಲ್ಕನಿತರ ಇನ ಲೀನ್ಗಯು; ಅಜು಼ ಮೇಂಢು ರುಯಿ ಕತ್ರಾವಾಳನ ಖ್ಹಾಮ್ಣೆ ಖ್ಹೊಪ್ರ್ಹವಾನಿತರ ಇನೆ ಮ್ಹೋಡು ಮ್ಹೆಲ್ಯೊಸ್ ಕೊಯ್ನಿ.
ತದೆ ಫಿಲಿಪ್ಪನೆ ಬೋಧನೆ ಕರ್ತೊಹುಯಿನ್ ಯೋಸ್ ವಚನ್ನಿ ಆಧಾರ್ ಕರಿಲಿನ್ ಇನ ಯೇಸುನಿ ಬಾರೇಮಾನಿ ಸುವಾರ್ತೆನ ಖ್ಹಮ್ಜಾ಼ಡ್ಯೊ.
ತದೆ ಯೇಸುನೆ ಇವ್ಣುನ, "ಅಲ ಬಿಣ್ಖ್ಹೈಲಾ, ಪ್ರವಾದಿಯೇನೆ ಬೋಲ್ಯಾತೆ ಇನ ವಿಶ್ವಾಸ್ ಕರಾಕೊಂತೆ ಮಂದ್ ದಿಲ್ವಾಳಾವೊ, ಕ್ರಿಸ್ತ ಅಮ್ನಿಖ್ಹಾರಿ ಖ್ಹತಾಪ್ಣಿ ಖೈನ್, ಇನಿ ಮಹಿಮೆಮ ಜಾ಼ವಾನು, ಜ಼ರೂರತ್ ಛಾ಼ನಿ ಕರಿ ಬೋಲಿನ್, ಮೋಶೆಥು ಧರೀನ್, ಖ್ಹಾರ ಪ್ರವಾದಿಯೇನು ಅಖ್ಖ ಪವಿತ್ರ ದಪ್ತರ್ಮ, ಇವ್ಣಿ ಬಾರೇಮ ಲೀಖೈರ್ಹೂತೆ ಖ್ಹಾರನ ಇವ್ಣುನ ಬೋಲಿವತಾಳ್ಯೊ.
ಯೇಸು ಇವ್ಣ ಖನ್ನೆ ಆಯಿನ್, "ಸೊರ್ಗಾಮಾಬಿ, ಧರ್ತಿಪರ್ಬಿ ಖ್ಹಾರೀಸ್ ಅದಿಕಾರ್ ಮನ ದೆವೈರ್ಹೀಸ್. ಇನಖ್ಹಾಜೆ ತುಮೆ ಜೈ಼ನ್, ಖ್ಹಾರ ದೇಖ್ಹ್ಮ ಛಾ಼ತೆ ಅಲಕ್ ಅಲಕ್ ವಾತೆ ಬೋಲಾವಳು ಅದ್ಮಿ ಖ್ಹಾರಾನ ಮಾರ ಶಿಷ್ಯರ್ ಬಣಾವೊ: ಇವ್ಣುನ ಬಾ, ಛಿಯ್ಯೊ ಅಜು಼ ಪವಿತ್ರಾತ್ಮನ ನಾಮ್ಪರ್ ಬ್ಯಾಪ್ತಿಸ್ಮ ದೆವೊ. ಅಜು಼ ಮೇ ತುಮೂನ ಹುಕುಮ್ ದೀರಾಖ್ಯೋತೆ ಖ್ಹಾರಸ್ನ ಇವ್ಣೆ ಪಾಡಿ ಚಾ಼ಲಾನಿಘೋಣಿ ಇವ್ಣುನ ಬೋಲಿವತಾಳೊ. ಅಜು಼ ಯಾದ್ಮ ರ್ಹವಾದೇಕಿ ಜಗತ್ನು ಖ್ಹರ್ತಿ ಹುವಾಲಗೂಬಿ, ಹಮೇಶ ಮೇ ತುಮಾರ ಜೋ಼ಡೆಸ್ ರ್ಹೀಶ್" ಕರಿ ಬೋಲ್ಯೊ.
ಜೈ಼ನ್, ‘ಸೊರ್ಗನು ರಾಜ್ಯ ಖನ್ನೆ ಐಗು’ ಕರಿ ಬೋಲಿವತಾಳೊ.
Revelação e fidelidade
A Palavra do Senhor veio aos profetas. A graça de Deus se manifestou na Escritura para a salvação de todos.
Viver pela Palavra
Não só de pão vive o homem. Nada acrescentes nem diminuas. A Palavra é alimento, guia e espada do cristão.
ಖತಮ್
ಆ ಪುಸ್ತಕ್ಮ ಲೀಖೈರ್ಹೂತೆ ಪ್ರವಾದನೆನು ವಚನ್ಖ್ಹಾರು ಖ್ಹಮ್ಜಾ಼ತೆ ಹರೇಕ್ ಜ಼ಣಾನಾಬಿ ಮೇ ಬೋಲಾನಿ ಸಾಕ್ಷಿ ಶಾತ್ಕತೊ, "ಕೋಣ್ತೋಬಿ ಅನಾಮ ಶಾತ್ತೋಬಿ ಮಳಾಯೊತೊ, ದೇವ್ ಇವ್ಣಪರ್ ಆ ಪುಸ್ತಕ್ಮ ಲೀಖೈರ್ಹುತೆ ಖ್ಹತಾಪ್ಣಿಖ್ಹಾರು ಆವಾನಿತರ ಕರ್ಶೆ. ಖಿವೊತೋಬಿ ಆ ಪ್ರವಾದನೆನು ವಚನ್ಮ ಏಕ್ನತೋಬಿ ಕಾಡಿನಾಖ್ಯೊತೊ, ಆ ಪುಸ್ತಕ್ಮ ಬೋಲೈರ್ಹುಸ್ತೆ ಜಾನ್ನ ಝಾ಼ಡಮಾಬಿ ಪರಿಶುದ್ಧ ಖ್ಹಯೇರ್ಮಾಬಿ ಇನಛಾ಼ತೆ ವಾಟಾನ ದೇವ್ ಕಾಡಿನಾಕ್ಶೆ.
ಎಕ್ಕಸ್ ಸುವಾರ್ತೆ
ಕ್ರಿಸ್ತನಿ ವಾರ್ಖ್ಹೇಥಿ ತುಮುನ ಬುಲಾಯ ಹುಯಾನ ಮ್ಹೇಲಿನ್ ಅತ್ರೆ ವಗ್ಗಿಸ್ಮ ಬಿಜೇಕ್ ಸುವಾರ್ತೆನ ತುಮೆ ಸ್ವಿಕಾರ್ಕರಾನು ದೇಖಿನ್ ಮನ ಆಶ್ಚರ್ಯ ಹುವಾಸ್. ಬೋಲ್ನುಕತೊ ಸುವಾರ್ತೆ ಬಿಜು಼ ಕೊಯ್ನಿ ಕತೋಬಿ ಥೋಡುಜ಼ಣು ತುಮಾರಮ ಘುಂಜ್ಲಾ಼ವ್ಣಿಕರೀನ್ ಕ್ರಿಸ್ತನಿ ಸುವಾರ್ತೆನ ಬದ್ಲಾವನ ಕೋಶಿಶ್ ಕರುಕರಸ್. ಕತೋಬಿ ಹಮೆ ತುಮುನ ಸುವಾರ್ತೆನ ಖ್ಹಮ್ಜಾ಼ಡ್ಯ. ಇನಖ್ಹಾಜೆ ಹಮೇಸ್ ರ್ಹವೊ, ಸೊರ್ಗಥೊ ಆಯೋತೆ ದೇವ್ನೊ ದೂತಾಸ್ ರ್ಹವೊ, ಬಿಜೇಕ್ ಸುವಾರ್ತೆನ ಬೋಲಿ ವತಾಳ್ಯುತೊ ಯೊ ಶಾಪ್ವಾಳೊ ಹುವಾದೆ. ಮೆ ಪಹಿಲೆಸ್ ಬೋಲ್ಯೊತೆ ತಿಮ್ಮಸ್ ಹಮ್ಕೆಬಿ ಮೆ ಪಾಛು಼ ಬೋಲುಕರುಸ್. ತುಮೆ ಸ್ವೀಕಾರ್ ಕರ್ಯಾತೆ ಸುವಾರ್ತೆನ ವಿರೋದ್ಥಿ ಕೋಣ್ತೋಬಿ ಬೋಲಿವತಾಳ್ಯುತೊ ಯೊ ಶಾಪ್ ಲೀರಾಖವಾಳೊ ಹುಯಿರೊಸ್.
ಅಪ್ಣೊ ಪ್ರಭುನಿ ದೀರ್ಘಶಾಂತಿ ಅಪ್ಣ ಬಚಾ಼ಡನ ಖ್ಹಾಜೆಸ್ಕರಿ ಮಾಲುಮ್ಕರಿಲೆವೊ. ಅಪ್ಣೊ ಪ್ಯಾರ್ನೊ ಭೈ ಹುಯಿರ್ಹೋತೆ ಪೌಲಜಿನು ದೇವ್ನೆ ದಿದೊತೆ ಗ್ಯಾನ್ನಿ ಪರಕ್ಮ ತುಮೂನ ಲೀಖಿರಾಖ್ಯೊಸ್. ಪೌಲ ಇನಿ ಖ್ಹಾರಿಸ್ ಚಿಟ್ಟಿಮಾಬಿ ಆ ವಾತೆನಿ ಬಾರೇಮ ಬೋಲಿರಾಖ್ಯೊಸ್. ಆ ಚಿಟ್ಟೀಮ ಛಾ಼ತೆ ಥೋಡಿವಾತೆಖ್ಹಾರು ತುಮುನ ಮಾಲುಮ್ ಕರ್ಲ್ಯಾವನ ಕಠಣ್ ಹುಯಿರ್ಹುಸ್. ಬಿಣ್ ಅಕ್ಲೀಬಿ ಅಜು಼ ವಿಶ್ವಾಸ್ಮ ಕಮ್ಜೋ಼ರ್ ಹುಯಿರ್ಹವಾಳು ಬಿಜ಼ ಧರ್ಮಶಾಸ್ತ್ರನಿ ಘೋಣಿಸ್ ಅನಾಬಿ ಗಲತ್ ಮತ್ಲಬ್ದೀನ್ ಇವ್ಣಿ ನಾಶ್ನ ಇವ್ಣೆಸ್ ಲೀಲೆಸ್.
ಪವಿತ್ರದಪ್ತರ್ಮ ಅಗಾಡಿಸ್ ಲೀಖೈರ್ಹೂತೆ ಅಪ್ಣುನ ಬೋಧನೆ ಕರಾನಖ್ಹಾಜೇಸ್ ಲೀಖೈರ್ಹೂಥು. ಅಪ್ಣೆ ಫಡೀನ್ ಘಟ್ದಿಲ್ಥೀಬಿ ಭಾಲಿಲೀನ್ ಭರೋಖ್ಹಾಥಿ ರ್ಹವಾಳ ಹುಯಿರ್ಹೇವ್ಣುಕರಿ ದಪ್ತರ್ಮ ಲೀಖಾಯು
ಕತೋಬಿ ಪ್ರಭುಮ ವಿಶ್ವಾಸ್ ನಾರ್ಹಯುತೊ ಇನ ನಾಮ್ನ ಬೋಲಿಲ್ಯವಾನುಬಿ ಕಿಮ್? ಇವ್ಣೆ ಸಂದೇಶ್ ಖ್ಹಮ್ಜ್ಯುನಾತೊ ಇನಾಪರ್ ವಿಶ್ವಾಸ್ ಕರಾನುಬಿ ಕಿಮ್? ಬೋಲವಾಳೊ ನಾರ್ಹಯೊತೊ ಇವ್ಣೆ ಖ್ಹಮ್ಜಾ಼ನು ಕಿಮ್? ಸುವಾರ್ತೆನ ಫೈಲಾವಾಳೊ ನಾಮೋಕ್ಲಾಯೊತೊ ಬೋಲಾನುಬಿ ಕಿಮ್? ಬೋಧನೆ ಕರವಾಳನ ಮೋಕ್ಲ್ಯೊನಾತೊ ಬೋಲ್ಶೆ ಕಿಮ್? ಇನಖ್ಹಾಜೇಸ್, "ಅಛ್ಛಿ ಸುವಾರ್ತೆ ಬೋಲವಾಳನು ಪಗ್ ಕೆತ್ರೇಕ್ಕಿ ಶನ್ಗಾರ್" ಕರಿ ಪವಿತ್ರದಪ್ತರ್ಮ ಲೀಖೈರ್ಹುಸ್. ಕತೋಬಿ ಖ್ಹಾರುಸ್ ಸುವಾರ್ತೆನ ಸ್ವೀಕಾರ್ ಕರ್ಯುಕೊಯ್ನಿ. ಆ ಬಾರೇಮ ಯೆಶಾಯ ಪ್ರವಾದಿ "ಪ್ರಭು, ಹಮೆ ಬೋಲ್ಯಾತೆ ಸುವಾರ್ತೆನ ಕೋಣ್ ವಿಶ್ವಾಸ್ ಕರ್ಯು"? ಕರಿ ಬೋಲಸ್. ಇನಖ್ಹಾಜೆ, ಬೋಲಾತೆ ಸುವಾರ್ತೆನ ಖ್ಹಮ್ಜಾ಼ಥಿ ವಿಶ್ವಾಸ್ ಆವಸ್, ಯೋ ಖಿವುಕತೊ ಕ್ರಿಸ್ತನಿ ಬಾರೇನಿ ವಚನ್ ಹುಯಿರ್ಹಿಸ್.
ಸುವಾರ್ತೆನಿ ಶಕತ್
ಮಾರಿ ಸುವಾರ್ತೆನಿ ಬಾರೇಮ ಮನ ಪೂರ ಆತ್ಮ ವಿಶ್ವಾಸ್ ಛಾ಼. ಶನಕತೊ ಯೋ ಪಹಿಲೆ ಯೆಹೂದ್ಯರ್ನ ಇನಕೇಡೆಥು ಯೆಹೂದ್ಯಕಾಹೇತೆ ಇವ್ಣುನಾಸ್ ಕಾಹೆತೆ ವಿಶ್ವಾಸ್ಕರವಾಳ ಹರೇಕ್ನಬಿ ಆ ಸುವಾರ್ತೆ ರಕ್ಷಣೆನ ಉಬ್ಜಾ಼ವನಿ ದೇವ್ನಿ ಶಕತ್ಹುಯಿರ್ಹೀಸ್. ಕಿಮ್ಕತೊ ದೇವ್ ಸುವಾರ್ತೆಥಿ ಅದ್ಮಿವೋನ ಇನಭಣಿ ಅಛ಼್ಛುಹುವಾನಿಘೊಣಿ ಕರಸ್. ಅಥ್ರಾನು ಸಂಬಂದ ಶುರುವಾತ್ಥು ಖ್ಹರ್ತಿಲಗೂಬಿ ವಿಶ್ವಾಸ್ನಪರ್ ಭೀರೆಸ್. "ಅಮ್ ನೀತಿವಾಳೊ ವಿಶ್ವಾಸ್ಥೀಸ್ ಜಿವ್ಶೆ" ಕರಿ ಪವಿತ್ರಪುಸ್ತಕ್ಮ ಲಿಖೈರ್ಹುಸ್.
ಅಪ್ಣೆ ಜಗತ್ಮಛಾ಼ತೆ ಆತ್ಮಾನ ಲೀರಾಖ್ಯಾಕೊಯ್ನಿ ದೇವ್ ಅಪ್ಣುನ ಫುಗಟ್ನಿ ಗೋರ್ಥಿ ದಿದೊತೆ ವರಾನ ಮಾಲುಮ್ ಕರಿಲ್ಯವಾನಖ್ಹಾಜೆ ದೇವ್ಥಿ ಆಯಿತೆ ಆತ್ಮನಾಸ್ ಲೀರಾಖ್ಯಸ್. ಅನಖ್ಹಾರು ಬೋಲಾನಿವಖ್ಹ್ತೆ ಅದ್ಮಿನಿ ಅಕ್ಕಲ್ಥಿ ಶಿಕಿಹುಯಿ ವಾತೆಖ್ಹಾರು ಕೋಬೊಲ್ಯೊಂತೆ ಪವಿತ್ರಾತ್ಮನೆಸ್ ಶಿಕಾಡಿದಿದೋತೆ ವಾತೆನಾಸ್ ಬೋಲಿಲ್ಯವಾಳ ಹುಯಿರಾಸ್. ಅಮ್ ಆತ್ಮೀಕಥಿ ರ್ಹೇಸ್ತೆ ಖ್ಹಾಚ಼ನ ಆತ್ಮಾಮ ರ್ಹವಾಳನ ರಹಾಥಿ ಬೋಲಿವತಾಳಸ್. ಜಗತ್ನು ಹುಯಿರ್ಹಾವಳೊ ದೇವ್ನಿ ಆತ್ಮಾನಿ ವಾತೇನ ಸ್ವೀಕಾರ್ ಕೋಕರಾನಿ; ಯೊ ಅಖ್ಖು ಇನ, ಘೈಲಿ ವಾತೆನಿಘೋಣಿ ದೇಖಾವಸ್. ಯೋ ಅದ್ಮಿ ಪವಿತ್ರಾತ್ಮನಿ ವಾತೇನ ಸೋಚಾನ ಕೊ ಹುವಾನಿ; ಶನಕತೊ ಯೊ ವಾತೇವ್ನ ಆತ್ಮೀಕ್ ಪರಕ್ಮಾಸ್ ವಿಚಾರ್ ಕರ್ನು.
ಹೈರೂತೆ ದೇವ್ನಿ ಗ್ಯಾನ್ನಿ ಖ್ಹೂಜ಼್ ಹುಯಿರ್ಹುಥು. ಜಗತ್ ಇನಿ ಶೊಂತ್ ಗ್ಯಾನ್ಥಿ ದೇವ್ನ ಖ್ಹಮ್ಜಿರಾಖ್ಯುಥು ಕೊಯ್ನಿ. ಇನಖ್ಹಾಜೆ ಘೈಲಾನಿತರ ದೆಖಾವತೆ ಬೋಧನ್ಥಿ ವಿಶ್ವಾಸ್ ಕರವಾಳನಿ ರಕ್ಷಣೆ ಕರಾನು ದೇವ್ನ ಅಛ್ಛು಼ಕರಿ ದೆಖಾಯು.
ಯೆಹೂದ್ಯರ್ಖ್ಹಾರು ಸಾಕ್ಷಿನಖ್ಹಾಜೆ ಖ್ಹಣೇದ್ನಕಾಮ್ನ ಖ್ಹಮ್ಜ಼ಸ್. ಗ್ರೀಕ್ವಾಳಾನ ಗ್ಯಾನ್ನ ಢೂಂಡಸ್. ಅಪ್ಣೆತೋಬಿ ಶಿಲ್ಬೇಪರ್ ಮರೈಗಯೋತೆ ಕ್ರಿಸ್ತನಿ ಬಾರೇಮ ಬೋಲಿಯೇಸ್. ಆ ಹೈರುತೆ ಯೆಹೂದ್ಯರ್ನ ಅಡ್ಡಿ ಹುಯಿರ್ಹೂಸ್. ಯೆಹೂದ್ಯರ್ಕಾಹೆತೆ ಅದ್ಮಿನ ಘೈಲಾನಿತರ ದೇಖಾವಸ್. ಕತೋಬಿ ದೇವ್ಥಿ ಬುಲೈಲಿದಹುಯ ಅದ್ಮಿ ಯೆಹೂದ್ಯರ್ ಹುಯಿರ್ಹತೋಬಿ ಯೆಹೂದ್ಯರ್ಕಾಹೇತೆ ಹುಯಿರ್ಹುತೋಬಿ ಇವ್ಣುನ ಕ್ರಿಸ್ತಾಸ್ ದೇವ್ನಿ ಶಕತ್ ಹುಯಿರ್ಹೋಸ್. ಅಜು಼ ದೇವ್ನಿ ಅಕ್ಕಲ್ ಹುಯಿರೊಸ್.
ಕ್ರಿಸ್ತನೆ ಮನ ಮೋಕ್ಲ್ಯೊತೆ ಬ್ಯಾಪ್ತಿಸ್ಮ ದ್ಯವಾನ ಕಾಹೆ. ಸುವಾರ್ತೆನ ಖ್ಹಮ್ಜಾ಼ಡನಖ್ಹಾಜೆ ಎತ್ರೇಸ್. ಕತೋಬಿ ಖಾಲಿ ಅದ್ಮಿನಿ ಅಕ್ಕಲ್ಥಿ ಬೋಲಿ ಖ್ಹಮ್ಜಾ಼ಡನ ಮನ ಮೋಕ್ಲ್ಯೊ ಕೊಯ್ನಿ. ಮೇ ಕಾಯ್ತೋಬಿ ಲೋಕ್ನಿ ಗ್ಯಾನ್ಥಿ ಸುವಾರ್ತೆ ಬೋಲ್ಯೊಹೊತ್ತೊ ಕ್ರಿಸ್ತನಿ ಶಿಲ್ಬೇನಿ ಶಕತ್ ಫಾಯಿದೊಕೊಂತೆ ಹುಯುಹೊತ್ತ್.
ಕತೋಬಿ ಅಂಧಾರಮ ಛಾ಼ತೆ ತುಮುನ ಬುಲೈನ್ ಇನ ಆಶ್ಚರ್ಯನ ಉಜಾ಼ಳಮ ಮಳೈಲಿದ ಹುಯಾನ ಅದ್ಭುತ್ ಕಾಮ್ನ ಕರಾವಳ ಹೋಣುಕರಿ ತುಮೆ ಚೂ಼ಣೈಗಯುಹುಯು ಜ಼ಗ್ಜಾ಼ತ್ಬಿ, ರಾಜಾ಼ನ ಖಾನ್ದಾನ್ನ ಯಾಜಕ್ಬಿ, ಪರಿಶುಧ್ ಅದ್ಮಿಬಿ, ದೇವ್ನ ಶೊಂತ್ ಅದ್ಮಿಬಿ ಹುಯಿರ್ಹಾಸ್.